ভারতকী প্রধানমন্ত্রী
প্রধান মন্ত্রী শ্রী নরেন্দ্র মোদীনা লুচীংবা কেন্দ্রগী মন্ত্রীমন্দলনা ভারত অমসুং তর্কীগী মরক্তা তর্কীদগী পোপ্পী মরুশিং ইমপোর্ত তৌনবগীদমক খোংলৈ থুবা অমদি ত্রান্সপরেন্ত ওইবা প্রোসেসিংদা অশোই অঙাম থোকহন্দনবা পান্দমদা পোপ্পী মরুশিং ললোনবগী য়ানা ৱারোলদা খুৎয়েক পীনবদা অয়াবা পীখ্রে।
মচা নাইবা ৱাফম:
য়ানা ৱারোল অসিনা পীরিবশিং অদুদি-
১. তর্কীদগী ভারত্তা পোপ্পী মরুশিং এক্সপোর্ত তৌবগী রেগুলেসন ঙমহন্নবা তুর্কিস গ্রেইন বোর্দ (তি এম ও)না ওনলাইন সিস্তেম অমা মেনতেন তৌগনি। এক্সপোর্তিং কম্পেনীশিংনা এসিয়ান এক্সপোতর্স এসোসিয়েসন (ই আই বি)গী খুত্থাংদা ওনলাইন সিস্তেমগী মেম্বরশিপ ফংনবগীদমক তি এম ওদা এপ্লিকেসন সমিৎ তৌগনি।
২. চহি খুদিংগী, তর্কীদগী ভারতনা ইমপোর্ত তৌগদৌরিবা পোপ্পী মরুশিংগী চাং অদু তর্কী সরকারগা খন্নরগা ভারত সরকারনা লেপকনি।
৩. এক্সপোর্ত তৌরিবা কম্পেনীশিংনা তি এম ওদগী রেজিস্তর ফংগনি। ভারতকী ইম্পোর্তরশিংগা লোয়ননা এক্সপোর্ত তৌরিবা কম্পেনীগী মনুং চল্লিবা সেল্স কন্ত্রেক্ত খুদিংমক রিফর তৌরিবা ওনলাইন সিস্তেমগী খুত্থাংদা তি এম ওগা লোয়ননা রিজিস্তার তৌগনি।
৪. ক্রোপ ইয়ার অমদা ভারতকী ইম্পোর্তর অমনা ইমপোর্ত তৌগদৌরিবা চাং অমা চহি খুদিংগী পার্তী অনিমক্না খনবা য়াগনি।
৫. তি এম ওনা রেজিস্তার তৌরবা সেল্স কন্ত্রেক্ত অদু সেন্ত্রেল ব্যুরো ওফ নার্কোতিক্স (সি এন বি)না রেজিস্তার তৌগনি। সি এন বিনা রেজিস্তার তৌখ্রবা সেল্স কন্ত্রেক্তকী অকুপ্পা মরোল অদু ওনলাইন সিস্তেমদা অপলোদ তৌগনি। সি এন বিনা রেজিস্তার তৌরবা অদুগুম্লবা কন্ত্রেক্তশিং অদু খক্তদা তি এম ওনা এক্সপোর্ত তৌবগী অয়াবা পীগনি।
৬. তি এম ওনা এক্সপোর্তরশিংদা পোপ্পী মরুগীদমক লিগেল প্রদক্সন সর্তিফিকেৎ অমা পীগনি।
