ভারতকী প্রধানমন্ত্রী

প্রধান মন্ত্রী শ্রী নরেন্দ্র মোদীনা লুচিংবা কেন্দ্রগী মন্ত্রী মন্দলনা মাগী ফ্লেগসিপ ইনিসিএতিব অতল ইনোভেসন মিসন (AIM) নিনি আয়োগকী মখাদা থবক হেন্না পাকথোক চাউথোকহন্দুনা অমদি মার্চ ৩১, ২০২৮ ফাওবগী ওইনা লুপা করোর ২,৭৫০গী বজেত কাইথোক্তুনা মখা চত্থনবা অয়াবা পীখ্রে‍।

AIM ২.০ ভারতকী ইচঙ থৌরবা ইনোভেসন অমসুং ওন্ত্রপ্রিন্যুরসিপ ইকোসিস্তেমবু হেন্না পাকথোক চাউথোকহন্নবা, মপাঙ্গল কনখৎহন্নবা অমদি হেন্না চেৎশিলহন্নবা পান্দম থম্লিবা ভিক্সিত ভারতকী মায়কৈদা থাংজিন্বা খোঙথাঙ অমনি‍।

অয়াবা পীখিবা অসিনা ভারত্তা অচৌবা ইনোভেসন অমসুং ওন্ত্রপ্রিন্যুরিসপ ইকোসিস্তেম অমা শেমগৎনবা লৈঙাক্কী ফিরেপ উৎলি‍। ভারতনা গ্লোবেল ইনোভেসন ইন্দেক্সতা ৩৯ শুবা মফম কন্দুনা অমদি মালেমগী অহুমশুবা খ্বায়দগী চাউবা স্তার্ত-অপ ইকোসিস্তেম লৈদুনা, অতল ইনোভেসন মিসন (AIM 2.0) গী মথঙগী তাঙ্কক অসিনা ভারতকী কম্পিততিবনেস মখা তানা হেনগৎহনগনি হায়না থাজবা থম্লি‍। AIM মখা চত্থবনা হেন্না ফবা থবক পীবদা, ইনোভেতিব ওইবা পোত্থোক পুথোকপদা, অমদি সেক্তর খুদিংদা চাউনা ইথিল পীবা সর্ভিস পীবদা হকথেংননা কান্নবা পীগনি‍।

অতল তিঙ্করিং লেব্স (ATL) অমসুং অতল ইনক্যুবেসন সেন্তর্স (AIC) নচিংবা AIM 1.0 গী মায় পাকপশিংদা য়ুম্ফম ওইদুনা, AIM 2.0 না মিসন অসিগী এপ্রোচতা ক্বালিতেতিব ওইবা মায়কৈদা লাকপগী মশক অমা ওইরি‍। AIM 1.0 দা ভারতকী নৌরিবা ইকোসিস্তেমবু মপাঙ্গল কনখৎহন্নবা অনৌবা ইনোভেসন ইনফ্রাস্ত্রকচর শেমগৎপগী প্রোগ্রামশিং পায়খৎপনা মপুং ওইখিবগা লোয়ননা, AIM 2.0 দদি ইকোসিস্তেম অসিদা লৈরিবা অহোবশিং মেনশিন্নবা অনৌবা থৌশিলশিং নৌনা পায়খৎপা অমসুং কেন্দ্র অমদি স্তেত লৈঙাকশিং, ইন্দস্ত্রী, একাদমিয়া অমদি মীয়ামগী খুত্থাঙদা মায় পাকপগী চাং হেনগৎহনবগী থবক থৌরমশিং য়াওরি‍।

AIM 2.0 অসি (ক) ইনপুত হেনগৎহন্দুনা (হায়বদি অহেন্বা ইনোভেতর অমসুং ওন্ত্রপ্রিন্যুরশিং পুরক্তুনা), (খ) মায় পাকপগী চাং নৎত্রগা ‘থ্রুপুত’ হেনগৎহন্দুনা (হায়বদি, অহেন্বা স্তার্ত-অপশিং মায় পাক্নবা মতেঙ পাংবা) অমসুং (গ) ‘আউতপুত’কী ক্বালিতী হেনগৎহন্দুনা (হায়বদি, হেন্না ফবা থবক, পোত্থোক অমসুং সর্ভিসশিং পুথোক্তুনা), হায়রিবা লম্বী অহুমসিদা ভারতকী ইনোভেসন অমসুং ওন্ত্রপ্রিন্যুরসিপ ইকোসিস্তেম মপাঙ্গল কনখৎহন্নবা শেম্বনি‍।

প্রোগ্রাম অনিনা ইকোসিস্তেমদা পীরিবা ইনপুৎ হেনগৎহন্নবা পান্দম থম্লি:

