ভারতকী প্রধানমন্ত্রী

ঐ ওফিসিএল ওইবা খোঙচৎ অমদা ফেব্রুৱারি ১৩-১৪ দা য়ুনাইতেদ অরাব ইমিরেতসতা অমসুং ফেব্রুৱারি ১৪-১৫ দা ক্বাতরদা চৎলি। মসি য়ু.এ.ইদা চৎপা ঐগী ৭শুবা খোঙচৎনি অমসুং ২০১৪ দগী ক্বাতরদা চৎপা অনিশুবনি।

হৌখিবা চহি ৯দা, ললোন-ইতিক, শেন থাদবা, দিফেন্স অমসুং সেকুরিতি, ফুদ অমসুং ইনর্জি সেকুরিতি অমসুং ইজুকেসন য়াওনা হিরম কয়াদা ঐখোয় মতেং পীনবা শরুক কয়া হেনগৎলে। ঐখোয়গী নাৎ অমসুং মীগা-মীগা লৈনবা মরী হান্নদগী ফিবম য়াম্না ফগৎলে।

ঐনা য়ু.এ.ইগী রাস্ত্রপতি সৈখ মোহমদ বিন জয়েদ অল নাহয়ানগা অবু ধাবীদা উনগনি অমসুং ঐখোয়গী কমপ্রেহেন্সিপ স্ত্রাতেজিক পার্তনরশিপ খুমাঙ চাউশিনহন্নবা হিরম কয়াদা খন্ন-নৈনগনি।  ভাইব্রেন্ত গুজরাত গ্লোবেল সম্মিৎ ২০২৪দা মহাক্না চীফ গেস্ত ওইবা মতমদা, ঐনা রাস্ত্রপতি সৈখ মোহমদ বিন জয়েদ অল নাহয়ান তরাম্না ওকপগী খুদোংচাবা ফংখি।

য়ু.এ.ইগী উপ-রাস্ত্রপতি, প্রধান মন্ত্রী অমসুং দিফেন্স মিনিস্তর অমসুং দুবাইগী লৈঙাকপা সৈখ মোহমদ বিন রসিদ অল মাকতৌমনা চেবাউ পীরকপদগী, ঐ ফেব্রুৱারি ১৪,২০২৪দা দুবাইদা ৱার্ল্দ গভর্নমেন্ত সম্মিৎতা মালেমগী লুচিংবশিংদা ৱা ঙাংগনি। সম্মিৎ অসিগী নাকলদা ঐনা প্রধান মন্ত্রী সৈখ মোহমদ বিন রসিদকা দুবাইদা ৱারি শানদুনা হিরম কয়াদা লৈনরিবা ঐখোয়গী মরীশিং মপাঙ্গল কনখৎহন্নবা মীৎয়েং থমগনি।

খোঙচৎ মনুংদা, ঐনা অবু ধাবীদা অহানবা হিন্দুগী লাইশঙ শঙ্গাগনি। বাপস লাইশঙ অসি ভারত অমসুং য়ু.এ.ই অনিমক্না শরুক য়ামিন্নরিবা নুংশিননা হিংমিন্নবা, শান্তি অমসুং খাংবা কনবা অসিদা ইকায়খুম্নবা উৎপা অমা ওইগনি।

অবু ধাবীদা পাংথোকপা অখন্নবা থৌরম অমদা ঐনা য়ু.এ.ইগী ইমিরেত পুম্নমক্তগী লাকপা ভারতমচাশিংদা ৱা ঙাংগনি।

ক্বাতরদা ঐনা মহাক্কী লুচিংবা মখাদা ক্বাতর য়াংনা চাউখৎলক্লিবা অমসুং অওনবা পুরক্লিবা সৈখ তামিম বিন হামদ অল থানি, অমিরগা উনগনি। ঐনা ক্বাতরদা অতোপ্পা শক্নাইরবশিংগা উনগনি।

ভারত অমসুং ক্বাতর পুৱারিগী ওইবা অচেৎপা মরী অমসুং মরুপ-মপাং ওইবা মরীশিং লৈনদুনা লাক্লি। হৌখিবা চহি খর অসিদা, হিরম কয়াদা লৈনরিবা ঐখোয়গী মরীশিং অৱাংবা থাক্কী রাজনিতিগী মীফমশিং, লৈবাক অনিগী মরক্তা ললোন-ইতিক অমসুং শেন থাদবা চাউখৎলকপা,  ঐখোয়গী ইনর্জিগী মরী মপাঙ্গল কনগৎহনবা অমসুং নাৎ অমসুং ইজুকেসন্দা মতেং পাংনবা য়াওনা হিরম খুদিংমক্তা মখা তানা চেৎহল্লি। দোহাদা ভারতমচা ৮০০,০০০ হেন্না লৈরিবা অসি ঐখোয়গী মীগা-মীগা অচেৎপা মরীশিং লৈনবগী খুদম অমনি।

***