ভারতকী প্রধানমন্ত্রী
প্রধান মন্ত্রী শ্রী নরেন্দ্র মোদীগী লুচীং মখাদা কেন্দ্রগী মন্ত্রীমন্দলনা লেহদা আয়ুশ মন্ত্রালয়গী মখাদা ওতোনোমস ওর্গনাইজেসন অমা ওইনা নেস্নেল ইন্সতিত্যুৎ ওফ সোৱা–রিগপা লিংখৎনবা অয়াবা পীখ্রে। মন্ত্রীমন্দলনা লিংখৎলকপদগী হৌরগা থবক পাংথোকপা ফাওবা য়েংশিন্নবা লেভেল–১৪দা দাইরেক্তর (লুপা ১,৪৪২০০–২,১৮,২০০) (প্রি–রিভাইস লুপা ৩৭,০০০–৬৭০০০/- + লুপা ১০০০০গী গ্রেদ পে)গা লোইননা ফম অমা হাপ্পদসু অয়াবা পীখ্রে।
য়ুনিয়ন তেরিতোরী অমা ওইনা লদাখ শেম্বা অমসুং লদাখকী মফম অদুগী চৎনবী অদুদা ইনোৎ হাপ্পদা মিৎয়েং থম্লদুনা ভারত সরকারনা ৱারেপ লৌখি মদুদি সোৱা–রিগপা মিদিসিন সিস্তেমবু য়োকখৎপগা মরী লৈননা য়ুনিয়ন তেরিতোরী লদাখকী কোনুং লেহদা লুপা করোর ৪৭.২৫কী অচংবা শেনফমদা সোৱা–রিগপা ইন্সতিত্যুৎ লিংখৎকদবনি।
সোৱা–রিগপা অসি ভারতকী হিমালয় চিংশাংগী থাইনদগী চৎনরক্লবা মেদিকেল সিস্তেম অমনি। সিস্তেম অসি সিক্কিম, অরুনাচল প্রদেশ, দার্জিলিঙ্গ (নোংচুপ বঙ্গাল), হিমাচল প্রদেশ, য়ুনিয়ন তেরিতোরী লদাখ অমসুং হৌজিক্তি ভারত অপুনবদা মীয়াম্না পাম্নরক্লি।
নেস্নেল ইন্সতিত্যুৎ ওফ সোৱা–রিগপা লিংখৎপা অসিনা ইন্দিয়ন সব–কন্তিনেন্ততা সোৱা–রিগপাবু অমুক হন্না হিংগৎহনবদা মতেং ওইনরগনি। ইন্সতিত্যুৎ অসিনা শুপ্নগী ভারত্তা নত্তনা অতোপ্পা লৈবাকশিংগী সোৱা–রিগপা তম্লিবা মহৈরোইশিংদা খুদোংচাবশিং ফংহল্লগনি।
ইন্সতিত্যুৎ অসি আয়ুশ মন্ত্রালয়গী মখাদা ওতোনোমস নেস্নেল ইন্সতিত্যুৎ অমা ওইনা লৈগনি, মসিনা সোৱা–রিগপাগা মরী লৈনবা তোঙান তোঙানবা হিরমশিংদা মহৈ–মশিং অমসুং রিসর্সকী লমদা থবক তৌগনি। মসিগীদমক্তা মসি মকোক থোংবা নেস্নেল অমসুং ইন্তর্নেস্নেল ইন্সতিত্যুৎতগী কোল্লবোরেসন তৌনবগী হক লৈগনি অমসুং মেদিসিনগী তোঙান তোঙানবা সিস্তেমশিং পুনশিন্নবগী মাইকৈরোমদা থবক তৌগনি।
ইন্সতিত্যুৎ অসি লিংখৎপনা কলচরেল মিনিস্ত্রীগী এদমিনিস্ত্রেতিব কন্ত্রোলগী মখাদা হৌজিক্কী সেন্ত্রেল য়ুনিভর্সিতী ওফ তিবেতিয়ন স্তদিজ, সারনাথ, বারানসী অমসুং সেন্ত্রেল ইন্সতিত্যুৎ ওফ বুদ্ধিস্ত স্তদিজ, লেহ, য়ুনিয়ন তেরিতোরী লদাখকুম্বা সোৱা–রিগপা ইন্সতিত্যুৎশিংগা শরুক য়ামিন্নগনি।
মসি লিংখৎপনা সোৱা–রিগপাগী পোৎথোকশিংগা মরী লৈনবা হেন্না ফবা মহৈ–মশিং, সাইন্তিফিক ভেলিদেসন, ক্বালিতী কন্ত্রোল অমসুং স্তেন্দর্লাইজেসন অমসুং শোইদ–ঙামদবা মমল লেপ্পগী খুদোংচাবা ফংহনগনি। মসিদা নত্তনা সোৱা–রিগপাদা য়ুম্ফম ওইবা অহুমশুবা থাক্কী হকশেলগী খুদোংচাবগী স্তেন্দর্লাইজেসন অমসুং অন্দরগ্রেজুএৎ, পোস্তগ্রেজুএৎ অমসুং পোস্তদোক্তরেলগী থাক্তা কান্নবা ফংহল্লগনি।
নেস্নেল ইন্সতিত্যুৎ ওফ সোৱা–রিগপা অসিনা খ্বাইদগী ফবা সোৱা–রিগপা লায়েংগী মশক তাক্কনি, মসিদা স্তেন্দর্দ ওইবা থৌওংশিং য়াওরি। থৌওং অসি থাইনদগী চৎনরক্লবা সোৱা–রিগপাগী ৱাখল্লোনশিংগী মনুংদা চৎথগনি অমসুং মীচম মীয়াম্বু হকশেলগী খুদোংচাবা ফংহন্নবগীদমক্তা নোংচুপলোমগী লায়েং পথাপকা পুনশিন্নগনি।
পান্দমঃ
নেস্নেল ইন্লতিত্যুৎ ওফ সোৱা–রিগপা লিংখৎপগী পান্দম অসি মসিবু সোৱা–রিগপা অসিগী অথোইবা ইন্সতিত্যুৎ অমা ওইনা শেমগৎপনি অমসুং সোৱা–রিগপাগী থাইনদগী চৎনরক্লবা মহৈ অসিবু অনৌবা সাইন্স, খুৎশু–খুৎলাইশিংগা লোইননা পুনশিনবনি। মসিদগী সোৱা–রিগপাগা মরী লৈনবা তোঙান তোঙানবা হিরমশিংগী মহৈ–মশিং অমসুং রিসর্সতা পুক্নীং থৌগৎপদা মতেং ওইনগনি।
