ভারতকী প্রধানমন্ত্রী
প্রধান মন্ত্রী শ্রী নরেন্দ্র মোদীনা লুচিংবা কেন্দ্রগী মন্ত্রীমন্দলনা ভারত অমসুং ইক্বেতোরিয়েল গুইনিয়াগী মরক্তা ত্রেদিস্নেল সিস্তেম ওফ মেদিসিনগী লমদা তেংবাং পীননবা য়ানা ৱারোলদা অয়াবা পীখ্রে। য়ানা ৱারোল অসি ২০১৮গী এপ্রিল ৮দা খুৎয়েক পীনখিবনি।
য়ানা ৱারোল অসিনা লৈবাক অনিগী মরক্তা ত্রেদিস্নেল সিস্তেম ওফ মেদিসিনগী লমদা তেংবাং পীনবা হেঙ্গৎহল্লগনি।
রিসর্স, ত্রেনিং কোর্সশিং, কনফরেন্সশিং/মীতিংশিং অমদি এক্সপার্তশিংগী দিপুতেসন তৌবগী মথৌ তাবা শেলগী তেংবাংশিং আয়ুশ মন্ত্রালয়গী বজেৎ অমসুং প্লান স্কিমশিংদগী ফংলগনি।
য়ুমফম:
ভারত্তা ত্রেদিস্নেল সিস্তেম ওফ মেদিসিন অসি আয়ুশ মন্ত্রালয়না অয়ুর্বেদ, যোগ অমসুং নেচরোপেথী, য়ুনানী, সিদ্ধ, সোৱা-রিগপা অমসুং হোমিওপেথী য়াওনা নিংথিজনা ওর্গনাইজ তৌরে। আয়ুশ মন্ত্রালয়না ত্রেদিস্নেল সিস্তেম ওফ মেদিসিন্দা মালেসিয়া, ত্রিনিদেদ & তোবাগো, হঙ্গেরী, বঙ্গলাদেশ, নেপাল, মোরিসস, মোঙ্গোলী, ইরান অমসুং সাও তোমগা লোয়ননা ত্রেদিস্নেল মেদিসিনদা তেংবাং পীননবগীদমক য়ানা চেরোলশিং চত্থরে।
