ভারতকী প্রধানমন্ত্রী

প্রধান মন্ত্রী শ্রী নরেন্দ্র মোদীনা লুচিংবা কেন্দ্রগী মন্ত্রীমন্দলনা ঙসি 2025-2026গী মতমগী ওইনা অহানবগী লুপা করোর 1600গী অপুনবা শেনফমগা লোইননা প্রধান মন্ত্রী কৃশী সিঞ্চাই য়োজনা (PMKSY) গী সব-স্কিম অমা ওইনা মোদর্নাইজেসন ওফ কম্মান্দ এরিয়া দিবেলপমেন্ত এন্দ ৱাতর মেনেজমেন্ত (M-CADWM) অসি অয়াবা পীখ্রে।

স্কিম অসিনা হান্ননা লৈরম্বা কেনেলশিং নৎত্রগা অতোপ্পা সোর্সশিংদগী অখন্নবা ক্লস্তর অমদা ঈশিং য়ৌহন্নবগীদমক্তা ইরিগেসন ৱাতর সপ্লাই নেৎৱার্ক মোদর্নাইজেসন তৌনবা পান্দম থম্লি। মসিনা প্রেসরাইজ পাইপ ইরিগেসনগা লোইননা হেক্তর 1 ফাওবদা লৈবা ফার্মগী গেৎ ফাওবা লৌমীশিংগী মাইক্রো-ইরিগেসনগীদমক মপাঙ্গল লৈরবা ইনফ্রাস্ত্রকচর অমা শারগনি। SCADA, ইন্তরনেত ওফ থিংস তেক্নোলোজী অসি ঈশিংগী একাউন্তিং অমসুং ঈশিংগী মেনেজমেন্তকীদমক শীজিন্নগনি। মসিনা ফার্মগী থাক্তা ৱাতর য়ুজ ইফিসিএন্সী (WUE) হেনগৎহল্লগনি, লৌউ-শিংউগী পোত্থোক অমসুং পোত্থোক পুথোকপা হেনগৎহল্লগনি; অমসুং মসিনা মরম ওইদুনা লৌমীশিংগী শেন্থোক হেনগৎহল্লগনি।

প্রোজেক্তশিং অসি ইরিগেসন এসেতশিংগী মেনেজমেন্তগীদমক ইরিগেসন মেনেজমেন্ত ত্রান্সফর (IMT)দগী ৱাতর য়ুজর সোসাইতী (WUS)দা সস্তেনেবল ওইগনি। ৱাতর য়ুজর সোসাইতীশিং অসি চহি মঙাগী ওইনা FPO নৎত্রগা PACS গুম্বা লৈরিবা ইকোনোমিক এন্তিতীশিং অসিগা শম্নহন্নবগীদমক্তা হেন্দহোল্দিং সপ্পোর্ত পীগনি। নহারোলশিংবু লৌউ-শিংউ তৌনবা, মোদর্ন ইরিগেসনগী পাম্বৈ শীজিন্ননবা পুক্নিং থৌগৎকনি।

রাজ্যশিংদা চেলেঞ্জ ফন্দিং পীদুনা লৈবাক অসিগী তোঙান-তোঙানবা এগ্রোক্লাইমেতিক জোনশিংদা পাইলোৎ প্রোজেক্তশিং পায়খৎনবা অহানবগী অয়াবা পীখ্রে। প্রোজেক্তশিং অসিগী দিজাইন অমসুং স্ত্রকচরিংদা তমখিবশিং অদুদা য়ুম্ফম ওইদুনা, নেস্নেল প্লান ফোর কম্মান্দ এরিয়া দিবেলপমেন্ত ‌এন্দ ৱাতর মেনেজমেন্ত অসি 16শুবা ফাইনান্স কম্মিসনগী মতমগী ওইনা 2026গী এপ্রিলদগী হৌরগা হৌদোক্লগনি।

***