ভারতকী প্রধানমন্ত্রী

প্রধানমন্ত্রী শ্রী নরেন্দ্র মোদীনা লুচীংবা কেন্দ্রগী মন্ত্রীমন্দলনা লৌউ-শিংউ অমসুং ফাইতোসেনিতরীগী মতাংদা তেংবাং পীননবগীদমক ভারত অমসুং ইতলীগী মরক্তা তৌনবা য়ানা চেরোল (এমওয়ু)দা খুয়েক পীননবা মখোয়গী অয়াবা পীখ্রে। মসিনা জুনৱারী ২০০৮দা খুয়েক পীনখিবা, লাক্লিবা জুনৱারী ২০১৮দা মতম লোইরগদবা এমওয়ু অদুগী মহুৎ শিনগনি।

লৈবাক অনিগী মরক্তা য়ানা চেরোল অসিদা ফাইতোসেনিতরীগী মতাংদা, লৌউ-শিংউবগী পোৎথোকশিং অমসুং শা-শন য়োকপা, লোউ-শিংউবগী মরমদা থিজিন-হুমজিনবা, ফুদ প্রোসেশিং অমসুং অতৈ অতোপ্পা লমশিং য়াওনা অতোপ্পা সেক্তরশিংগী পাক চাওরবা লমশিং কোনশিনগনি।

য়ানা চেরোল অসিদা লৌউ-শিংউ অমসুং খুঙ্গংগী চাওখৎ-থৌরাংগা মরি লৈনবা ই-পাউ পীথোক-পীশিন তৌনবা, তেক্নোলোজী পীথোক-পীশিন তৌনবগী ফিভম অমসুং লৌউ-শিংউ মেকানাইজেসন/ফার্ম মেচিন্নরী অমসুং এগ্রো-ইন্দস্ত্রিয়েল ইনফ্রাস্ত্রকচর, তেক্নিকেলগী অপনবশিং লোইশিনবা অমসুং মোদর্ন সাইন্তিফিক রিসর্সশিংনচিংবা য়াওনা শা-শন য়োকপগী লমদা ফংলকপা অখঙ-অহৈশিং পীথোক-পীশিন তৌনবগী ৱাফম য়াওরি।

য়ানা চেরোল অসিদা লৌউ-শিংউবগী তেংবাংগীদমক্তা তুং কোইনা চৎনগদবা খোংথাংদা খন্ন-নৈনবগা লোইননা অখন্নবা অপুনবা থৌওংশিংদা পুশিল্লকপা পোৎলমশিংদা ফাইতোসেনিতরীগী খুদোংথিবা হন্থহন্নবগী তেংবাং পীননবা লৌউ-শিংউবগী লমদা নাকল অনিগী ওইবা পীথোক-পীশিন তৌনবগী মিৎয়েংদা অপুনবা ৱার্কিং গ্রুপ শেমগৎনবা ৱাফম পুখৎলি।

মসিনা লৈবাক অনিগী সরকারগী এজেন্সিশিং, সাইন্তিফিক অমসুং একাদেমিক ইন্সতিত্যুৎশিং অমসুং ব্যুজিনেস কম্যিনিতীশিংগী মরক্তা মরি থম্নবদা পুক্নীং থৌগৎপা অমসুং কান্নবা ফংহনগনি অমসুং মখোয়না লৈবাক অনিগী মরি লৈনবা রিসর্স ইন্সতিত্যুৎশিংগী মরক্তা তেংবা পীনবা মখা চৎথবা ঙমহনগনি।