ভারতকী প্রধানমন্ত্রী

খুরুমজরি!

কেন্দ্রগী মন্ত্রী-মন্দলদা য়াওরিবা ঐগী কলিগশিং শ্রী নিতিন গদকরি জী, শ্রী পিয়ুশ গোয়ল জী, শ্রী হর্দীপ সিংহ পুরি জী,. শ্রী সর্বানন্দ সোনোৱাল জী, শ্রী জ্যোতির্অদিত্য সিন্দিয়া জী, শ্রী অশ্বিনী বৈষ্ণব জী, শ্রী রাজ কুমার সিংহ জী, তোঙান তোঙানবা রাজ্যশিংগী মুখ্য মন্ত্রীশিং, লেফতিনেন্ত গভর্নরশিং, রাজ্য মন্ত্রী-মন্দলগী মেম্বরশিং, ইন্দস্ত্রী কলিগশিং, অতোপ্পা মশক নাইবা মীওইশিং, ঐগী নুংশিরবা ইয়াম্বা-ইনাউ অমসুং ইচল-ইচেশিংনি,

ঙসি অসি দুর্গ অস্তমীনি৷ ঙসি অসি লৈবাক শিনবা থুংনা শক্তি স্বারুপ খুরুম্নরি অমদি কন্য পুজাসু পাংথোক্নরি৷ শক্তি নিংজবগী অসিগুম্লবা থৌরম অসিদা, লৈবাক অসিগী চাওখৎ-থৌরাংগী লম্বীদা হেন্না মপাঙ্গল লৈহন্নবা য়াইফরবা থবক অসি পাংথোক্লিবনি৷

মতম অসি লৈবাক অসিনা মনিং-মখা তম্লকপা চহি ৭৫ শুরক্লবা মতমনি৷ অত্মনির্ভর ভারতকী অচেৎপা ফিরেপকা লৌইননা, ঐখোয়না লাক্কদৌরিবা চহি ২৫গীদমক ভারতকী ফাউন্দেসন শেম্লি৷ পি.এম. গজি শক্তি নেস্নেল মাস্তর প্লান অসিনা মশা মরোমদোম  লেচপবা ঙম্বা ফিরেপ অসিদা ভারতকী সেল্ফ কনফিদেন্স হেনগৎহল্লগনি৷ মসিগী নেস্নেল মাস্তর প্লান অসিনা ২১শুবা চহি-চাগী ভারত্তা অচৌবা শাফু অমা পীরগনি৷ মসিগী নেস্নেল প্লান অসিদগী মথংগী জেনেরেসনগী ইনফ্রাস্ত্রকচর অমসুং মল্তিমোদেল কন্নেক্তিবিতীনা মোমেন্তম ফংলগনি৷ মসিগী নেস্নেল প্লান অসিনা প্লানিংদগী হৌরগা পাংথোকপা ফাওবদা ইনফ্রাস্ত্রকচরগা মরী লৈনবা সরকারগী পোলিসীশিংদা অচৌবা শাফু অমা পীরগনি৷ মসিগী গতি শক্তী নেস্নেল প্লান অসিনা সরকারগী প্রোজেক্তশিং অপীবা মতমগী মনুংদা লোইশিন্নবগী চপ-চাবা ই-পাউ অমদি লমজিং-লমতাক পীরগনি৷

মসিগী মমিং লৈরবা গতি শক্তি কেম্পেন্দ(স্পিদ অমসুং পৱার)না মরু ওইনা খল্লিবা অসি মীয়াম, ইন্দস্ত্রী, বিজিনেস ৱার্ল্দ, মেনুফেকচরর অমসুং ভারতকী লোমীশিংনি৷ মসিনা ২১শুবা চহি-চাগী ভারত শেমগৎনবগী লম্বীদা থেংনরিবা অয়েৎ-অপন পুম্নমক লৌথোক্তুনা ভারতকী হৌজিক লৈরিবা অমদি তুংদা লাক্কদৌরিবা মীরোনশিংদা অনৌবা ইনর্জী পীরগনি৷ অসিগুম্লবা য়াইফরবা নুমিৎ অসিদা ঐনা পি.এম. গতি শক্তি নেস্নেল প্লান হৌদোক্নবগী খুদোংচাবা ফংজখিবা অসি ঐগী লাইবক ফবনি৷

