ভারতকী প্রধানমন্ত্রী

প্রধানমন্ত্রী শ্রী নরেন্দ্র মোদীনা লুচীংবা কেন্দ্রগী মন্ত্রীমন্দলনা য়ুরোপিয়নগী অমুক হন্না শেমগৎ-শাগৎপা অমসুং চাওখৎ-থৌরাং বেঙ্ক (ইবিআরদি)তা ভারতকী মেম্বরশিপ ওইবগী মতাংদা অয়াবা পীখ্রে।

ইবিআরদিগী মেম্বরশিপ ফংনবগীদমক্তা শেনমিৎলোনগী বিভাগ, শেল-থুম মন্ত্রালয়না মথৌ তাবা খোংথাং লৌখৎলগনি।

শাফুঃ

• ইবিআরদিগী ওইবনা ভারতকী মালেমগী ওইবা শক্তমদা হেন্না ময়েক শেংহল্লগনি লোইননা মসি শেনমিৎলোনগী মতাংদসু ইনোৎ হাপলগনি। ইবিআরদিগা লোইনরিবা লৈবাকশিং লোইননা সেক্র নোলেজদা য়ৌশিনবা ঙমলগনি।
• ভারতকী ইনবেস্ত তৌবগী খুদোংচাবশিং হেনগৎহল্লগনি।
• মেম্বরশিপ অসিদগী শেমগৎ-শাগৎপা, থবকশিং, ইনফোর্মেসন তেক্নোলোজী অমসুং ইনর্জীদা কো-ফাইনান্সিংগী খুদোংচাবশিংগী খুৎথাংদা ভারত অমসুং ইবিআরদিগী মরক্তা তেংবাং পীনবা হেনগৎলগনি।
• ইবিআরদিগী মরু ওইবা থবকশিংদা মসিবু চলাইরিবা লৈবাকশিংদা প্রাইবেৎ সেক্তর চাওখৎহনবা য়াওরি। মেম্বরশিপ অসিদগী ভারতনা প্রাইবেৎ সেক্তরগী চাওখৎ থৌরাংদা কান্নবা ফংহন্নবা বেঙ্ককী তেক্নিকেল ওইবা মতেং লোইননা লমদমগী ওইবা লৌশিংদগী মতেং ফংলগনি।
• মসিদগী লৈবাক অসিদা হেন্না ফবা ইনবেস্ত তৌবগী ফিভম শেম্বদা থৌদাং য়ারগনি।
• ইবিআরদিগী মেম্বরশিপতগী ভারতকী ফার্মশিংগী অথোই-অহেন তান্নবগী পাঙ্গল হেনগৎহল্লগনি অমসুং ললোন-ইতিক তৌবগী তাঞ্জা, লৈবগী থবক-থৌওং, খন্ন-নৈনবশিংনচিংবা মালেমগী কৈথেল ফাওবা মসিনা য়ৌসিনবা ঙমলগনি।
• মসি অমরোমদা ভারতকী প্রোফেস্নেলশিংগীদমক্তা অনৌবা লম হাংলগনি অমসুং নাকল অমরোমদা ভারতকী এক্পোর্তশিংদসু কান্নবা ফংলগনি।
• হেনগৎলক্লিবা শেনমিৎলোনগী থবক-থৌরমশিং অসিনা থবক পীবগী পাঙ্গল হেনগৎহল্লগনি।
• মসিদগী ভারতকী মীওইসু বেঙ্ক অসিদা থবক ফংবা ঙমলগনি।

য়ুম্ফমঃ

য়ুরোপিয়নগী অমুক হন্না শেমগৎ-শাগৎপা অমসুং চাওখৎ-থৌরাং বেঙ্ক (ইবিআরদি)তা ভারতকী মেম্বরশিপ ফংবগা মরি লৈননা ভারত সরকারদা মতম কুইনা খন্নদুনা লাকখি। হৌখিবা চহি খরা অসিদা লৈবাক্কী পুক্নীং থৌগৎনীংঙাই ওইবা শেনমিৎলোন খুমাং চাওশিনবা অমসুং মালেমগী ওইবা রাজনীতিগী শক্তম অসিবু য়েংলদুনা মসি খন্নখি মদুদি ভারতপু ৱার্ল্দ বেঙ্ক, এসিয়ন দিব্লপমেন্ত বেঙ্ককুম্বা মল্তি-লেতরেল দিব্লপমেন্ত বেঙ্ক (এমদিবি)কা মরি থম্নদুনা ভারতনা শরুক য়াবা হেনগৎকদবনি। য়ুম্ফম অসিদা অহানবদা এশিয়ন ইনফ্রাস্ত্রকচর বেঙ্ক (এআইআইবি) লোইননা ন্যু দিব্লপমেন্ত বেঙ্ক (এনদিবি)দা য়াওনবগী ৱারেপ লৌখি।