ভারতকী প্রধানমন্ত্রী

প্রধান মন্ত্রী শ্রী নরেন্দ্র মোদীনা ময়াই তাংবল লৌদুনা ফমখিবা কেন্দ্রগী মন্ত্রী-মন্দল মীফমনা দাইরেক্ত বেনিফিৎ ত্রান্সফর (দি.বি.তি.)গী মখাদা কোনবশিং য়াওনা নেস্নেল ফুদ সেক্যুরিতী এক্তনা (নফসা) (অন্তিয়োদয় অন্ন য়োজনা অমসুং প্রাইওরিতী হাউসহোল্দস) কোনবা য়াম্লবদা বেনিফিসরী করোর ৮১.৩৫গীদমক অতোপ্পা থা ৫ অমগা হায়বদি জুলাইদগী নভেম্বর ফাওবগী ওইনা লেম্না থা অমদা মীওই অমগী কে.জি. ৫গী চাংদা প্রধান মন্ত্রী গরিব কল্যান য়োজনা (ফেস IV)কী মখাদা অহেনবা চেং পীথনবা অয়াবা পীখ্রে।

তি.পি.দি.এস.গী মখাদা থা মঙাগী ওইনা মীওই অমদা কে.জি. ৫গী চাংদা মীওই করোর ৮১.৩৫তা লেম্না অহেনবা চেং পীথবনা লুপা করোর ৬৪,০৩১গী ফুদ সবসিদী লৈহল্লগনি। রাজ্যশিং/য়ু.ই.শিংদগী মতেং অমত্তা য়াওদনা স্কিম অসিগীদমক ভারত সরকারনা চাদিং পুম্নমক তৌরি, পুথোক-পুশিন তৌনবা অমসুং হেন্দলিং তৌনবগীদমক অমসুং এফ.পি.এস. দীলরশিংগী মর্জিনশিং অসিনচিংবগীদমক ভারত সরকারনা অহেনবা লুপা করো ৩,২৩৪.৮৫ চাদিং তৌবা মথৌ তাগদৌরি। অসুম্না ভারত সরকারনা পুন্না চাদিং তৌগনি হায়না পান্নরিবা অসি লুপা করোর ৬৭,২৬৬.৪৪ ওইরগনি।

গেহু/চেংগী ওইনা পীথগদবগী ওইনদি দিপার্তমেন্ত ওফ ফুদ এন্দ পব্লিক দিস্ত্রিব্যুসন্না ৱারেপ লৌরগনি। লোইননা দিপার্তমেন্ত ওফ ফুদ এন্দ পব্লিক দিস্ত্রিব্যুসন্না নোং চুবা, উন তাবা অসিগুম্বা নোংজু-নুংশাগী ফীভমশিং অমসুং সপ্লাই চেন অমদি কোবিদনা থোকহনবা অপনবশিংদগী লাকপা মথৌ তাবশিং অদুগী মতুং ইন্না পি.এ.জি.কে.এ.ৱাই.গী ফেস III অমসুং ফেস IVগী মখাদা পোৎ চিংবগী/য়েন্থোকপগী মতম শাংদোকপগী মাংদা ৱারেপ লৌজবা য়াই।

চেংগী ওইনা পুন্না চংগদৌরিবা অসি চাউরাক্না এল.এম.তি. ২০৪ ওইরবা য়াই। অহেনবা পীথগদৌরিবা অসিনা কোরোনা ভাইরসনা শেন্মীৎলোন্দা অপনবা থোকহনবনা মরম ওইদুনা লায়রবশিংনা মায়োক্নরিবা অৱাবশিং অসি হন্থহল্লগনি। মথংগী চহি মঙা অসিদা অপনবশিং থোকপনা মরম ওইরগা লায়রবা ইমুং অমতনা চেং ফংদবগী অৱাবা মায়োক্নহল্লোই।

*******