ভারতকী প্রধানমন্ত্রী

কেন্দ্রগী মন্ত্রীমন্দলগী ঐগী মরুপ অমিত সাহ, পঞ্জাবগী রাজ্যপাল অমসুং চান্দিগরগী এদমিনিস্ত্রেতর শ্রী গুলাব চান্দ কাতারিয়া, অমসুং ঐগী মরুপ রাজ্য সভাগী এম.পি শ্রী সাতনাম সিংহ সন্ধু, অতোপ্পা মীয়ামগী মীহুৎশিং, ইবেম্মাশিং অমসুং ইবুংঙোশিং।

চান্দিগরদা লাকপা অসি ঐগী মীয়াম মরক্ত লাকপগুম ঐ ফাওই। চান্দিগরগী শক্তম অসি অচুম্বা অমসুং অচুম্বা ৱায়েল শেমগৎখিবা শক্তিগী মওং অমা ওইরবী লাইরেম্বী মা চান্দিগা মরী লৈনৈ। চপ মান্নবা ৱাঙুলোন্দা য়ুম্ফম ওইদুনা ভারতিয় ন্যয়া সনহিতা অমসুং ভারতিয় নাগরিক সুরক্ষা সনহিতা শেমখিবনি। বিকসিত ভারতকী ৱারেপকা লোয়ননা অমসুং ভারত সংবিধান চহি ৭৫ মপুংফারকপগী থৌরমগা লোয়ননা মাঙলোমদা চঙশিনবা মরুওইবা তাঞ্জা অমদা লৈবাক অসিগী অফবা তাঙ্কক অমা ওইনা ভারত সংবিধান্না ইথিল পীদুনা ভারতিয় ন্যায় সনহিতা চৎনবা হৌখিবনি। মসি লৈবাক অসিগী মীয়ামগীদমক ঐখোয়না সংবিধান্না পান্দম থম্লিবা অচুম্বা ফিদমশিং ফংনবা মাইকৈদা পায়খৎপা অকনবা থবক অমনি। লাইভ দেমোন্সত্রেসন অমা পাংথোক্তুনা কমদৌনা আইনশিং অসি চৎনগনি হায়বা শক্তম অমা ঐ উরে। লোগী মহৈরোয়শিং, বার অমসুং জুদিসিয়ারগী মরুপশিং অমসুং মীয়াম্না আইনশিংগী লাইফ দেমোশিং য়েংগদবনি। অনৌবা ক্রিমিনেল লো অহুম মাইপাক্না চৎনবা হৌবগী থৌরম অসিদা মীয়ামদা ঐনা য়াইফ-পাউজেল পীজরি। ঐনা চান্দিগর লৈঙাক্কী মরী লৈনবা খুদিংমক থাগৎপা ফোঙদোকচরি।