মরুপশিং,

প্রগতি মেদেনদা শারিবা ইন্তর্নেস্নেল একজিবিসন-কম-কনবেন্সন সেন্তরগী একজিবিসন হোল মরিসু ঙসি শঙ্গাখ্রে৷ মসি দিল্লীগী মোদর্ন ইনফ্রাস্ত্রকচর অসিগা মরী লৈনবা য়াম্না মরু ওইবা খোঙথাং অমসু ওইরি৷ মসিগী একজিবিসন সেন্তরশিং অসিনা ঐখোয়গী এম.এস.এম.ই.শিং, হেন্দিক্রাফতশিং অমসুং কোতেজ ইন্দস্ত্রীশিংনা মখোয়গী পোত্থোকশিং অসি উৎপা অমদি মালেমগী কৈথেলদা য়ৌহনবদা মতেং পাংলগনি৷ দিল্লী অমসুং লৈবাক অসিগী প্রজা মীয়ামদা ঐনা ঐগী য়াইফ-মঙ্গোলশিং পীজরি৷

মরুপশিং,

তেক্সকী মওংদা সরকারদা কারক্লিবা প্রজাগী শেল অসি শিজিন্নবা মতমদা লুপা অমা ফাওবা মাংহল্লোইদবনি হায়বসি মতম শাংনা পাল্লম্লিবা সরকারশিংনা খঙলমদবনা মরম ওইদুনা ঐনা ইকাই খুম্নদে হায়বা ৱাহৈ অসি শিজিন্নবনি৷ মসিগুম্না অদুমক মখা চত্থখি৷ লৈবাক অসিনা মতৌ অসিগুম্না চৎকদবনি হায়না প্রজাসু চুদুনা লৈখ্রে৷ অতোপ্পা লৈবাকশিংনা চাওখৎলকপগী লম্বীদা চংশিল্লকখিবা মতমদা মখোয়দা নুংঙাইতবা ফাওরম্মী৷

মদুগী লিরবা সরকারগী এপ্রোচ অদু থনম্দুনা, ২১শুবা ভারতনা চাওখৎপরোমদা চংশিল্লক্লি৷ ঙসিগী মন্ত্র অসিদি – ‘ৱিল ফোর প্রোগ্রেস’, ‘ৱার্ক ফোর প্রোগ্রেস’, ‘ৱেল্থ ফোর প্রোগ্রেস’, ‘প্লান ফোর প্রোগ্রেস’ অমসুং ‘প্রিফরেন্স ফোর প্রোগ্রেস’নি৷ অপিবা মতমগী মনুংদা প্রোজেক্তশিং অসি মপুং-ফানা লোইশিন্নবগী ৱার্ক কল্চর অমা ঐখোয়না শেমগৎখিবদা নত্তনা, প্রোজেক্তশিং অসি হৌজিক্তি মাংজৌননা লোইশিন্নবা হোৎনরি৷

মরুপশিং,

অপিকপা য়ুম অমা শারিবা প্রজা অমনা ফাওবা প্লানিং নিংথিনা তৌই৷ অচৌবা য়ুনিভর্সিতী নত্রগা কোলেজ খরা শাবা ফাওবদা প্লানিং নিংথিনা তৌরগা শারিবনি৷ মহাক্কী এক্সুান্সনগী স্কোপ অসিসু মাংজৌননা খন্ন-নৈনৈ৷ অদুবু লাইবক থিবদি, ইনফ্রাস্ত্রকচর প্রোজেক্তশিংদা মরী লৈনবা কমপ্রিহেন্সিব প্লানিংদা অশোইবা কয়া অমা ঐখোয়না থেংনরি৷ করিগুম্বা থবক মচা খরা তৌবা মতমদা, রেলৱেশিংনা মশাগী ওইবা প্লানিং তৌজবা, রোদ ত্রান্সপোর্ত দিপার্তমেন্তনা মশাগী প্লানিং তৌজবা, তেলিকোম দিপার্তমেন্তনা মশাগী ওইবা প্লানিং তৌজবা, গ্যাস নেতৱার্কনা তোঙান তোঙানবা প্লানিংগা তৌদুনা মশাগী থবক পাংথোকচবা ঐখোয়না থেংনৈ৷ অসিগুম্না, তোঙান তোঙানবা দিপার্তমেন্তশিংনা তোঙান তোঙানবা প্লানশিং শেম্মী৷

