ভারতকী প্রধানমন্ত্রী

প্রধানমন্ত্রী শ্রী নরেন্দ্র মোদীনা লুচীংবা কেন্দ্র্গী মন্ত্রীমন্দলনা সেন্ত্রেল হেল্থ সর্বিস (সিঐচএস)তা নত্তনা অতৈ দোক্তরশিংগী থবক তৌবগী চহি হেনগৎহন্দুনা চহি ৬৫ ওইহনবদা মখোয়গী অয়াবা পীখ্রে।

১. ভারতকী রেলৱেজ মেদিকেল সর্বিসকী দোক্তরশিংগী থবক তৌবগী চহি হেনগৎহন্দুনা চহি ৬৫ ওইহনবগী মমাংগী য়ানখিবা ৱাফমদা অয়াবা পীখ্রে।

২. হায়র এজুকেসন বিভাগকী মখাদা লৈবা কেন্দ্রগী য়ুনিবর্সিতীশিং অমসুং আইআইতি ইন্সতিত্যুৎশিং (ওতোনোমস বোদীশিং) অমসুং শিপ্পিং মন্ত্রালয়গী মখাদা লৈবা পোর্ত ত্রস্তশিং (ওতোনোমস বোদীশিং)দা থবক তৌরিবা দোক্তরশিংগী থবক তৌবগী চহি হেনগৎহন্দুনা চহি ৬৫ ওইহনবগী হান্ননা য়ানখিবা ৱাফমদা অয়াবা পীখ্রে।

৩. মরি লৈনবা মন্ত্রালয়শিং/বিভাগশিং [আয়ুষ মন্ত্রালয় (আয়ুষ দোক্তরশিং), ঙাক–শেল বিভাগ (আর্ম ফোর্সেস মেদিকেল সর্বিসকী মখাদা থবক তৌরিবা সিবিলিয়ান দোক্তরশিং), দিফেন্স প্রদক্সন বিভাগশিং (ভারতকী ওর্দনেন্স ফেক্তরীজ হেল্থ সর্বিস মেদিকেল ওফিসরশিং), হকশেল অমসুং য়াইফা য়ুম্বাল বিভাগকী মখাদা লৈবা দেন্তেল দোক্তরশিং, রেল মন্ত্রালয়গী মখাদা লৈবা দেন্তেল দোক্তরশিং অমসুং হায়র এজুকেসন বিভাগকী মখাদা লৈবা হায়র এজুকেসন অমসুং তেক্নিকেল ইন্সতিত্যুৎশিংদা থবক তৌরিবা দোক্তরশিংগী থবক তৌবগী চহি হেনগৎহন্দুনা চহি ৬৫ ওইহনবগী হান্ননা য়ানখিবা ৱাফমদা অয়াবা পীখ্রে।]

৪. কেন্দ্রগী মন্ত্রীমন্দলনা মসিসু অয়াবা পীখি মদুদি দোক্তরশিংবু চহি ৬২ ফাওবা এদমিনিস্ত্রেতিব পোস্তা লৈগনি অদুগী মতুং মখোয়গী সর্বিস অদু নন–এদমিনিস্ত্রেতিব পোস্তা থমগনি।

ৱারেপ অসিদগী অনাবশিংবু হেন্না য়েংশিনবীবা, মেদিকেল কোলেজশিংদা মতিক চাবা একাদেমিক এক্তিবিতিজশিং ফংহনবদা মতেং ওইরগনি লোইননা হেল্থ ক্যর সর্বিসশিং ফংহন্নবগীদমক নেস্নেল হেল্থ প্রোগ্রামশিংগী কান্নরবা থবক-থৌরমশিংসু পাইখৎলগনি।

কেন্দ্র সরকারগী তোঙান তোঙানবা মন্ত্রালয়শিং/বিভাগশিংগী চাওরাক্না দোক্তর ১৪৪৫দা কান্নবা ফংহল্লগনি।

ৱারেপ অসিদগী ফাইনান্সিয়েল ইমপ্লিকেসন হেন্না থোক্লোই মরমদি অনম্বা ফমশিং হাংদুনা লৈরি অমসুং লৈরিবা সেংসন পোস্তশিংগীদমক্তা মখোয়গী লৈরিবা মপাঙ্গল অসিদা মখা তানা থবক তৌগনি।

য়ুম্ফম

• সেন্ত্রেল হেল্থ সর্বিসকী দোক্তরশিংগী থবক তৌবগী চহি অসি মেগী তাং ৩১, ২০১৬তগী হেনগৎতুনা চহি ৬৫ ওইহনখিবনি।
• কেন্দ্র সরকারগী অতৈ মেদিসিন সিস্তেমশিংগী দোক্তর য়াওনা কেন্দ্রগী হেল্থ সর্বিসতা নত্তনা অতৈ দোক্তরশিংনা সিঐচএসকা লোইননা মান্নবা অমসুং অৱাৎপগী মতুং ইন্না থবক তৌবগী চহি অসি শাংদোকহন্ননবা হায়জখিবনি।