মরুপশিং

লৈবাক অসিগী অনৌবা ন্যায় সনহিতা শেম্বগী থবক অসি অপুনবা অমনি। মসিদা লৈবাক অসিদা মমিং লৈরবা সংবিধান অমসুং আইনগী অখঙ-অহৈ কয়াগী অকনবা থবক য়াওখি। হোম এফেয়ার্স মিনিস্ত্রিনা পাউতাকশিং পীরক্নবা জনুৱারি ২০২০ দা খঙহনখ্রে। সুপ্রিম কোর্তকী চীফ জজতিস কয়া য়াওনা লৈবাক অসিগী হয় কোর্তশিংগী চীফ জজতিস কয়াগী পাউতাকশিং পীরকখি। মরৈ য়েৎনবা অমসুং খন্ন-নৈনবদা সুপ্রিম কোর্ত, হয় কোর্ত ১৬, জুদিসিএল একাদেমিশিং, লো ইন্সতিতুসনশিং, সিবিল সোসাইতি ওর্গনাইজেসনশিং অমসুং অখঙ-অহৈ কয়া য়াওনা মরী লৈনবা কয়া শরুক য়াখি অমসুং অনৌবা সনহিতাশিংগী পাউতাক পীনবা চহি কয়াগী মখোয়গী খঙবা-হৈবা অমসুং অনৌবা ৱাখল্লোনশিং শীজিন্নখি। ঙসিগী মালেম অসিদা খন্ন-নৈনবা অসি লৈবাক অমগী ওইনা দরকার ওই। নিংতম্বা চহি ৭০ অসিদা ৱায়েল কাংলোনগী থবকশিংনা মায়োক্নরিবা খুদোংচাদবশিংগী মতাংদা খন্ন-নৈনদুনা লাক্লি। ন্যায় সনহিতাগী তুংদা ওইরক্কদবা ফিবমশিং ফাওবা খন্নরে। হায়রিবা অকনবা থবকশিং অসিনা, ঐখোয়দা ন্যায় সনহিতাগী হৌজিক ওইরিবা মওং অসি ফংহল্লে। অনৌবা ন্যায় সনহিতা অসিগীদমক সুপ্রিম কোর্ত, পঞ্জাব অমসুং হরিয়ানা হয় কোর্ত অমসুং জজশিং মখোয়গী অকনবা থবকশিংগীদমক ঐনা থাগৎপা ফোঙদোকচরি। শরুক য়াবা অমসুং মসিগী মপু ওইবগীদমক ঐনা বার থাগৎপা ফোঙদোকচরি। মীওই খুদিংমক্কী মতেংগা লোয়ননা শেমখিবা ভারতকী ন্যায় সনহিতা অসি ভারতকী ৱায়েল কাংলোনগী খোঙচৎকী অচৌবা মাইপাকপা অমা ওইরগনি হায়না ঐনা চেৎনা থাজৈ। 

মরুপশিং

১৯৪৭ দা ঐখোয়গী লৈবাক নিংতম্বা ফংখি। খন্দুনা য়েংউ, চহি কয়া মীনাই ওইরুরবা মতুংদা, ঐখোয়গী লৈবাক নিংতম্বা ফংলবা মতুংদা, মীরোল কয়া ঙাইরক্লবা মতুংদা, মীওই কয়াগী কৎথোকপা মতুংদা, নিংতম্বগী মঙাল উরকপা মতমদা, মঙলান কয়া লৈরমগনি, লৈবাক কয়া য়াম্না হরাওরমগনি, অদুগা খনখি… করিগুম্বা বৃতিস চৎখ্রবদি, ইংলিস লোশিং লৈররোই। হায়রিবা আইনশিং অসি নিংতম্বা ফংদ্রিঙৈদা বৃতিসমচাশিংনা নমথনবা অমসুং ওৎনবা পাম্বৈশিং ওইনা ক্রিমিনেল লোশিং অসি শেমখিবনি। ১৮৫৭ গী লৈবাক অসিগী অহানবা অচৌবা নিংতম ইহৌগী মখা তারকপদা ১৮৬০ দা ইন্দিয়ান পেনাল কোদ (আই পি সি) চৎনবা হৌখি। চহি খরগী মতুংদা, ইন্দিয়ান ইভিদেন্স এক্ত চৎনখি অমসুং  সি.আর.পি.সিগী অহানবা ফিবম অমা লাকখি। হায়রিবা আইনশিং অসিগী পান্দমদি ভারতমচাশিং চৈরাক পীবা অমসুং মখোয়গী মীনাই ওইহনবনি। নিংতম্লবা চহি কয়াগী মতুংদা ফাওবা, চপ মান্নবা পেনাল কোদ অমসুং পেনাল মাইন্দসেতকী অকোয়বদা ঐখোয়গী আইনশিং লৈবা অসি লাইবক থিবনি। আইনশিং মতম মতমগী মতুংইন্না হোংলবশু, মখোয়গী মরমচৎতি হোংদনা লৈখি। মসিগী মীনাই ওইবগী ৱাখল্লোন অসিনা ভারতকী চাউখৎপদা য়াম্না চাউনা চৈথেং পীখি।

