ভারতকী প্রধানমন্ত্রী

প্রধান মন্ত্রী শ্রী নরেন্দ্র মোদীনা লুচীংবা কেন্দ্রগী মন্ত্রীমন্দলনা ‘ময়ুম হোংখ্রবা অমসুং মরমদা হল্লকপশিংগী তেংবাং অমসুং খুন্দা-লৈতাহন্নবগী পাক চাউরবা স্কিমগী মখাদা য়ুমলৈ-কৈরৈ মন্ত্রালয়গী লৈরিবা স্কিম ৮বু মার্চ, ২০২০ ফাওবা মখা চৎথনবগী অয়াবা পীখ্রে।

শেন–থুমগী মরি লৈনবাঃ

২০১৭-১৮দগী ২০১৯-২০ ফাওবগী মনুংদা পান্দম অসিগীদমক্তা চাউরাকপা শেনফম অসি লুপা ক্রোর ৩১৮৩নি। চহিগী ওইনা চাউরাকপা শেনফম অসি ২০১৭-১৮গীদমক্তা লুপা ক্রোর ৯১১, ২০১৮-১৯গীদমক্তা লুপা ক্রোর ১৩৭২ অমসুং ২০১৯-২০গীদমক্তা লুপা ক্রোর ৯০০নি।

কান্নবাঃ

স্কিমশিং অসিনা লানজেল্লকপশিং, হোংহনখিবা মীওইশিং তেরোরিস্ত/কাংলুপকী ইরাংগী চৈথেং নংলবা মীচম লোইননা ঙমখৈ ৱাংমদগী কাপ্লকপা নোংমৈনা শোকহল্লবা অমসুং মাইন/আই.ই.দি. পোকখাইবা অমসুং তোঙান তোঙানবা থৌদোকশিংনা শোকহল্লবা মীওইশিংদা তেংবাং অমসুং খুন্দা লৈতাহন্নবগী মতেং পীগনি।

ৱারোলঃ

অয়াবা পীখ্রবা স্কিম নিপালমক হৌজিক মথৌ পাংথোক্লি অমসুং অয়াবা পীখ্রবা কাংলোনশিংগী মতুং ইন্না স্কিমগী কান্নবশিং অসি পান্দম থম্লিবা কাংলুপ অদু ফাওবা য়ৌহনখিগনি।

স্কিমগী কাংলোনশিংদিঃ–

i)       পাক্না খুদুম চনবা জম্মু অমসুং কশ্মীর (পি.ও.জি.কে.)দগী য়ুম হোংলকপা ইমুংশিং লোইননা জম্মু অমসুং কশ্মীর রাজ্যদা খুন্দারিবা ছাম্বগী খুন্দা লৈতাহন্নবা মতম অমুক্তগী ওইবা কেন্দ্রগী তেংবাং।

ii)       লেন্দ বাউন্দরী এগ্রিমেন্তকী মখাদা ভারত অমসুং বাঙ্গলাদেশকী মরক্তা লৈনরিবা মফমশিং পীথোক-পীশিন তৌনরবা মতুংদা বাঙ্গলাদেশী অমসুং কুছ বিহার জিলাগী লৈনরিবা মফমশিংদা খুন্দা লৈতাহনবগী পেকেজশিং লোইননা ইনফ্রাস্ত্রকচর অপ-গ্রেদ তৌবা।

iii)      তমিল নাদু অমসুং উরিশাগী কেম্পশিংদা লৈরিবা শ্রীলঙ্কাগী চংজফম লৌরিবশিংদা তেংবাং।

iv)      তিবেৎকী চংজফম লৌরিবশিংদা এদমিনিস্ত্রেতিব অমসুং সোসিয়েল ৱেলফেয়রগী চাদিংগীদমক চহি মঙা ফাওবা সেন্ত্রেল তিবেতান রিলিফ কমিতী (সি.তি.আর.সি.)দা গ্রান্ত-ইন-এদ।

v)      ত্রিপুরাগী রিলিফ কেম্পশিংদা লৈরিবা ব্রুসকী ঙাক-শেলগীদমক ত্রিপুরা সরকারদা গ্রান্ত-ইন-এদ।

vi)      ত্রিপুরাগী ব্রুস/রিয়াং ইমুংশিংবু মিজোরমদা খুন্দাহনবা।

vii)     ১৯৮৪গী সিখ লালহৌদা লৈখিদ্রবশিংগীদমক্তা পীবা তেংবাংগী শেনফম হেনগৎন্দুনা লুপা লাখ ৫.০০ ওইহনখ্রে।

viii)     তেরোরিস্ত/কাংলুপকী ইরাংনা শোকহল্লবা অমসুং ঙমখৈগী ৱাংমদগী তৌরকপা ফয়ারিংনা শোকহল্লবা অমসুং মাইন/আই.ই.দি. পোখাইবদগী শোকহল্লবশিংগী তেংবাংগীদমক কেন্দ্রগী স্কিম।

য়ুম্ফমঃ

মফম হোংদোকপদগী অৱাবা নংলবা খুল হোংবশিং লোইননা মরমদা হল্লকপা মীওইশিংবু হিংননবা লম্বী পীবা লোইননা মখোয়বু মপুং ওইবা পুন্সি মহিংগী থবক-থৌরমদা তিলহন্নবগী খুদোংচাবশিং পীননবা সরকারনা তোঙান তোঙানবা থাক্তা হায়রিবা স্কিম নিপাল অসি হৌদোকখিবনি। কেন্দ্র সরকারনা নোংচুপ বঙ্গাল সরকারদা কুছ বিহার জিলাদা লৈরিবা নোংপোক্কী বাঙ্গলাদেশকী খুল্লাল্লকপা মফম ৫১গী শেমগৎ-শাগৎনবগীদমক শেলগী মতেং ফংহল্লি। মসিনা বাঙ্গলাদেশতগী মরমদা হল্লকপা মীওই ৯১১বু খুন্দা লৈতাহন্নবগী থবকসু পাইখৎকনি।