লম্বী অমা শেমখিবা মতমদা, লম্বী অদু শেম-শারবা মতুংদা ইশিংগী দিপার্তমেন্ত লাকখিবা ঐখোয়না তোইনা-তোইনা উখ্রে৷ লম্বী অদু অমুক্কা হন্না ইশিংগী পাইপশিং পুননবা তৌথোক্কনি৷ মতৌ অসিগুম্না অদুমক চত্থদুনা লাক্লি৷ করিগুম্বা মতমশিংদা, লম্বীশিং শেম্লিবা মীওইশিংনা দিবাইদরশিং শেমখি৷ মদুদগীদি ত্রাফিক পুলিসনা দিবাইদরশিং অদুনা মরম ওইদুনা ত্রাফিক জামশিং থোকহল্লে হায়দুনা দিবাইদরশিং অদু লৌথোকউ হায়না হায়রক্কনি৷ অসিগুম্বা থৌদোকশিং অসি লৈবাক অসিদা থোকপা ঐখোয়না উখ্রে৷ অসিগুম্বা ফিভম অমদা, প্রোজেক্তশিং অসি মথং-মনাউ কাইহন্দনা থম্বা হোৎনবা মতমদা ঐখোয়না অদুক্কী মতিক হোৎনবা দরকার ওই৷ অশোইবশিং অসি চুমথোক্নবা হোৎনবদা ঐখোয়না অদুক্কী মতিক হোৎনবা দরকার ওই৷

মরুপশিং,

হায়রিবা প্রোব্লেম পুম্নমক্কী খ্বাইদগী মরু ওইবা মরম অদুদি মেক্রো প্লানিং অমসুং মাইক্রো প্লানিংগী মরক্তা চাওনা খেন্নবা লৈরিবা অসিনি৷ করম্বা দিপার্তমেন্তনা করম্বা মফমদা করম্বা প্রোজেক্ত হৌনবা শেম-শারি হায়বসি তোঙান তোঙানবা দিপার্তমেন্তশিংনা ফাওবা খঙদে৷ অসিগুম্বা ই-পাউ অসি রাজ্যশিংনসু মাংজৌননা ফংবা ঙমদে৷ অসিগুম্বা সিলোশিং অসিনা মরম ওইদুনা, দিসিজন প্রোসেস অসিসু শোকহল্লে অমদি বদজেৎসু মাংহল্লে৷ খ্বাইদগী চাওবা খুদোংচাদবা অদুদি ইনর্জী শন্দোকপগী মহুৎতা, ইনর্জী খাইদোকখিবা অসিনি৷ মতুং তারকপদা মফম অসিদা করম্বা লম্বা অমা হেক্তা শারক্কদগে নত্রগা করম্বা  কেনেল শাগদৌরিবগ, নত্রগা করম্বা পৱার স্তেসন অমা হেক্তা শারক্কদগে হায়বসিগী মতাংদা ঐখোয়গী প্রাইভেৎ প্লেযরশিংনা ফাওবা চপ-চানা খঙবা ঙমদে৷ মসিনা মরম ওইদুনা, মখোয়নসু প্লান হেন্না নিংথিনা তৌবা ঙমদে৷ হায়রিবা প্রোব্লেমনশিং অসিগী সোলুসনশিং অদুদি পি.এম. গতি শক্তি নেস্নেল মাস্তর প্লানদা লৈরে৷ মাস্তর প্লান অসিগী মতুং ইন্না ঐখোয়না চত্থবা মতমদা, ঐখোয়গী রিসোর্সশিং অসিসু খ্বাইদগী ফবা মওংদা শিজিন্নবা য়াগনি৷

মরুপশিং,

ঐখোয়গী লৈবাক অসিদা লৈরিবা পোলিতিকেল পার্তী অয়াম্বনা ইনফ্রাস্ত্রকচর অসি প্রাইয়োরিতী পীবদগী য়াম্না লাপ্না থমখ্রে৷ মখোয়গী মেনিফেস্তোশিং ফাওবদা মদুগী মরমদা হায়দে৷ হৌজিক লৈরিবা ফিভম অদুদি লৈবাক অসিগীদমক তঙাই ফদবা ইনফ্রাস্ত্রকচর শেমগৎ-শাগৎপা মতমদা পোলিতিকেল পার্তী খরনা ক্রিতিসাইস তৌবা হৌরকখ্রে৷ সস্তেনেবল দিবেলপমেন্তগীদমক ক্বালিতী লৈবা ইনফ্রাস্ত্রকচর শেম-শাবনা ইকোনোমিক এক্তিবিতী লাকহল্লি, থবক্কী খুদোংচাবা য়াম্না চাওনা ফংহল্লি হায়বসি মালেম অসিনা য়ানরবা ৱাফম্নি৷ স্কিল মেনপৱার য়াওদনা ফিল্দ অমা হেক্তদা ঐখোয়না পাম্লিবা রিজল্তশিং অসি ঐখোয়না ফংবা ঙমদবা অসিগুম্না হেন্না ফবা অমদি মোদর্ন ইনফ্রাস্ত্রকচর য়াওদনা ঐখোয়না মাইকৈ খুদিংমক্তা চাওখৎপা পুরকপা ঙম্লোই৷