মরুপশিং,

হৌজিক লৈবাক অসি হৌজিক লোয়লম লৈঙাক্কী ৱাখল্লোন থাদোক্লে। লৈবাক অসি শেমগৎপদা লৈবাক অসিগী মপাঙ্গল শীজিন্নগদবনি। চহি অসিগী নিংতম্বা নুমিত্তা ৱা ঙাংবদা, লৈবাক অসিদগী মীনাই ওইবগী ৱাখল্লোল কোকহন্নবা মহাক্না ৱাশক লৌখিবা অদু প্রধান মন্ত্রীনা নিংশিংখি। প্রধান মন্ত্রীনা হায়খি অনৌবা সনহিতাশিং চৎনবগা লোয়ননা, মাইকৈ অসিদা লৈবাক অসি অতোপ্পা খোঙথাং অমা থাংজিল্লে। অনৌবা ক্রিমিনেল লোশিং অসিনা গনতন্ত্রগী য়ুম্বীগী মওংশিং ওইরিবা “মীয়ামগী, মীয়াম্না, মীয়ামগীদমক” ৱাখল্লোনগী মপাঙ্গল কনগৎহল্লগনি।

মরুপশিং,

ন্যায় সনহিতা অসি মান্নবা, নুংশিনবা অমসুং খুন্নাইগী অচুম্বনা য়োম্লগা শাবনি। আইনগী মমাঙদা মীওই খুদিংমক মানরবশু, অশেংবা ওইনা মানদে। লায়রবশিং আইন, কোর্ততা চৎপা নত্ত্রগা পুলিস স্তেসন্দা চৎপা ফাওবা অকিবা ফাওই। অনৌবা ন্যায় সনহিতা অসিনা খুন্নাইগী ৱাখল্লোন হোংহন্নবা থবক তৌগনি। লৈবাক অসিগী আইন্না চপ মান্নবা ফংনবা থাজবা পীগনি হায়বা লায়রবা মীওই খুদিংমক্না থাজৈ। ঐখোয়গী সংবিধান অসি অশেংবা খুন্নাইগী অচু্ম্বনা য়োমদুনা শাখিবনি।  খুন্নাইগী অচুম্বা অসি ঐখোয়গী সংবিধান্না পীবা গরেন্তিনি।

মরুপশিং,

ভারতিয় ন্যয়া সনহিতা অমসুং ভারতিয় নাগরিক সুরক্ষা সনহিতা অৱাবা নংলবা মীওই খুদিংমক্কী খুদোংচাদবা খঙই। আইনশিং অসি কুপ্না খঙবা অসি লৈবাক অসিগী মীয়ামগী তঙাইফদবনি। ঙসি চান্দিগরদা পাংথোকখিবা লাইভ দেমো অসি পুক্নিং থৌগৎকদবনি অমসুং পুলিসনা রাজ্য খুদিংমক্তা শন্দোক্কদবনি। ৱাকৎলকপা নুমিৎ ৯০ গী মনুংদা কেস অসিগী খুমাঙচাউশিনবগী মতাংদা অৱাবা তারবা মীওই অদুদা পাউ পীনবা ৱাফমশিং আইন অসিদা য়াওরি অমসুং পাউ অসি মীওই অদুদা এস.এম.এসগুম্বা দিজিতেলগী থবকশিংগী খুৎথাংদা হকথেংননা য়ৌহনগদবনি। পুলিসকী থবকশিংদা অপনবা পীবা মীওইগী মথক্ত থবক লৌগৎনবা সিস্তেম অমা লৈরে অমসুং থবক মফমদা, য়ুম অমসুং খুন্নাইদা নুপীশিং অশোই-অঙাম থোকহন্দনবা অমসুং মখোয়গী হকশিং ঙাক্নবা তোখায়বা পন্দুব অমা চৎনরে। অৱাবা তারবশিংগীদমক আইন লৈরি হায়বা ন্যায় সনহিতানা তাক্লে। ইজৎ মাঙহনবগুম্বা তমথিবা ক্রাইমশিং, অহানবা হিয়ারিংদগী পারগা নুমিৎ ৬০ গী মনুংদা চার্জশিং পানগদবনি অমসুং কেস অমা অনিরক য়ৈথোক্তনা হিয়ারিং লোইবা নুমিৎ ৪৫ গী মনুংদা শুকশোই শোইদনা ৱায়েল লাউথোক্কদবনি।

