ভারতকী প্রধানমন্ত্রী

প্রধান মন্ত্রী শ্রী নরেন্দ্র মোদীনা লুচিংবা কেন্দ্রগী মন্ত্রীমন্দলনা ভারত অমসুং মালেসিয়াগী মরক্তা লৈবাক অনিমক্তা কম্পেনী সেক্রেতরী প্রেক্তিস তৌবগী স্তেতস অমসুং প্রেসতিজ হেঙ্গৎনবা ম্যুচেল কোওপরেসনগীদমক অমসুং এসিয়া-পেসিফিক রিজন্দা ঙমখৈ লান্না কম্পেনী সেক্রেতরীশিং চত্থোক চৎশিন তৌবদা লায়থোকহন্নবা য়ানা ৱারোল অমা খুৎয়েক পীনবদা অয়াবা পীখ্রে।

পোইন্ত নাইনা শন্দোকপা ৱারোল

“ইন্সতিত্যুৎ ওফ কম্পেনী সেক্রেতরীজ ওফ ইন্দিয়া (আই.সি.এস.আই)” অমসুং “মালেসিয়ন এসোসিয়েসন ওফ কম্পেনী সেক্রেতরীজ (এম.এ.সি.এস.)” গী মরক্তা য়ানা ৱারোলদা মন্ত্রীমন্দলনা অয়াবা পীবা অসিনা জুরিদিক্সন অনিমক্তা তেংবাং চেৎশিলহন্নবা অমসুং কম্পেনী সেক্রেতরী প্রেক্তিস তৌবগী স্তেতস অমসুং প্রেসতিজ হেঙ্গৎপা অমসুং এসিয়া-পেসিফিক রিজন্দা ঙমখৈ লান্না কম্পেনী সেক্রেতরীশিং চত্থোক চৎশিন তৌবদা লায়থোকহল্লগনি।

য়ুমফম:

ইন্সতিত্যুৎ ওফ কম্পেনী সেক্রেতরীজ ওফ ইন্দিয়া (আই.সি.এস.আই) অসি ভারত্তা কম্পেনী সেক্রেতরীশিংগী প্রোফেসন দিবেলপ অমসুং রেগুলেৎ তৌনবা দি কম্পেনী সেক্রেতরীজ এক্ত, ১৯৮০ (এক্ত নম্বর ৫৬ ওফ ১৯৮০) ভারতকী পার্লিয়ামেন্তকী এক্ত অমনা লিংখৎখিবা স্তেত্যুতোরী বোদী অমনি। মালেসিয়ন এসোসিয়েসন ওফ কম্পেনী সেক্রেতরীজ (এম.এ.সি.এস.) অসি কম্পেনী সেক্রেতরীশিংগী মালেসিয়াগী ওইবা প্রোফেস্নেল বোদী অমনি। মখোয়গী মরুওইবা পান্দমদি মালেসিয়াদা প্রেক্তিস তৌরিবা কম্পেনী সেক্রেতরীশিংগী প্রোফেস্নেল কোম্পিতেন্স অমসুং স্তেতস ফগৎহনবা অমসুং খুমাং চাউশিনবনি।

***