মরুপশিং,

পোলিতিকেল ৱিল ৱাৎপগা লোইননা, তোঙান তোঙানবা সরকারগী দিপার্তমেন্তশিংগী মরক্তা কোওর্দিনেসন পীনবা ৱাৎপা অমদি য়েৎনবনা মরম ওইদুনা লৈবাক অসিগী ইনফ্রাস্ত্রকচর দিবেলপমেন্তদা খ্বাইদগী চাওনা অৱাবা মাইয়োক্নৈ৷ হিরম অসিগী মতাংদা4 রাজ্য সরকারশিংগী মরক্তা অমদি রাজ্যশিংদা লৈরিবা লোকেল বোদীশিংগী মরক্তা তেন্সনশিং লৈবা ঐখোয়না উরে৷ মসিনা মরম ওইদুনা, লৈবাক অসিগী ইকোনোমিক গ্রোথ লৈহনবদা মতেং ওইগদৌরিবা প্রোজেক্তশিং অসিনা লৈবাক্কী দিবেলপমেন্তদা অকাইবা ওইহল্লে৷  অনৌবা থৌদাং অমগা লোইননা ঐনা ২০১৪দা দিল্লীদা লাকখিবা মতমদা, প্রোজেক্ত চা কয়া অমা চহি খুজিং কয়া পন্দুনা লৈরমখি৷ লুপো কোতি কয়াগী মমল ওইগদবা অসিগুম্বা প্রোজেক্ত কয়া অমা ঐনা হকথেংননা য়েংশিনখি৷ সরকারগী দিপার্তমেন্তশিং অমদি মন্ত্রালয় পুম্নমক কম্মন অমব্রেলা অমগী মখাদা ঐনা পুরকখি অমদি  অয়েৎ-অপন পুম্নমক লৌথোক্নবা ঐনা হোৎনখি৷ কোওর্দিনেসন পীনবা ৱাৎপনা মরম ওইদুনা প্রোজেক্তশিং অসি থিন্থদুনা থম্লোইদবনি হায়দুনা হৌজিক্তি মীপুম খুদিংমক্কী মীৎয়েং চিংশিনবা ঙমখিবা অসিদা ঐনা অপেনবা ফাওজৈ৷ হৌজিক্তি স্কিমশিং অসি মপুং ফাহন্নবা সরকারগী কল্লেক্তিব পৱার শিজিন্নরি৷ চহি খুজিং কয়া পন্দুনা মপুং ফাবা ঙমদনা লৈরম্লিবা অসিগুম্বা প্রোজেক্ত কয়া অমা মপুং ফানা লোইশিল্লক্লি৷

মরুপশিং,

ইনফ্রাস্ত্রকচর প্রোজেক্তশিংদা কোওর্দিনেসন ৱাৎপনা মরম ওইদুনা ২১শুবা চহি-চাগী ভারতনা শেল অমসুং নত্রগা মতম মাংহন্দে হায়বসি হোজিক্তি পি.এম. গতি শক্তিনা উৎলগনি৷ পি.এম. গতি শক্তি নেস্নেল মাস্তর প্লানগী মখাদা, লম্বীশিংদগী হৌরগা রেলৱেশিং, এভিয়েসন্দগী হৌরগা লৌউ-শিংউবা, তোঙান তোঙানবা মন্ত্রালয়শিং অমদি দিপার্তমেন্তশিংদা পুম্নমক লিঙ্ক তৌরি৷দিপার্তমেন্ত খুদিংমক্না মতম চানা ই-পাউ ফংবা ঙম্নবগীদমক অচৌবা প্রোজেক্ত খুদিংমক্কী  তেক্নোলোজী প্লেতফোর্ম শেমখ্রে৷ মসিগী প্রোগ্রাম অসিদা ঙসিদি রাজ্য কয়াগী মুখ্য মন্ত্রীশিং অমদি রাজ্যশিংগী অতোপ্পা মীহুৎশিংনা শরুক য়ারি৷ পি.এম. গতি শক্তি নেস্নেল মাস্তর প্লান অসি জোইন তৌননবা প্রোজেক্তশিং অসি খোঙজেল য়াংনা চত্থনবা ঐনা রাজ্য পুম্নমক্তা হায়জরি৷ রাজ্য অসিগী মীয়াম্না মসিদগী কান্নবা কয়া অমসু ফংলগনি৷

