ভারতকী প্রধানমন্ত্রী

কোবিদ-১৯ লাইচৎকী ওইরক্লিবা শিংনবশিং অমসুং গ্লোবেল কোওর্দিনেতেদ রেস্পোন্স অমদা চৎলিবা খোংচৎকী মতাংদা খন্ননবগীদমক ২০২০গী মার্চ ২৬তা মহৌশাদগী তোপ-তোপ্পা ভর্চুয়েল জি২০ লিদর্স সম্মিৎ অমা পাংথোকখ্রে। মসিগী মমাংদা প্রধান মন্ত্রীনা হিরম অসিদা সাউদি অরবকী ক্রাউন প্রিন্সকা লোয়ননা তেলেফোন্দা ৱারী শানখি। মহৌশাদগী তোপ-তোপ্পা ভর্চুয়েল জি২০ সম্মিৎ অসি কোবিদ-১৯ লাইচৎতা ফাইনান্স মিনিস্তরশিং অমসুং সেন্ত্রেল বেঙ্ক গোবর্নরশিংগী মীফম অমদি জি২০ শের্পা মীফমগী খ্বাইদগী ৱাংবা থাক অমা ওইখি।

মীফম মনুংদা জি২০গী লুচিংবশিংনা লাইচৎ অসি থিংনবা অমসুং মীয়ামগী সেক্যুরিতীগীদমক পায়খৎপা য়াবা পুম্নমক পায়খৎনবা য়ানখি। মখোয়না মেদিকেল সপ্লাইশিংগী দিলিবরী, দাইগ্নোস্তিক তুলস, ত্রিৎমেন্তশিং, হিদাক-লাংথকশিং অমসুং ভেক্সিনশিং য়াওনা লাইচৎকী মায়োক্তা থেংনরিবা লান্দা দবল্যু.ঐচ.ও.গী অধিকারবু হেন্না চেৎশিলহনবদা য়ানখি।

লুচিংবশিংনা লাইচৎ অসিদগী ইকোনোমিক অমসুং সোসিয়েল কোস্ত হন্থহন্নবা অমদি গ্লোবেল গ্রোথ, মার্কেৎ স্তেবিলিতী অমসুং রেসিলিয়েন্স মপাঙ্গল কনখৎহনবা রেস্তোর তৌবদা লৈরিবা পোলিসী তুলস পুম্নমক শিজিন্নবদসু য়ানখি। কোবিদ-১৯গী ইকোনোমিক অমসুং সোসিয়েল ইম্পেক্ত থেংননবগীদমক জি২০ লৈবাকশিংনা গ্লোবেল ইকোনোমীদা য়ু.এস. দোলর ত্রিলিয়ন ৫ হেন্না পীনবা ৱাফম থমখ্রে। লুচিংবশিংনা ভোলুনতরী বেসিসতা দবল্যু.ঐচ.ও.না লুচিংবা কোবিদ-১৯ সোলিদরিতী রেস্পোন্সতা কন্ত্রিব্যুৎ তৌবদসু য়ানখি।

জি২০গী মহৌশাদগী তোপ-তোপ্পা মীফম শিল-লাংবগীদমক প্রধান মন্ত্রীনা সাউদি অরবকী নিংথৌবু থাগৎপা ফোংদোকখি। মহাক্কী ৱারোলদা প্রধান মন্ত্রীনা লাইচৎ অসিগী তমখিরবা সোসিয়েল অমসুং ইকোনোমিক কোস্তকী ৱাফম থমখি। মহাক্না মখা তাখি মদুদি কোবিদ-১৯ কেসশিংগী চাদা ৯০ অমসুং শিবগী চাদা ৮৮দি জি২০ লৈবাকশিংদা ওইরি অদুগা মখোয়না ৱার্ল্দ জি.দি.পি.গী চাদা ৮০ অমসুং মালেমগী মীশিংগী চাদা ৬০ শেয়ার তৌরি। মহাক্না জি২০দা মালেমগী লাইচৎ থেংননবগীদমক অকনবা এক্সন প্লান থৌরাং তৌনবা ৱাফম থমখি।

প্রধান মন্ত্রীনা মীওইবা জাতিগী অপুনবা য়াইফনবগীদমক অনৌবা গ্লোবেলাইজেসন্দা লুচিংবশিংগী তেংবাংগী ৱাফম থমখি অমসুং হায়খি মদুদি হ্যুমেনিতীগী শেয়ার ইন্তরেস্ত প্রমোৎ তৌনবগীদমক মল্তিলেতরেল ফোরাদা পুক্নিং চিংশিনগদবনি।

মীফমগী লোইশিল্লকপদা জি২০ লুচিংবশিংগী স্তেতমেন্ত অমা ইশু তৌখি, মদুদা লাইচৎ অসিদগী থেংননবগীদমক কোওর্দিনেৎ গ্লোবেল রেস্পোন্স অমা, গ্লোবেল ইকোনোমীগী সেফগার্দকী উপায়শিং এদোপ্ত তৌবা, ত্রেদ দিসরপসন হন্থহনবা অমসুং গ্লোবেল কোওপরেসন হেঙ্গৎহন্নবা খোংথাং লৌখৎনবা হায়খি।