• লেঙ্গুএজ ইনক্লুজিব প্রোগ্রাম ওফ ইনোভেসন (LIPI) না ইংলিস লোল খঙদবা ইনোভেতর, ওন্ত্রপ্রিন্যুর, অমসুং ইনভেস্তরশিংনা থেংনরিবা পলশিং নেমথহন্নবা ভারতকী সিদ্যুল লোল ২২দা ইনোভেসন অমসুং ওন্ত্রপ্রিন্যুরসিপ ইকোসিস্তেম শেমগৎকনি‍। হৌজিক লৈরিবা ইনক্যুবেতরশিংদা ভর্নেকুলর ইনোভেসন সেন্তর ৩০ লিংখৎকনি‍।
• ফ্রন্তিয়র প্রোগ্রাম্না জম্মু অমসুং কাস্মির (J&K), লদাখ, অৱাং নোংপোক স্তেতশিং (NE), এস্পিরেস্নেল দিস্ত্রিক্ত অমসুং ভারতকী মীশিংগী ১৫% লৈরিবা ব্লোকশিংগী ইনোভেসন অমসুং ওন্ত্রপ্রিন্যুরসিপ ইকোসিস্তেমগী কস্তমাইগ তৌরবা তেমপ্লেতশিং শেমগনি‍। তেমপ্লেত শেমগৎনবা অনৌবা ATLs ২৫০০ শেমগৎকনি‍।

প্রোগ্রাম মরিনা ইকোসিস্তেমগী থ্রুপুত হেনগৎহন্নবা পান্দম থম্লি:

• হ্যুমেন কেপিতেল দিভেলপমেন্ত প্রোগ্রাম্না ভারতকী ইনোভেসন অমসুং ওন্ত্রপ্রিন্যুরসিপ ইকোসিস্তেম শেমগৎনবা, চলাইনবা, অমদি মেন্তেন তৌনবা প্রোফেস্নেলশিং (মেনেজর, ওজা, ত্রেনর) পুথোক্নবা সিস্তেম অমা শেমগনি‍। পাইলোত অসিনা অসিগুম্বা প্রোফেস্নেল ৫৫০০ পুথোক্কনি‍।
• দীপতেক রিএক্তরনা কৈথেল য়ৌবদা মতম হেন্না শাংনা অমদি ইনভেস্তমেন্ত হেন্না চঙবা রিছর্চ-বেজ দীপ তেক স্তার্তঅপশিং কম্মর্সিএলাইজ তৌনবা পাম্বৈশিং চাংয়েং তৌনবা রিছর্চ সেন্দবোক্স অমা শেমগৎকনি‍। য়ামদ্রবদা দীপতেক রিএক্তর ১ পাইলোত ওইনা পায়খৎকনি‍।
• স্তেত ইনোভেসন মিসন্না (SIM) স্তেত/য়ু.তি.শিংদা মখোয়গী মপাঙ্গল লৈবা হীরমশিংদা মীৎয়েঙ থম্বা অকন্বা ইনোভেসন অমসুং ওন্ত্রপ্রিন্যুরসিপ ইকোসিস্তেম অমা শেমগৎপদা মতেঙ পাংগনি‍। SIM অসি নিতি আয়োগকী স্তেত সপ্পোর্ত মিসনগী মচাক অমা ওইগনি‍।
• ইন্তরনেস্নেল ইনোভেসন কোলাবোরেসন প্রোগ্রাম্না ভারতকী ইনোভেসন অমসুং ওন্ত্রপ্রিন্যুরসিপ ইকোসিস্তেমবু মালেমগী থাক্তা পুখৎকনি‍। মসিগী মখাদা মশক খঙদোক্লবা এরিয়া ওফ ইন্তরভেন্সন মরিদি: (ক) এনুএল গ্লোবেল তিঙ্করিং ওলিম্পিয়াদ অমা (খ) চাওখৎপা লৈবাকশিংগা লোয়ননা বাই-লেতরেল, মল্তিলেতরেল এঙ্গেজমেন্ত ১০ শেমগৎপা (গ) নোলেজ পার্ত্নর অমা ওইনা য়ুনাইতেদ নেসন্সকী ৱর্ল্দ ইন্তেলেকচুএল প্রোপর্তী ওর্গনাইজেসন (WIPO) বু AIM গী মোদেল অমদি মসিগী প্রোগ্রামশিং (ATL, AIC) মালেমগী খাথংবা শরুক্কী লৈবাকশিংদা শন্দোকপদা মতেঙ পাংবা, অমদি (ঘ) G20 গী স্তার্তঅপ২০ এঙ্গেজমেন্ত গ্রুপ্পু ভারতকীদমক এঙ্কর তৌবা‍।

প্রোগ্রাম অনিনা আউতপুতকী ক্বালিতী হেনগৎহন্বদা পান্দম থম্লি (জোব্স, প্রদক্ত, অমসুং সর্ভিসেস):

• ইন্দস্ত্রিএল এসেলেরেতর প্রোগ্রাম্না এদভান্স্দ স্তার্তঅপশিং পাকথোক চাউথোকহন্বদা ইন্দস্ত্রী ইনভোল্বমেন্ত হেনগৎহনগনি‍। য়ামদ্রবদা ক্রিতিকেল সেক্তরদা লৈবা ইন্দস্ত্রী এসেলেরেতর ১০ পব্লিক প্রাইভেত পার্ত্নরসিপ (PPP) মোদতা পায়খৎকনি‍।
• অতল সেক্তোরেল ইনোভেসন লোঞ্চপেদ্স (ASIL) প্রোগ্রাম্না মরুওইবা ইন্দস্ত্রী সেক্তরশিংদা স্তার্তঅপশিং ইন্তিগ্রেত অমদি প্রোকরিংগী থবক খুমাঙ চাওশিলহন্নবা iDEX কুম্বা ফম্পাকশিং পায়খৎকনি‍। মরুওইবা মন্ত্রালয়শিংদা য়ামদ্রবদা লোঞ্চপেদ ১০ শেমগৎকনি‍।

*****