মরুপশিং,

ভারতিয় ন্যায় সনহিতাগী লাইৱাদি-মীয়ামগী থবক্না হান্না পাংথোকপা অসিনি। হায়রিবা আইনশিং অসি মীচম মীয়ামগী হকশিং ঙাক-শেনবা আইনশিং ওইরে অমসুং অচুম্বা ৱায়েল য়াম্না লাইনা ফংহন্নবা য়ুম্ফম ওইরে। হান্নদি এফ.আর.আই রেজিস্তার তৌবদা অৱাবা কয়া মায়োক্নখি। হৌজিক জিরো এফ.আর.আই আইন্না য়ারে অমসুং হৌজিক কেস অমা মফম অমদগী হেক্ত রেজিস্তার তৌবা য়ারে। অৱাবা তারবা মীওই অদুদা এফ.আই.আরগী কোপি ফংনবগী হক পীরে অমসুং হৌজিক অৱাবা তারবা মীওই অদু খক্তনা মরাল লৈরবা মীওই অদুগী মথক্তা কেস লৌথোকপা য়াগনি। হৌজিক পুলিসনা মীওই অমা ফাজিন্দুনা থম্বা ঙমদ্রে অমসুং ন্যায় সনহিতাগী মতুংইন্না  ফারিবা মীওই অদুগী ইমুং-মনুংগী মীওইশিংদা তঙাইফদনা পাউ পীগদবনি। মীওইবগী অৱাবা খঙবা অসি অনৌবা ন্যায় সনহিতাগী অতোপ্পা মরুওইবা অমনি। হৌজিক মরাল লৈরে হায়বা মীওই অমা চৈরাক পীদনা মতম শাংনা জেলদা থম্বা য়াদ্রে অমসুং চহি অহুমগী মখাগী চৈরাক ফংগদবা ক্রাইম অমগী কেস অমদা, অৱাংবা থাক্কী ওথোরিতিগী অয়াবা য়াওরবা মতম খক্তদা ফাবা য়াগনি। অচম্বা ক্রাইমশিংগীদমক শুকশোই-শোইদনা বেল পীনবা প্রোবিজন য়াওরে। অচম্বা ক্রাইমশিংদা চৈরাক পীবগী মহুত্তা খুন্নাইগী থবক শুহন্নবগী ৱাফম য়াওরে। মসিনা মরাল লৈরবা মীওই অদু খুন্নাইগী য়াইফনবা অচুম্বা মাইকৈদা চৎনবা অনৌবা খুদোংচাবশিং পীগনি। অহানবা ওইনা অরানবা থবক তৌবা মীওইশিংদা অনৌবা ন্যায় সনহিতানা খুদোংচাবা পীরি অমসুং ন্যায় সনহিতা চৎনরবা মতুংদা, অরিবা আইনশিংনা ফাজিন্দুনা থম্লম্বা ফাদোক লিশিং কয়া জেলদগী থাদোকখ্রে। অনৌবা ন্যায় সনহিতা অসিনা মখা তানা মীচম মীয়ামগী হকশিং হেন্না ফংহনগনি।

