ভারতকী প্রধানমন্ত্রী

উত্তর প্রদেসকী প্রায়াগ্রাজদা মাইপাক্না মহা কুম্ভ লোইশিনখিবদা ঙসি প্রধান মন্ত্রী শ্রী নরেন্দ্র মোদীনা লোক সভাদা ৱা ঙাংখ্রে। মখোয়গী থবকশিংনা মাইপাক্না মহা কুম্ভ পাংথোকপা ঙমখিবদা মহাক্না মশিং থিঙমদ্রবা লৈবাক অসিগী মীয়াম থম্মোয় শেংনা থাগৎপা ফোঙদোকখি। মহা কুম্ভ মাইপাক্না তোঙান তোঙানবা মীওইশিং অমসুং কাংবুনা অপুনবা ওইনা পাংথোকখিবা থবকশিং পল্লদুনা মহাক্না ইকায়খুম্নবা উৎখি অমসুং সরকার, খুন্নাই অমসুং কৎথোক্লবা শিন্মীশিংগী থবকশিং থাগৎপা ফোঙদোকখি। লৈবাক শীনবা থুংবগী ভক্তশিং, মরুওইনা উত্তর প্রদেসকী মীয়াম অমসুং প্রায়াগ্রাজগী মীয়াম, মখোয়গী মমল নাইদ্রবা মতেং অমসুং শরুক য়াবগীদমক প্রধান মন্ত্রীনা মহাক্কী তৌবীমল খঙবা উৎখি।

মহা কুম্ভ শীনবা অচৌবা থবকশিং দরকার ওইরিবা অদু পল্লদুনা, থবক অসি ভাগিরতনা গঙ্গা মালেমদা পুরক্নবা হোৎনখিবা অদুগা চাংদম্নরদুনা, প্রধান মন্ত্রীনা হায়খি লাল কিলাদা মহাক্না ৱা ঙাংবদা “ সবকা প্রায়াস” গী মরুওইবা মহাক্না ফোঙদোকখি। মহা কুম্ভনা ভারতকী চিং-লেম্বা মালেমগী মফমদা উৎলে। মহা কুম্ভ অসি অপুনবা ৱাশক, ভক্তি অমসুং মীয়ামগী কৎথোকপা, মখোয়গী লাইনিংনা পীবা ইথিল অদু উৎথোকপা অমনি।

প্রধান মন্ত্রীনা হায়খি প্রায়াগ্রাজ মহা কুম্ভ অসি লৈবাক অসি মিকপ থোকপগী ৱাখল অমগী মমি তাবা শিংথানিঙাই ওইনা মাইপাকপা অমনি। মিকপ থোক্লকপা অসিনা লেবাক অসি অনৌবা ৱারেপশিং অমসুং মখোয়গী অনিংবশিং থুংনবা মাইকৈদা পুশিল্লে। লৈবাক অসিগী তৌবা ঙম্বগী মতাংদা মীওই খরনা চিংনবা লৈরম্বা অদু মহা কুম্ভনা মপুংফানা কোকহল্লে।

লৈবাক অসিদা অওনবা লাকপগী খোঙচৎ ফোঙদোক্লদুনা, হৌখিবা চহিদা অয়োধ্যাদা রাম মন্দির শঙ্গাখিবা অমসুং চহি অসিগী মহা কুম্ভ অনিগী মরক্ত মান্না অমা থম্লদুনা, প্রধান মন্ত্রীনা হায়খি থৌদোকশিং অসিনা মথং চহি ১০০০ গীদমক লৈবাক অসিনা থৌরাং তৌবা অমুক হন্না মপাঙ্গল কনখৎহল্লে। লৈবাক অসিগী অপুনবা ৱাখল্লোন্দা লৈবাক অসিগী অচৌবা থৌনাগী মমি তারে। লৈবাক অমগী পুৱারিদা মরুওইবা তাঞ্জাশিং, মীওইবগী পুৱারিগুম, লাক্কদৌরিবা মীরোলশিংগী খুদমশিং ওইরগনি।

প্রধান মন্ত্রীনা হায়খি মদুদি ভারতকী পুৱারিগী খুমাঙচাউশিনবশিংনা লৈবাক অসি মিকপ থোকহনখি অমসুং অনৌবা মাইকৈ তাকখি, শ্বাদেসি ইহৌ মনুংদা অধ্যাতিক্কী অনৌবা ইনোৎ লাকখি, শ্বামী বিবেকানন্দগী মমিং লৈরবা চিকাগোগী ৱারোল অমসুং ভারতকী নিংতম ইহৌগী মরুওইবা মিকুপশিং, ১৮৫৭ গী লালহৌ, ভগত সিংহনা থৱায় কৎখিবা, নেতাজি সুভাস চন্দ্র বোসকী “দিল্লি চৎলো” অমসুং মহাত্মা গান্ধীগী দান্দি খোঙচৎ লৈখি। প্রায়াগ্রাজগী মহা কুম্ভ অসি মসিগা মান্নবা শিংথানিঙাই ওইরবা মাইপাকপা অমনি, লৈবাক অসি মিকপ থোক্লকপগী খুদমনি।