মরুপশিং,

পি.এম. গতি শক্তি মাস্তর প্লাননা গভর্মেন্ত প্রোসেসশিং অমদি মহাক্কী তোঙান তোঙানবা স্তেকহোল্দরশিং অসি পুনশিন্নবা হোৎনবা খক্তা নত্তনা ত্রান্সপোর্তেসনগী তোঙান তোঙানবা মোদশিং পুনশিনবদসু মতেং পাংলগনি৷

মরুপশিং,

মাইনিংগী থবক চত্থরিবা মফম অয়াম্বদা রেল কন্নেক্তিবিতী লৈরমদবা হায়বসি য়াম্না কম্মন ওইরম্মী৷ হিথাংফমশিং লৈবা মফমশিংদা, হিথাংফম অদুগা শহর অদুগা শম্নবা রেল নত্রগা রোদ ফাসিলিতীশিং  লৈরমখিদে হায়বসিসু ঐখোয়না উরবা ঙাক্তনি৷ হায়রিবা মরমশিং অসিনা মরম ওইদুনা, ভারত্তা এক্সপোর্তশিং অমদি লোজিস্তিকশিং অসি মতম পুম্নমক্কী ওইনা ৱাংখ্রে৷ মসি ভারতনা মশা-মরোমদোম লেপচবা ঙম্নবা হোৎনরিবা অসিদা অচৌবা অয়েৎপা অমা ওই হায়বসি য়েৎননিংঙাই য়াওদ্রবা ৱাফমনি৷

স্তদী অমগী মতুং ইন্না, ভারত্তা লৈরিবা লোজিস্তিক কোস্ত অসি জি.পি.দি.গী চাদা ১৩গী চাংনি৷ মসি মালেম অসিদা লৈরিবা অচৌবা লৈবাকশিংদদি থোক্তে৷ লোজিস্তিক কোস্ত ৱাংবনা মরম ওইদুনা, ভারতকী এক্সপোর্ত তৌবগী কম্পিতিসন অসিনা চাওনা অকাইবা পী৷ ভারতকী এক্সপোর্তরশিংনা পোৎ-চৈশিং অসি পোৎ পুথোক্লিবা মফম অদুদগী হিথাং অদুদা য়ৌহন্নবা হোৎনবদা লুপা লাখ কয়াগী শেনফম থাদৈ৷ মসিনা মরম ওইদুনা, মখোয়গী পোত্থোকশিংগী মমল অদুসু অদুক্কী মতিক ৱাংহল্লি৷ মখোয়গী পোত্থোকশিং অসি অতোপ্পা লৈবাকশিংগা চাংদম্নবা মতমদা অদুক্কী মতিক ৱাংখ্রে৷ লৌউ-শিংউবগী ফিল্দদসু, মসিনা মরম ওইদুনা ঐখোয়গী লৌমীশিংনা অদুক্কী মতিক অৱাবা মাইয়োক্নৈ৷ মরম অদুনা, ভারত্তা লম্বী-থোং শম্নবা হেনগৎহনবা অমদি অথাপ্পা মফমশিং ফাওবা লম্বী-থোং নিংথিনা শম্নহনবা অসিনা পুংফম অসিদা খ্বাইদগী মরু ওইরি৷ মরম অদুনা, পি.এম. গতি শক্তি নেস্নেল মাস্তর প্লান অসি য়াম্না মরু ওইবা খোঙথাং অমনি৷

মরুপশিং,

লৈবাক অসি চাওখৎহন্নবগীদমক, ইনফ্রস্ত্রকচরগা মরী লৈননা সরকারগী দিপার্তমেন্ত পুম্নমক্কী মনুংদা সীনর্জী লৈহন্নবা হায়বসি য়াম্না মরু ওই অমদি মখোয়না অমনা অমগী কল্লেক্তিব পৱার অদু শিজিন্নৈ৷ চহিশিং অসিদা, মসিগী খোঙথাং অসিনা ভারত্তা মমাংগী মতমদা অমুক্তা পীখিদ্রিবা মোমেন্তম পীরি৷ হৌখিবা চহি ৭০গা চাংদম্নবা মতমদা, ঙসিগী ভারতনা মমাংগী মতমদগী হেন্না খোঙজেল য়াংনা অমদি স্কেল হেন্না ৱাংনা পাংথোক্লি৷