মরুপশিং,

ৱায়েলগী অহানবা থবক্তি মতম চানা অচুম্বা ৱায়েল ফংহনবনি। অনৌবা ন্যায় সনহিতা চৎনবা হৌবদগী অথুবা মতমদা অচুম্বা ৱায়েল ফংহনবগী মাইকৈদা লৈবাক অসি অচৌবা খোঙথাং অমা থাংজিল্লে। কেস অমগী তাঙ্কক অমমম লোইশিন্নবা অকক্নবা মতম থমদুনা, চার্জসিত ফাইল তৌনবা অমসুং অথুবা মতমদা ৱায়েল লাউথোক্নবা অনৌবা ন্যায় সনহিতানা মরুওইনা লৌরি। অনৌবা ন্যায় সনহিতা অসি মপুংফানবা মতম লৌবা দরকার ওইগনি। তেনখ্রবা মতম অসিদা লৈবাক অসিগী তোঙান-তোঙানবা মফমশিংদগী ফলশিং লাকপা অসি য়াম্না পেল্লে। চান্দিগরদা গারি অমা হুরানগী কেস শুপ্নগী থা ২ অমসুং নুমিৎ ১১ দা লোইশিনখি অমসুং কেস অসিদা চেন্নরিবা ফাবা ঙমদনা মফম অমদা লৈরিবা মীওই অমা শুপ্নগী নুমিৎ ২০ দা হিয়ারিং লোইরবা মতুংদা কোর্তনা চৈরাক পীখ্রে। অনৌবা ন্যায় সনহিতা চৎনবা হৌরকপদগী দিল্লি অমসুং বিহারদা অথুবা মতমদা অচুম্বা য়ায়েলশিং ফংহনখ্রে। মীচম মীয়ামগী য়াইফনবা অমসুং মখোয়গী অৱাবশিং কোকহন্নবা কৎথোক্লবা সরকার অমা লৈবা মতমদা শোইদনা অহোংবা পুরক্কনি হায়বা মসিগী অহোংবা অসিনা তাক্লে। ভারতমচা খুদিংমক্না অচুম্বা ৱায়েল ফংনবা কমদৌনা মহাক্কী শক্তি হেনগৎলবগে হায়বা খঙনবা হায়রিবা ৱায়েলশিং অসি লৈবাক অসিদা ঙম্লিবমখৈ খন্নগদবনি।

মরুপশিং,

নিয়মশিং অমসুং আইনশিং মতমগা চুনরবা খক্তদা কান্নবা ফংগনি। অনৌবা আইনশিং চৎনরকপদগী হৌজিক ক্রাইম অমসুং ক্রিমিনেলশিংগী মওংশিং হোংলে। দিজিতেল ইভিদেন্স অসি মরুওইবা শাখি অমা ওইরে অমসুং থিজিনবা মনুংদা ইভিদেন্স অমতা শেমদোকপা য়াদনবা তঙাইফদনা ভিদিও নমগদবনি। অনৌবা আইনশিং চৎনবা য়ানবা ই-সক্ষা, ন্যায় শ্রুতি, ন্যায় সেতু, ই-সোম্মোন পোর্তেলগুম্বা কান্নরবা খুৎলায়শিং শেমগৎলে। হৌজিক কোর্ত অমসুং পুলিসনা ফোন্দা হকথেংননা সোম্মোন থাবা য়ারে। ৱারোলশিং ওদিও-ভিদিও রেকোর্দ তৌশিনবা য়ারে। হৌজিক কোর্ততা দিজিতেল ইভিদেন্স চৎনবা য়ারে। খুদম ওইনা হুরানবগী কেসশিংদা খুৎশাশিংগী মমিশিং চানবা, রেপ কেসশিংদা দি.এন.এ সেম্পলশিং চানবা, মী হাৎপগী কেস অমদা শিরিবা মীওই অদুদা পাল্লিবা নোংমৈ মরুগী সাইজ অদু চানবা অমসুং মরাল লৈবা মীওই অদুগী নোংমৈগী সাইজগা চানবা… হায়রিবা খুদিংমক অসিগী ভিদিও ইভিদেন্স কোর্ততা শীজিন্নবা য়ারে।

