ভারতকী প্রধানমন্ত্রী

প্রধানমন্ত্রী শ্রী নরেন্দ্র মোদীনা লুচীংবা কেন্দ্রগী মন্ত্রীমন্দলনা অতোপ্পা শেনবা চহি অহুম (শেনবা চহি ২০১৭-১৮দগী হৌরগা ২০১৯-২০ ফাওবা)গীদমক্তা ইন্দিয়ন ইন্সতিত্যুৎ ওফ কোর্পোরেৎ এফিয়র্স (আইআইসিএ)কী স্কিম মখা চৎথনবা অমসুং ইন্সতিত্যুৎতা লুপা কোতি ১৮গী তেংবাং পীননবা মখোয়গী অয়াবা পীখ্রে। মসিনা শেনবা চহি ২০১৯-২০গী অরোইবা ফাওবদা ইন্সতিত্যুৎ অসি মরোমদোম লেপচবা ঙম্লগনি।

শাফুঃ

• কোর্পোরেৎ গবর্নেন্সকী মরু ওইবা লমশিংদা পাব্লিক অমসুং প্রাইবেৎ সেক্তরগী পার্তনরশিপ্না ইন্সতিত্যুৎনা পাইখৎলিবা ত্রেনিং প্রোগ্রামশিং, রিসর্সকী থবক-থৌরমশিং অমসুং প্রোজেক্তশিংগী স্কিল চাওখৎহল্লগনি অমসুং মসিনা মরম ওইদুনা মহৈরোইশিংনা থবক ফংবা অমসুং প্রোফেস্নেল ওইবসু হেনগৎহল্লগনি।

• ইন্সতিত্যুৎকী মরু ওইবা পান্দম মসিগী রিসোর্স অমসুং রেভিন্যু হেনগৎহন্দুনা কোর্পোরেৎ লোশিংগী লমদা মশক্নাইবা ইন্সতিত্যুৎ অমা ওইহনবনি।

• মসিগী ৱাখল্লোন অসি শাগৎলি মদুদি আইআইসিএ অসি লৈবাক্কী মরু ওইবা ইন্সতিত্যুৎ অমা ওইগনি মসিনা মরম ওইদুনা মসি চাওখৎ-থৌরাংগী এঞ্জিন ওইগনি, মদুনা শেনমিৎলোনগী থবক-থৌরমসু পাকথোক-চাওথোকহল্লগনি।

• প্রোফেস্নেলগী মতিক মঙমদা অহোংবা পুরকপদা মীরমগা লোইননা হেনগৎলক্লিবা কোর্পোরেৎ সেক্তরদা থবক পীবগী তাঞ্জা ফংহনবদা প্রোফেস্নেলশিংগী মতেং চংবগী ওইথোকপসু লৈ।

য়ুম্ফমঃ

আইআইসিএদা নেস্নেল ফাউন্দেসন ফোর কোর্পোরেৎ সোসিএল রেস্পোন্সিব্লিতী (এনএফসিএসআর) অসি কোর্পোরেৎ সোসিএল রেস্পোন্সিব্লিতী (সিএসআর)গী থৌদাংনি। ফাউন্দেসন অসি কম্পেনী এক্ত, ২০১৩গী অনৌবা ৱারোলগী মতুং ইন্না দিজাইন তৌখিবনি। এনএফসিএসআর অসি খুন্নাইগী ওইবা শরুক য়াবগী মাইকৈদা ওরিয়েন্তেদ, সিএসআরগী লমদা কোর্পোরেৎশিংগা লোইননা শরুক য়ামিন্নবদা তোঙান তোঙানবা থবক-থৌরম কয়া পাংথোক্লি।

আইআইসিএ অসি তোঙান তোঙানবা পোলিসী মেকরশিং, রেগুলেতরশিং য়াওনা কোর্পোরেৎকী লমগা মরি লৈনবা লমশিংদা থবক তৌরিবা তোঙান তোঙানবা স্তেকহোল্দরশিংগীদমক্তা মরৈ থাংবা ৱারেপ লৌবদা মতেং পাংননবা থিঙ্ক তেঙ্ক অমসুং লৌশিং অমসুং দেতাগী পুক্কৈ অমনি। মসিনা কোর্পোরেৎ লো, কোপোরেৎ গবর্নেন্স, সিএসআর, একাউন্তিং স্তেন্দর, ইনবেস্তর এজুকেসন্নচিংবা লমশিংদা স্তেকহোল্দরশিংদা সর্বিসশিং পীরি। আইআইসিএগী তোঙান তোঙানবা থবক-থৌরমশিংনা অহানবা মীরোলগী ইন্ত্রপ্রিনরশিং অমসুং অপীকপা ললোন ইতিক তৌবশিংদা মল্তি-দিসিপ্লিনরী স্কিল পীনবগীদমক্তা মতেং পাংলি মরমদি মখোয়দা শিল্লাংবা, কাংলোন, একাউন্তেন্সীনচিংবা লমদা তোঙান্না অখঙ-অহৈশিং হাপ্পগী পাঙ্গল লৈতে।