মরুপশিং,

ভারতকী অহানবা ইন্তরস্তেত নেচরেল গ্যাস পাইপলাইন ১৯৮৭দা চৎনবা হৌখি৷ মসিগী মতুংদা, ২০১৪ ফাওবা(চহি ২৭তা), লৈবাক অসিদা কি.মি. ১৫,০০০ শাংবা নেচরেল গ্যাস পাইপলাইন শেমখি৷ ঙসিদি, লৈবাক অসিদা অনৌবা গ্যাস পাইপলাইনগী কি.মি. ১৬,০০০ হেনবদা থবক পাইখৎলি৷ মসিগী থবক অসি লাক্কদৌরিবা ৫-৬ অসিদা লোইশিন্নবা পান্দম থম্লি৷ ২০১৪ মমাংগী চহি মঙাদা, রেলৱে লাইন কি.মি. ১,৯০০ খক্তনি দবলিং তৌখি৷ হৌখিবা চহি তরেৎতা, ঐখোয়না রেলৱে লাইন কি.মি. ৯,০০০ হেন্না দব্লিং তৌখ্রে৷ কি.মি. ১,৯০০ অমসুং ৭,০০০গী খেন্নবা অদু য়েংবিয়ু!  ২০১৪ মমাংগী চহি মঙাদা, রেলৱে ত্রেক কি.মি. ৩,০০০ খক্তমক মৈ পীখ্রে৷ হৌখিবা চহি তরেৎতা, রেলৱে ত্রেক কি.মি. ২৪,০০০ হেন্না ঐখোয়না মৈ পীখ্রে৷ মমাংগী মতমদা, কি.মি. ৩,০০০ মৈ পীখ্রে অমদি হৌজিক্না কি.মি. হৌজিক্না ২৪,০০০ মৈ পীখ্রে৷ ২০১৪গী মমাংদা, ত্রেক কি.মি. ২৫০ খক্তদা মেত্রো চেল্লম্মী, ঙসিদি মেত্রো অসি কি.মি. ৭০০তা চাওথোকখ্রে অমদি কি.মি. ১,০০০ শাংবা অনৌবা মেত্রো রুত্তা  থবক পাইখৎলি৷ ২০১৪ মমাংগী চহি মঙাদা, পঞ্চায়ত ৬০ খক্তমক ওপ্তিকেল ফাইবরগা কন্নেক্ত তৌবা য়ারম্মী৷ হৌখিবা চহি তরেৎ অসিদা, ঐখোয়না গ্রাম পঞ্চায়ত লাখ ১.৫ হেনবদা ওপ্তিকেল ফাইবর কন্নেক্ত তৌখ্রে৷ কন্নেক্তিবিতীগী ত্রেদিস্নেল মীন্স,ইনলেন্দ ৱাতরৱেজ অমদি সিপ্লেনশিং চাওথোরকপগা লোইননা, লৈবাক অসিনা অনৌবা ইনফ্রাস্ত্রকচর শেম-শাগৎলি৷ ২০১৪ ফাওবদা, লৈবাক অসিদা ইশিংগী লম্বী মঙা খক্তমক লৈরমখি৷ ঙসিদি, ইশিংগী লম্বী ১৩ লৈবাক অসিদা মথৌ তৌরি৷ ২০১৪গী মমাংদা, ঐখোয়গী হিথাংশিংদা লৈরম্লিবা বেসেল তর্নএরাউন্দ তাইম অসি পুং ৪১ হেল্লি৷ হৌজিক্তি , মদু পুং ২৭তা হন্থখ্রে৷ মতম অদু মখাতানা হন্থহন্নবা য়াম্না কন্না হোৎনরি৷

মরুপশিং,

কন্নেক্তিবিতীদগী হেন্দোক্তুনা, অতোপ্পা তঙাই ফদবা ইনফ্রাস্ত্রকচর শেমগৎ-শাগৎপদা অনৌবা শাফুসু পীখ্রে৷ পৱার জেনেরেসনগী নেতৱার্ক পুম্নমকসু ত্রান্সফোর্ম তৌখ্রে অমদি ৱান নেসন ৱান পৱার গ্রিদকী রিসোল্ব অদু মংফাওনখ্রে৷ ২০১৪ ফাওবদা, লৈবাক অসিদা সর্ক্যুত কি.মি. লাখ ৩গী পৱার ত্রান্সমিসন লাইনশিং লৈরম্মী, ঙসিদি মদু সর্ক্যুত কি.মি. লাখ ৪.২৫ হেনবদা হেনগৎহনখ্রে৷ ন্যু অমসুং রেনিৱেবল ইনর্জীগী তর্মশিংদা ঐখোয়না য়াম্না মর্জিনেল ওইবা প্লেয়র অমা ওইরমখি, ঙসিদি ঐখোয়না মালেমগী মকোক থোংবা লৈবাক মঙাগী মনুংদা চনবা ঙমখ্রে৷ জি.দবল্যু. ১০০ হেনবগা লোইননা, ২০১৪গী মতমদা লৈরমখিবা ইন্সতোল্দ কেপাসিতীগী শরুক অহুমগী চাংরোম ভারতনা ফংবা ঙমখ্রে৷

