ভারতকী প্রধানমন্ত্রী

প্রধান মন্ত্রী শ্রী নরেন্দ্র মোদীনা লুচিংবা কেন্দ্রগী মন্ত্রী মন্দলনা ২০২১-২২ দগী ২০২৫-২৬ ফাওবা (১৫শুবা ফাইনান্স কম্মিসনগী মতম) চহি মঙাগী ওইনা অপুনবা লুপা করোর ৪,১০০গী শেনফমগা লোয়ননা সেন্ত্রেল্লী স্পোন্সর স্কীম হায়বদি “ফ্লদ মেনেজমেন্ত এন্দ বোর্দর এরিয়জ প্রোগ্রাম (এফ.এম.বি.এ.পি.) মখা তানা পায়খৎনবা দিপার্তমেন্ত ওফ ৱাতর রিসোর্সেস, আর.দি. & জি.আর.না পুথোরকপা ৱাফম অয়াবা পীখ্রে‍।

স্কীম অসিগী কম্পোনেন্ত অনি লৈ:

ক.   এফ.এম.বি.এ.পি.গী ফ্লদ মেনেজমেন্ত প্রোগ্রাম (এফ.এম.পি.) কম্পোনেন্তকী মখাদা লুপা করোর ২৯৪০গী শেনফমগা লোয়ননা, ঈচাও লাকশিনবা, লৈপাক লৈহাউ চেন্থহনখিদবা, ঈরম খোঙলম শেমগৎপা অমদি সমুদ্রদা লৈপাক লৈহাও চেন্থখিদনবা থৌওংনচিংবশিংগা মরী লৈনবা মরুওইবা থবকশিং পায়খৎনবগীদমক স্তেত লৈঙাকশিংপা কেন্দ্রগী তেংবাং পীরি‍। চৎনগদবা ফন্দিং পেত্তর্নদি স্পিসিএল কেতগরী স্তেতশিংগী (অৱাং নোংপোক স্তেত ৮ অমদি চীংগী স্তেত হিমাচল প্রদেশ, উত্তরাখন্দ অমদি জম্মু অমসুং কাস্মির য়ু.তি.) ওইনা ৯০% (কেন্দ্র): ১০% (স্তেত) অমদি জেনেরেল/নন-স্পিসিএল কেতগরী স্তেতশিংগী ওইনা ৬০% (কেন্দ্র): ৪০%‍‍।

খ.    এফ.এম.বি.এ.পি.গী রিভর মেনেজমেন্ত এন্দ বোর্দর এরিয়জ (আর.এম.বি.এ.)গী মখাদা লুপা করোর ১১৬০গী শেনফমগা লোয়ননা, কম্মন বোর্দর তুরেলশিংদা পুন্না পায়খৎমিন্নবা ৱাতর রিসোর্সেস প্রোজেক্তশিংগী (য়ুমলোন্নবা লৈবাকশিংগা) হায়দ্রোলোজিকেল ওবজর্বেসন অমদি ফল্দ ফোর্কাস্তিং, এন্দ ইনভেস্তিগেসন & প্রি-কন্সত্রক্সন থবক থৌওংশিং য়াওনা য়ুমলোন্নবা লৈবাকশিংগা কমন বোর্দর তুরেলশিংদা ফ্লদ কন্ত্রোল অমদি এন্তি-ইরোজন থবকশিং ১০০% কেন্দ্রগী তেংবাংগা লোয়ননা পায়খৎকনি‍।

ঈচাও মায়োক্নবগী মরুওইবা থৌদাং স্তেতশিংদা লৈজরবসু, মতমগা চুনবা তেক্নোলোগী য়োকখৎনবা অমদি শীজিন্ননবা অমদি ইনোভেতিব ওইবা মচাকশিং/পাম্বৈশিং শীজিন্ননবা পুক্নিং থৌগত্তুনা ঈচাও মায়োক্নবদা স্তেত লৈঙাকশিংনা হোৎনরিবা থৌরাংশিংদা মতেং পাংশিনবনা হেন্না কান্নগনি হায়না কেন্দ্র লৈঙাক্না ফিরেপ লৌখিবনি‍। অইং অশাগী খল হোংলকপগী মহৈনা ওইরম্বা য়াবা মওংদা হৌখিবা চহি খরসিদা কা হেনবা থৌদোকশিং থেংনবা হেনগৎলক্লিপনা মরম ওইরগা মসি মরম চাই, অমদি তুংদা লাক্কদৌরিবা মতমশিংদা ঈচাওগী ফীভম অসি পাক চাউবা, শাথিবা অমদি তোয়না তৌবগী চাং হেনগৎলক্তুনা ফীভম হেন্না লুশিল্লকপা য়াই‍। আর.এম.বি.এ. কম্পোনেন্তকী মখাদা পায়খৎলিবা থবকশিং অসিনা ঙমখৈগী তুরেলশিংগী পরিংংদা লৈরিবা সিক্যুরিতী এজেন্সীশিং, বোর্দর আউতপোস্তনচিংবা মরুওইবা ইন্সতোলেসনশিং ঈচাওল অমদি লৈপাক চেন্থখিবদগীসু ঙাকথোক্কনি‍। স্কীম অসিনা ঈচাও মায়োক্ননবগী মতিং লৈবা নন-স্ত্রকচরেল থৌরাং অমা ওইনা শকখঙলবা ফ্লদ প্লেন জোনিং পায়খৎলবা স্তেতশিংদা ইন্সেন্তিব পীননবা ৱাফমসু য়াওরি‍।

***