ভারতকী প্রধানমন্ত্রী

খুন্নাইগী লায়রবা অমদি খুদোংচাদ্রবা মীওই কাঙলুপশিংগী অৱাবা ফীভম য়েংলগা, প্রধান মন্ত্রী শ্রী নরেন্দ্র মোদীনা লুচিংবা কেন্দ্রগী মন্ত্রী মন্দলনা প্রধান মন্ত্রী গরিব কল্য়ান অন্ন য়োজনা (পি.এম.-জি.কে.এ.ৱাই.) স্কিম থা তরুক অমগা, হায়বদি সেপ্তেম্বর ২০২২ ফাওবা (ফেজ ৬) শাংদোকখ্রে‍।

পি.এম.-জি.কে.এ.ৱাই.গী ৫শুবা ফেজ মার্চ ২০২২দা লোইগদবনি‍। নীংশিংবা য়াই মদুদি পি.এম.-জি.কে.এ.ৱাই. অসি মালেমগী খ্বাইদগী চাউবা ফুদ সিক্যুরিতী প্রোগ্রাম ওইনা এপ্রিল ২০২০দগী চৎনদুনা লাক্লিবনি‍।

লৈঙাক অসিনা হৌজিক ফাওবদা লুপা করোর লাখ ২ো৮০ শীজিন্নখ্রে অমদি লাক্কদৌরবা থা তরুক, সেপ্তেম্বর ২০২২ ফাওবদা লুপা করোর ৮০,০০০ অমগসু শীজিন্নদুনা পি.এম.-জি.কে.এ.ৱাই.গী অপুনবা চাদিং লুপা করোর লাখ ৩.৪০গী ময়াদা য়ৌগদৌরে‍।

মসিনা ভারত পুম্বদা বিনিফিসিয়রী করোর ৮০গী ময়াদা কোনশিনবগা লোয়ননা মমাঙগী মতৌগুম ভারত লৈঙাক্না মপুং ফানা শেল পুথোক্কদবনি‍।

কোবিদ-১৯ লাইচৎ অসি ফীভম ফনা য়াম্না ফগৎলবসু অমদি শেন্মিৎলোনগী থবক থৌরমশিং খোঙজেল য়াঙখৎলক্লবসু, পি.এম.-জি.কে.এ.ৱাই. শাংদোকপসিনা ফগৎলক্লিবা মতমসিদা লায়রবা ইমুং অমত্তা চাকখাও হাঙনা ফমুংদা চঙহল্লোইদৌরি‍।

শাংদোক্লবা পি.এম.-জি.কে.এ.ৱাই.গী মখাদা বিনিফিসিয়রী খুদিংমক্না এন.এফ.এস.এ.গী মখাদা ফংলিবা চাকথুংগী মথক্তা থা অমদা মীওই অমদা অহেনবা রাসন কে.জি. ৫ লেম্না ফংহনগনি‍। মসিনা তাকপদি লায়রবা ইমুং খুদিংমক মখোয়না মহৌশানা ফংলিবা রাসনগী শরুক অনি ফংলগনি হায়বনি‍।

পনবা য়াবা ৱাফমদি লৈঙাক অসিনা পি.এম.-জি.কে.এ.ৱাই.গী মখাদা ফেজ-৫ ফাওবদা চীঞ্জাক এল.এম.তি. ৭৫৯ লেম্না পীখ্রে‍। শাংদোক্লিবা (ফেজ ৬) অসিগী মখাদা চীঞ্জাক এল.এম.তি. ২৪৪ অমগসু লেম্না ফংহনগদৌরিবসিগা লোয়ননা পি.এম.-জি.কে.এ.ৱাই.গী মখাদা লেম্না ফংহনগদৌরিবা চীঞ্জাক অসি পুন্না এল.এম.তি. ১,০০৩ য়ৌরে‍।

লেম্না ফংগদৌরিবা রাসন অসিগী কান্নবা অসি লংফৈ চৎপা শিন্মী অমা হেক্তা নৎত্রগা বিনিফিসিয়রী অমা হেক্তনা লৈবাক শিনবা থুংনা লৈরিবা রাসন দুকান লাখ ৫রোমসিদগী ৱন নেসন ৱন রাসন কার্দ (ও.এন.ও.আর.সি.) হায়রিবা থৌরাংসিগী মখাদা পোর্তেবিলিতীগী খুত্থাঙদা লৌবা য়াগনি‍। হৌজিক ফাওবদা পোর্তেবিলিতী ত্রাঞ্জেক্সন করোর ৬১ হেন্না তৌদুনা ময়ুমদগী লাপ্না লৈখ্রবা বিনিফিসিয়রীশিংদা কান্নবা পীখ্রে‍।

ফীভম অসি চহিচাসিগী খ্বাইদগী তমথিবা লাইচৎ লৈজরগসু লৈঙাক্না খ্বাইদগী য়াম্না চীঞ্জাক লৌশিন্দুনা অমদি লৌমীশিংদা হৌজিক ফাওবগী ওইনা খ্বাইদগী য়ামবা চাংদা শেল ফংহনখিবসিনা ওইথোকপা ঙমহল্লিবনি‍। লৌবুক্তগী রেকোর্দ ওইনা পোত্থোক পুথোক্লিবসিগীদমক ভারতকী লৌমীশিং – ‘অন্নদাতা’ অসিদা থাগৎফম থোকই‍।

****