ভারত্ত থা অমগা মখায় রোম পাংথোকখিবা মহা কুম্ভ মনুংদা উখিবা হরাওবগী মতাংদা, প্রধান মন্ত্রীনা হায়খি ভক্ত করোর কয়ানা খুদোংচাবা নত্ত্রগা খুদোংচাদবা থিদনা, অচেৎপা থাজবগা লোয়ননা থোক্লক্তুনা লৈবাক অসিগী অকনবা থৌনা উৎখি। হন্দক মহাক্না মাউরিসিয়সতা চৎলুবদা, মফম অদুদা মহাক্না মহা কুম্ভ  মনুংদা প্রায়াগ্রাজগী ত্রিবেনিদগী শোকপা শেংলবা ঈশিং পুখি। মাউরিসিয়সকী গঙ্গা তালাউদা শেংলবা ঈশিং কৎপদা অঙকপা হরাওবা অমসুং কৎথোকপা উবা ফংখি। মসিদা ভারতকী চৎনবীশিং, নাৎ অমসুং গুনশিং লৌশিনবা, হরাওবা ফোঙদোকপা অমসুং ঙাক-শেনবগী ৱাখল হেনগৎলকপগী মমি তারে।

প্রধান মন্ত্রীনা হায়খি চৎনবীশিং অতৎ-অখম লৈতনা মীরোল কয়া মখা চৎথদুনা লাক্লি, অচেৎপা কৎথোকপগা লোয়ননা ভারতকী অনৌবা নহারোলশিংনা মহা কুম্ভ অমসুং অতোপ্পা কুহ্মৈশিং থৱায় য়াওনা শরুক য়ারি। ঙসিগী নহারোলশিংনা চাউথোকচবগা লোয়ননা মখোয়গী চৎনবীশিং, লাইনিং অমসুং থাজবশিং ইল্লি, ভারতকী নাৎ অমসুং চৎনবীশিংগা য়াম্না চেৎনা মরী লৈনবা অদু মমি তারি।

প্রধান মন্ত্রীনা হায়খি মদুদি খুন্নাই অমনা মদুগী চৎনবীশিংগী চাউথোকচবা মতমদা, মদুনা ফজবা অমসুং পুক্নিং থৌগৎপা মিকুপশিং ওইরকই অমসুং মদু ঐখোয়না মহা কুম্ভদা উবা ফংলে। অসিগুম্বা চাউথোকচবা অসিনা অপুনবগী শক্তম হেনগৎহল্লি অমসুং লৈবাক্কী মরুওইবা পান্দমশিং ফংনবা থাজবা হেনগৎহল্লি। চৎনবীশিং, লাইনিং অমসুং নাৎকা শম্নবা অসি হৌজিক্কী ভারতকী মমল নাইদ্রবা লন্নি, মসিদা লৈবাক অসিগী অপুনবা মপাঙ্গল অমসুং নাৎকী ইনাকখুনবা অদু মমি তারি।