মরুপশিং,

লোশিং অসিনা ক্রিমিনেল অদু ফাদ্রিবা ফাওবা দরকার লৈতনা মতম মাঙহনবদগী কনবা ঙমগনি। হায়রিবা অহোংবশিং অসি লৈবাক অসিগী সেকুরিতিগীদমক য়াম্না মরুওই অমসুং দিজিতেল ইভিদেন্স অমসুং তেক্নোলোজি পুনশিনবা অসিনা তেরোরিজম থেংনবদা ঐখোয়গী মতেং পাংগনি। অনৌবা আইনশিংগী মখাদা আইনগী অরুবশিংগী খুদোংচাবশিং তেরোরিস্তশিং নত্ত্রগা তেরোরিস্ত ওর্গনাইজেসনশিংনা লৌহল্লোইদবনি।

মরুপশিং,

অনৌবা ন্যায় সনহিতা অসিনা বিভাগ খুদিংমক থবক ফজনা পাংথোকপা হেনগৎহনগনি অমসুং লৈবাক অসিগী চাউখৎপা য়াংখৎহনগনি। মসিনা শেঞ্জা-থুমজা লাকশিনবদা মতেং পাংগনি। অচুম্বা ৱায়েল ফংবদা মতম শাংনা চঙবা অমসুং মতম থিন্থবদগী মমাঙদা মপান লৈবাকশিংগী ইনভেস্তরশিংনা ভারত্ত শেন থাদবা পামদে। মসিগী অকিবা অসি লৈত্রবা মতমদা, শেন থাদবা হেনগৎলক্কনি অমসুং লৈবাক অসিগী শেন্মিৎলোন চাউখৎলক্কনি।

মরুপশিং,

লৈবাক অমগী আইনশিং অসি লৈবাক অদুগী মীয়ামগীনি। মরম অদুনা আইনগী থবকশিং অসিনা মীয়ামদা খুদোংচাদবা থোকহল্লোইদবনি। আইন অসি লৈবাক্কী মীয়ামগীদমক শেম্বা মরম্না আইনগী থবকশিং মীয়ামদা লাইনা ফংহনগদবনি। ইন্দিয়ান পেনাল কোদকী খুদোংচাদবা কয়া লৈরি অমসুং পুকচেল শেংবা মীওইশিংনা ক্রিমিনেলশিং কিবগী মহুত্তা আইনদা অকিবা ফাওবা য়াওরি। অসিগুম্বা অকিবশিং অসিদগী অনৌবা ন্যায় সনহিতানা মীয়াম মনিংতমহল্লে। সরকারনা বৃতিস মতমগী অরিবা আইন ১৫০০ হেন্না মুৎথৎলে। হায়রিবা অরিবা আইনশিং অসি মুৎথৎপা মতমদা, অসিগুম্বা লৈবাক্তা ঐখোয়না অসিগুম্বা আইনশিং শেম্বরা হায়না মীয়াম অঙকপা পোক্নখি।

