ভারতকী প্রধানমন্ত্রী
পোৎ-চৈ মমল হেনগৎলকপা অসি য়েংলগা হৌজিক্কী বেসিক/পেন্সনগী চাদা ১২ ওইরিবা অসিদগী কেন্দ্র সরকারগী ইমপ্লোয়ীশিং অমসুং পেন্সন্নরশিংদা ২০১৯গী জুলাই ১দগী হৌরগা দিয়রনেস এল্লাৱেন্সন্স (দি.এ.) অমসুং দিয়রনেস রিলিফ (দি.আর.) চাদা ৫ হেনগৎনা ৭শুবা সেন্ত্রেল পে কম্মিসনগী মতুংইন্না পীবা হায়না প্রধান মন্ত্রী নরেন্দ্র মোদীনা লুচিংবা কেন্দ্রগী মন্ত্রীমন্দলনা অয়াবা পীরে।
মসিনা কেন্দ্র সরকারগী ইমপ্লোয়ী লাখ ৪৯.৯৩ অমসুং পেন্সন্নর লাখ ৬৫.২৬ কান্নবা ফংহনগনি।
মসিগী দি.এ. হেনগৎপা অসিনা চহি অমদা লুপা ক্রোর ৮৫৯০.২০ অমসুং চৎলিবা শেনবা চহি ২০১৯-২০ (জুলাই ২০১৯দগী ফেব্রুৱরী ২০২০ ফাওবা)দা লুপা ক্রোর ৫৭২৬.৮০গী অহেনবা শেনফম চাদিং তৌগনি হায়না পানরি।
পেন্সন্নরশিংদা দি.আর. পীবা অসিনা চহি অমদা লুপা ক্রোর ৭৩১৯.১৫ অমসুং চৎলিবা শেনবা চহি অসিদা লুপা ক্রোর ৪৮৭০ চাদিং তৌগনি হায়না পানরি।
হিংবদা শেন চংবা হেনগৎলক্লিবা অমসুং মখোয়গী বেসিক পে/পেন্সনগী অশেংবা মগুন হন্থরকপা অসিগা কোন্নবা ঙম্নবা কেন্দ্র সরকারগী ইমপ্লোয়ীশিং অমসুং পেন্সন্নরশিংগীদমক দি.এ./দি.আর. হেনগৎপনি। দি.এ./দি.আর. অসি চহি অমগী মনুংদা অনিরক জনুৱরী ১ অমসুং জুলাই ১দা হেনগৎকনি।
**************