মরুপশিং,

ঙসিদি, এভিয়েসনগী মোদর্ন ইকোসিস্তেম অমা খোঙজেল য়াংনা চাওখৎলক্লি৷ এয়র কন্নেক্তিবিতী হেনগৎনবগীদমক লৈবাক অসিদা অনৌবা এয়রপোর্তশিং শারকপগা লোইননা, ঐখোয়না অহেনবা এয়রস্পেসসু হাংদোকখ্রে৷ হৌখিবা চহি অমা নত্রগা অনি অসিদা, এয়র রুত ১০০ হেন্না রিভিয়ু তৌখ্রে অমদি মখোয়গী অরাপ্পা অসিসু হন্থহনখ্রে৷ পেসেঞ্জর প্লেনশিং পাইবা থিংখিবা মফমশিংদা থম্লম্বা অথিংবা অদুসু লৌথোকখ্রে৷ মসিগী সিঙ্গল দিসিজন অসিনা শহর কয়াগী মরক্তা লৈরিবা এয়রতাইম অসি হন্থহনখ্রে৷ এভিয়েসন সেক্তর অসি হেন্না মপাঙ্গল লৈহন্নবগীদমক, অনৌবা এম.আর.ও. পোলিসী অমা চৎনখ্রে, জি.এস.তি.গী থবক মপুং ফাখ্রে অমসুং পাইলোতশিং ত্রেন তৌখ্রে৷

মরুপশিং,

লৌমীশিং অমদি ঙামীশিংগী ইনকম হেনগৎননবগীদমক, প্রোসেসিংগা মরী লৈনবা ইনফ্রাস্ত্রকচর অসিসু খোঙজেল য়াংনা চাওথোকহনখ্রে৷ ২০১৪দা, লৈবাক অসিদা মেগা ফুদ পার্ক অনি খক্তমক লৈরমখি৷ ঙসিদি, লৈবাক অসিদা মেগা ফুদ পার্ক ১৯ মথৌ তৌদুনা লৈরি৷ হৌজিক হৌজিক থম্লিবা তার্গেৎ অসিদি মশিং অসি ৪০দগী হেন্না হেনগৎহনবা অসিনি৷ হৌখিবা চহি তরেৎতা ফিশিং ক্লস্তর, ফিশিং হার্বরশিং অমদি লেন্দিং সেন্তরগী মশিং অসি ১০০দগী হেন্না হেলহনবা অসিনি৷ মশিং অসি শরুক অনি হেন্না ৱাংহন্নবা ঐখোয়না পান্দম থম্লি৷

মরুপশিং,

ইহান হানবা ওইনা, দিফেন্স সেক্তরদসু থবক-থৌরম কয়া অমা পাইখৎলি৷ তামিল নাদু অমসুং উত্তর প্রদেশতা দিফেন্স কোরিদোর অননি শেম-শাবগী থবক কন্না চত্থরি৷ ঙসিদি, ঐখোয়না ইলেক্ত্রোনিক্স অমদি আই.তি. মেনুফেকচরিংদা খোঙজেল য়াংনা লমজিংলিবা লৈবাকশিংগী মনুংদা অমা ওইরক্লি৷ পোইন্ত অমদা, ঐখোয়গী মেনুফেকচরিং ক্লস্তর মঙা লৈখ্রে৷ ঙসিদি, ঐখোয়গী মেনুফেকচরিং ক্লস্তর ১৫ শেমখ্রে অমদি মশিং অসি শরুক অনি থোক্না হেনগৎহন্নবা ঐখোয়না পান্দম থম্লি৷ হৌখিবা চহি খরা অসিদা ইন্দস্ত্রীএল কোরিদোর  মরি হৌখ্রে অমসুং হৌজিক্তি অসিগুম্বা কোরিদোরশিংগী মশিং অসি দজনদা হেনগৎলক্লি৷