প্রধান মন্ত্রীনা মখা তানা হায়খি মহা কুম্ভনা মমল নাইদ্রবা কান্নবা কয়া ফংহল্লে, অমতা ওইবগী ৱাখল্লোন অসিনা মহা কুম্ভগী শেংলবা খুদোল ওইরে। লনাই মীওইশিংগী নাপলশিং নাথৈদুনা থম্লগা অমসুং “ঐখোয়” অমসুং “ঐ” হায়বা অপুনবগী ৱাখল্লোন অমগা লোয়ননা লৈবাক অসিগী মফম খুদিংমক্তগী অমসুং কাচিন-কোয়া খুদিংমক্তগী মীওইশিং প্রায়াগ্রাজদা তিল্লে। তোঙান তোঙানবা রাজ্যশিংগী মীওইশিং শেংলবা ত্রিবেনিগী শরুক অমা ওইরে, মরৈবাক নুংশিবা অমসুং অপুনবগী ৱাখল্লোন মপাঙ্গল কনখৎহল্লে। তোঙান তোঙানবা লোল ঙাংবা মীওইশিংনা শঙ্গমদা “হর হর গঙ্গে” লাউবা মতমদা, মসিদা “এক ভারত শ্রেস্থা ভারত” গী মমি তারে অমসুং অমতা ওইবগী ৱাখল্লোন হেনগৎহল্লে। অচৌবা অমসুং অপীকপা অনিগী মরক্ত খেন্নবা লৈতবা অদু মহা কুম্ভনা উৎলে। লৈবাক অসিগী মনুংদা লৈরিবা অপুনবা অসি অশুক্কী মতিক মপাঙ্গল কল্লে মদুদি মসিনা তোখাই তানবা হোৎনবা থবকশিং লাকশিনবা ঙম্লে। মসিগী অপুনবা অসি ভারতমচাশিংগী খ্বাইদগী লাইবক ফবনি অমসুং মচেৎ তাবা মায়োক্নরিবা মালেম অমগী শিংথানিঙাই ওইরবা পাঙ্গল অমনি। “খেন্নবশিংগী অপুনবা শক্তম” অসিনা ভারত মশক তাক্লি, মসি প্রায়াগ্রাজ মহা কুম্ভনা খুদম ওইনা উৎলে। খেন্নবগী অপুনবা শক্তম অসি অঙকপা লমচৎ অসি মখা তানা লৈবাক অসিনা ফগৎহনগদবনি।

মহা কুম্ভদগী তোঙান তোঙানবা ইথিলশিং ফংখিবগী মতাংদা, প্রধান মন্ত্রীনা হায়খি মদুদি লৈবাক অসিদা তুরেল কয়া চেল্লি, তুরেল কয়া খুদোংচাদবা কয়া মায়োক্নরি। মহা কুম্ভনা ইথিল পীদুনা তুরেলশিংগী কুহ্মৈশিং পাংথোকপগী চৎনবীশিং পাকথোক-চাউথোকহনবা দরকার ওইরে, অসিগুম্বা থবকশিংনা হৌজিক্কী মীরোলনা ঈশিংগী মরুওইবা খঙবা, তুরেল লু-নান্না থম্বা হেনগৎহনবা অমসুং তুরেলশিং ঙাক-শেনবদা মতেং পাংগনি।

লোইশিল্লকপদা, প্রধান মন্ত্রীনা হায়খি মদুদি মহা কুম্ভদগী ফংলকপা ইথিলশিং অসিনা লৈবাক অসিগী পান্দমশিং ফংনবা মপাঙ্গল কনবা পাম্বৈ অমা ওইনা থবক তৌগনি। মহা কুম্ভ শীনবদা শরুক য়াখিবা মীওই খুদিংমক থাগৎপা ফোঙদোকচরি অমসুং লৈবাক শীনবা থুংবগী ভক্তশিংদা ইকায়খুম্নবা উৎচরি অমসুং হাওসকী মহুৎশীন্দুনা মহাক্না য়াইফ-পাউজেল পীজরি।

Speaking in the Lok Sabha. https://t.co/n2vCSPXRSE

— Narendra Modi (@narendramodi) March 18, 2025

I bow to the countrymen, whose efforts led to the successful organisation of the Maha Kumbh: PM @narendramodi pic.twitter.com/S7VCVne7XC

— PMO India (@PMOIndia) March 18, 2025

The success of the Maha Kumbh is a result of countless contributions… pic.twitter.com/0hlAxRYSqj

— PMO India (@PMOIndia) March 18, 2025

We have witnessed a ‘Maha Prayas’ in the organisation of the Maha Kumbh. pic.twitter.com/vhLgcsX1sA

— PMO India (@PMOIndia) March 18, 2025

This Maha Kumbh was led by the people, driven by their resolve and inspired by their unwavering devotion. pic.twitter.com/DgKr7PFXy7

— PMO India (@PMOIndia) March 18, 2025

Prayagraj Maha Kumbh is a significant milestone that reflects the spirit of an awakened nation. pic.twitter.com/QoiFKPT0Fv

— PMO India (@PMOIndia) March 18, 2025

Maha Kumbh has strengthened the spirit of unity. pic.twitter.com/kKT4kdsw48

— PMO India (@PMOIndia) March 18, 2025

In the Maha Kumbh, all differences faded away. This is India’s great strength, showing that the spirit of unity is deeply rooted within us. pic.twitter.com/m3c6EY3DFX

— PMO India (@PMOIndia) March 18, 2025

The spirit of connecting with faith and heritage is the greatest asset of today’s India. pic.twitter.com/nZ6YG21Keu

— PMO India (@PMOIndia) March 18, 2025

****