ভারতকী প্রধানমন্ত্রী
প্রধানমন্ত্রী শ্রী নরেন্দ্র মোদীনা লুচীংবা কেন্দ্রগী মন্ত্রীমন্দলনা সুপ্রিম কোর্ত অমসুং হাই কোর্তশিংগী জজশিংগীদমক্তা অমসুং সুপ্রিম কোর্ত অমসুং হাই কোর্তশিংগী থবক্তগী পোত্থারবা জজশিংগীদমক্তা শেমদোক্লবা তলব, গ্রেচ্যুইতী, এলাৱেন্স অমসুং পেন্সনগী অয়াবা পীখ্রে। খোংথাং অসি কেন্দ্রগী থৌমীশিংগীদমক্তা পল্লিবা তরেৎসুবা কেন্দ্রগী পে কমিসনগী রেকোমেন্দেসনশিংবু থবক্তা ওন্থোকপগী মনুং চন্না পাংথোকপনি।
অয়াবা পীখিবা অসিনা ভারতকী চীফ জস্তিস (সিজেআই), ভারতকী সুপ্রিম কোর্তকী জজশিং, হাই কোর্তশিংগী চীফ জস্তিসশিং অমসুং জজ পুম্নমক্কী তলবতা চৎনবা কাংলোন অনি মিং ওইনা পল্লবদাঃ সুপ্রিম কোর্ত জজেস (সেলরীজ এন্দ কন্দিসন্স ওফ সর্বিস) এক্ত, ১৯৫৮ অমসুং হাই কোর্ত জজেস (সেলরীজ এন্দ কন্দিসন্স ওফ সর্বিস) এক্ত, ১৯৫৪দা তঙাইফদনা শেমদোক্নবগী লম্বী পীরে।
তলব অমসুং এলাৱেন্সনচিংবদা হেনগৎলকপনা ভারতকী সুপ্রিম কোর্তকী জজ ৩১ (সিজেআই য়াওনা) অমসুং হাই কোর্তশিংগী জজ ১০৭৯দা কান্নবা ফংহল্লগনি। মসিগা লোইননা চাওরাক্না থবক্তগী পোত্থারবা জজ ২৫০০ রোমসু পেন্সন/গ্রেচ্যুইতীদা অহোংবা পুরকপনা মরম ওইদুনা কান্নবা ফংহল্লগনি।
হোংদোক্লবা তলব, গ্রেচ্যুইতী, পেন্সন অমসুং ইমুং-মনুংগী পেন্সন্দা অহোংবা অসি ০১.০১.২০১৬তগী চৎনবা হৌগনি অমসুং হায়রিবা শেনফম অদু মতম অমুক্তদা পীথোক্কনি।
য়ুম্ফমঃ
সুপ্রিম কোর্তকী জজশিংগী মতাংদা তলব, গ্রেচ্যুইতী, পেন্সন অমসুং এলাৱেন্সনচিংবা সুপ্রিম কোর্ত জজেস (সেলরীজ এন্দ কন্দিসন্স ওফ সর্বিস) এক্ত, ১৯৫৮গী মখাদা থাদোকই। হাই কোর্তকী জজশিংগী মতাংদা তলব, গ্রেচ্যুইতী, পেন্সন অমসুং এলাৱেন্সনচিংবা হাই কোর্ত জজেস (সেলরীজ এন্দ কন্দিসন্স ওফ সর্বিস) এক্ত, ১৯৫৪গী মখাদা থাদোকই। সুপ্রিম কোর্ত অমসুং হাই কোর্তশিংগী জজশিংগী মতাংদা তলব, গ্রেচ্যুইতী, পেন্সন অমসুং এলাৱেন্সনচিংবা শেমদোক্নবগীদমক ৱাফম পুখৎলকপা মতম পুম্নমক্তা মখক্তা পনখ্রিবা এক্তশিং অসি শেমদোকপা মথৌ তাই। মরম অসিনা, সরকারনা তলব অমসুং এলাৱেন্সশিং শেমদোকপবু চৎনহন্নবগীদমক্তা মরি লৈনবা এক্তশিং শেমদোক্নবা সংসদকী লাক্কদৌরিবা মীফমদা বিল অমা পুথোক্নবা ৱাফম পুখৎলি।