মরুপশিং,

প্লগ-এন্দ-প্লে ইনফ্রাস্ত্রকচর শেম-শারকপা অসিনা খোঙথাং অসিগী খুদম অমনি, ঙসিদি মসিদা সরকার অসিনসু হোৎনরি৷ হৌজিক্তি ইন্দস্ত্রীদা প্লগ-এন্দ-প্লে ইনফ্রাস্ত্রকচর ফেসিলিতীশিং ফংহন্নবা ইফর্ত অমা লৈরে৷ দোমেস্তিক অমসুং ফোরেন্দ ইনবেস্তরশিংনা মখোয়গী সিস্তেমশিং শেমগৎকদবনি অমদি থবক তৌবা হৌগদবনি৷ খুদম ওইনা, গ্রেতর নোইদাগী দাদ্রিদা ইন্তিগ্রেতেদ ইন্দস্ত্রীএল তাউনশিপ অমা লাক্লগনি৷ দেদিকেতেদ ফ্রৈত কোরিদোর অমগী খুৎথাংদা মসি নোংপোক অমসুং নোংচুপ থংবা ভারতকী হিথাংফমশিংদা লিঙ্ক তৌরি৷ মফম অসিদা মল্তিলোদেল লোজিস্তিক হক অমা শেমগৎলগনি৷ মদুগী হেক থংননা মল্তিমোদেল ত্রান্সপোর্ত হব অমা শারগনি৷ স্তেত-ওফ-দি-আর্ত রেলৱে তর্মিনসতা  ইন্তর অমসুং ইনত্র স্তেত বস তর্মিনস লৈরগনি অমদি মাস রেপিদ ত্রান্সিত সিস্তেম অমদি অতোপ্পা ফেসিলিতীশিংনা সপোর্ত তৌরগনি৷ লৈবাক অসিগী তোঙান তোঙানবা শরুকশিংদা অসিগুম্লবা ফেসিলিতীশিং অসি শেমগৎতুনা, ভারতনা মালেমগী বিজিনেস কেপিতেল ওইননবগী মংলান মংলিবা অসি মংফাওনবা ঙমগনি৷

মরুপশিং,

ঐনা পনখিবা পান্দম পুম্নমক অসি অচম্বা পান্দমশিং নত্তে৷ মরম অদুনা, পান্দমশিং অসি ফংনবা হোৎনরিবা অমদি মেথর্দশিং অসিসু মমাংগী মতমদা তৌখিদ্রিবা ঙাক্তা ওইগনি৷ অদুগা মখোয়না পি.এম.গতি শক্তি নেস্নেল মাস্তর প্লানদগী মেক্সিমম স্ত্রেঙ্গ ফংবা ঙমগনি৷ জে.এ.এম.(জন ধন-আধার-মোবাইল) ত্রিনিতীগী শক্তিগা লোইননা তশেং-তশেংলবা বেনিফিসরীদা  সরকারগী ফেসিলিতীশিং ফংহনবদা ঐখোয়না মাই পাকখিবা অসিগুম্না, পি.এম. গতি শক্তিনা ইনফ্রাস্ত্রকচরগী ফিল্দদা অসিগুম্না তৌরগনি৷ ইনফ্রাস্ত্রকচর প্লানিং তৌবদগী পাংথোকপা ফাওবদা মসিনা হোলিস্তিক বিজন অমগা লোইননা লাক্লগনি৷ অমুক্কা হন্না, ইনিসিয়েতিব অসিগী শরুক অমা ওইননবা ঐনা রাজ্য সরকার পু্ম্নমক্তা হায়জরি৷ লৈবাক অসিনা মনিং-মখা তম্লকপা চহি ৭৫ মপুং ফারকপা অসিনা লৈবাক অসিগীদমক করিগুম্বা থবক খরা তৌবগী মতম ওইরে৷ প্রোগ্রাম অসিদা শরুক য়াবিনবা ঐনা মীপুম খুদিংদা হায়জরি৷

মসিগী য়াম্না মরু ওইবা প্রোগ্রাম অসিদা শরুক য়াবিবগীদমক ঐনা নখোয় পুম্নমকপু থাগৎপা ফোংদোকচরি অমদি প্রাইভেৎ প্লেয়রশিংনা প্রধান মন্ত্রী গতি শক্তি মাস্তর প্লান অসি য়াম্না চেকশিন্না নৈনরগনি হায়বসি ঐগী থাজবনি৷োংদোকচরি মসিদা মখোয়না শরুক য়াশিন্দুনা মখোয়গী তুংগী স্ত্রাতিজী অদু খন্ন-নৈনবা  অমদি দিবেলপমেন্তগী অনৌবা থাক অমদা য়ৌবা ঙমগনি৷ ঐনা ৱারোইশিন পীদ্রিঙৈগী মমাংদা, নবরাত্রি কুহ্মৈগীদমক অমদি শক্তি নিংবগী থৌরমদা অসিগুম্বা থবক পাংথোকপিবগীদমক নখোয় পুম্নমক্তা য়াইফ-পাউজেল পীজরি৷

হন্না-হন্না থাগৎচরি অমদি য়াইফ-মঙ্গোল পীজরি!

*****