মরুপশিং,

ঐখোয়গী লৈবাক্ত মীয়াম য়াইফনফবা আইনশিংনা পাম্বৈ অমা ওইনবা ঐখোয়গী মীৎয়েং পাকথোক-চাউথোকহনগদবনি। খন্ন-নৈনবা ৱাৎপা আইন কয়া লৈরি। আর্তিকল ৩৭০ অমসুং ত্রিপল তালাগ মুৎথৎলে অমসুং হায়রিবা আইনশিং অসিগী মরমদা য়াম্না খন্ন-নৈনখি। হৌজিক ৱাক বোর্দকা মরী লৈনবা আইন খন্ন-নৈনরি। মীয়ামগী ইকায়খুম্নবা অমসুং মশানা মশাবু ইকায়খুম্নবা হেনগৎহনবা হায়রিবা আইনশিং অসি মরুওইনা লৌবগী তঙাইফদবা লৈ। ঙসি মালেমগী হকচাংগী ফিবমদা মীমান্নদ্রবশিংগী নুমিৎনি। লৈবাক অসিগী হকচাংগী ফিবমদা খুদোংচাদ্রবা মীওইশিং অসি ঐখোগী ইমুংশিংগী মীওইশিংনি। অরিবা আইনশিংদা হকচাংগী ফিবমদা তোঙাল্লবা মীওইশিংগী ফজদবা তার্মশিং শীজিন্নখি, খুন্নাই অমতনা মখোয় য়াখিদে। ঐখোয়না মখোয় অহানবা ওইনা দিবয়াং হায়না কৌবা হৌখি।  রাইতস ওফ পর্সন্স ৱিত দিসএবিলিতিস এক্ত, ২০১৬ চৎনবদগী দিবয়াংশিং শক্তি পীবা খক নত্তনা, খুন্নাই অসি হেন্না কোনশিন্নবা অমসুং মীওইবগী অৱাবা খঙনবা খোঙজং অমশু পায়খৎলে। নারি শক্তি বন্দন এক্তনা অসিগুম্বা মখলগী অচৌবা অহোংবা অমা পুরক্নবা য়ুম্ফম থোনগনি। ত্রান্সজেন্দরসিং, মেদিয়েতেসন এক্ত, জি.এস.তি এক্তগা মরী লৈনবা আইনশিং শেম্লে অমসুং মসিগী খন্ন-নৈনবা দরকার ওইরে।

মরুপশিং,

লৈবাক অসি মপাঙ্গল অসি মসিগী মীয়ামনি অমসুং লৈবাক অমগী আইন অসিনা মীয়ামগী মপাঙ্গলনি। মীয়াম্না আইন ঙাক্না চৎগদবনি অমসুং মীয়াম্না আইন ইকায়খুম্নবা অসি লৈবাক অসিগী অচৌবা লন অমনি। মীয়ামগী থাজবা মাঙহনদবা হায়বসি ঐখোয় খুদিংমক্কী দাইত্বনি। বিভাগ খুদিংমক, এজেন্সি খুদিংমক, ওফিসার খুদিংমক অমসুং পুলিসমেন খুদিমক অনৌবা ন্যায় সনহিতাগী অনৌবা প্রোবিজনশিং খঙগদবনি। ন্যায় সনহিতা মপুংফানা থবক ওইনা পায়খৎনবা রাজ্য সরকারশিংনা থৱায় য়াওনা থবক তৌগদবনি, মরম অদুনা মখোয়গী কান্নবা উবা ফংগনি। মীয়াম্না অনৌবা হকশিং খঙগদবনি। মসিগীদমক পুন্না থবক তৌমিন্নবা দরকার ওই। অনৌবা ন্যায় সনহিতা মপুংফানা চৎনরিবমখৈ, ঐখোয়না লৈবাক অসিগী হেন্না ফবা তুংলমচৎ অমা পীবা ঙমগনি অমসুং মসিনা ঐখোয়গী অঙাংশিংগী পুন্সি লেপকনি অমসুং ঐখোয়গী থবক্কী অপেনবা লেপকনি। মাইকৈ অসিদা ঐখোয় পুন্না থবক তৌমিন্নগদবনি অমসুং লৈবাক শেমগৎপদা ঐখোয়গী থৌদাং হেনগৎহনগদবনি হায়না ঐনা চেৎনা থাজবা থম্লি। ঐনা অমুক হন্না লৈবাক অসিগী মীয়াম, লৈবাক অসিগী আইনগী লমদা থবক তৌরিবশিং, মরী লৈনবা মীওই খুদিংমক ঐনা থাগৎপা ফোঙদোকচরি।

অদোম ঙমখৈ লৈতনা থাগৎপা ফোঙদোকচরি!

***