ভারতকী প্রধানমন্ত্রী

প্রধান মন্ত্রী শ্রী নরেন্দ্র মোদীনা লুচিংবা কেন্দ্রগী মন্ত্রীমন্দলনা ভারত সরকার অমসুং গুইনিয়া সরকারগী মরক্তা ত্রেদিস্নেল সিস্তেম্স ওফ মেদিসিন অমসুং হোমিওপেথীগী লমদা তেংবাং পীননবা য়ানা ৱারোলদা অয়াবা পীখ্রে। য়ানা ৱারোল অসি রাস্ত্রপতি রাম নাথ কোবিন্দগী নুমিৎ হুমনিগী গুইনিয়া খোংচৎ মনুংদা ২০১৯গী ওগস্ত ২দা খুৎয়েক পীনখিবনি।

চাউনা থেংনরিবা:

য়ানা ৱারোল অসিনা লৈবাক অনিগী মরক্তা ত্রেদিস্নেল সিস্তেম্স ওফ মেদিসিনগী লমশিংদা লৈবাক অনিগী ওইবা তেংবাং পীনবা হেঙ্গৎহল্লগনি। মসিনা মখোয়না সেয়র তৌরিবা কলচরেল হেরিতেজকী পাক চাউনা মরুওইবা অদু লৈবাক অনিমক্না খন্থমিন্নরগনি।

থবক পায়খৎপা অমসুং পান্দমশিং:

নাকল অনিমক্কী মরক্তা থবক থৌরমশিং খুৎয়েক পীনরবা য়ানা ৱারোলশিং ফংলবা মতুংদা হৌগনি। লৈবাক অনিগী মরক্তা পায়খৎলিবা অনৌবা খোংথাংশিং খুৎয়েক পীনখিবা য়ানা ৱারোলশিংগী মতুং ইন্না চত্থগনি অমদি য়ানা ৱারোল অসি মপুং ফানা থবক ওন্থোক্ত্রিবা ফাওবা মখা তানা চত্থগনি। 

চাদিং:

অহেনবা শেল-থুমগী তেংবাং লৈরোই। রিসর্স, ত্রেনিং কোর্সশিং, কনফরেন্সশিং/মীফমশিং অমসুং এক্সপার্তশিংগী দিপুতেসন চত্থবগী দরকার ওইবা শেল-থুমগী ওইবা রিসোর্সশিং অদু অয়ুশ মন্ত্রালয়গী হৌজিক কাইথোক্লিবা বজেৎ অমসুং হৌজিক লৈরিবা প্লান স্কিমশিংদগী ফংগনি। 

য়ুম্ফম

ভারত অসি হিদাক লাংথক্কী পাম্বীশিং য়াওনা ত্রেদিস্নেল মেদিসিনগী নীংথিজনা দিবেলপ তৌরবা সিস্তেমশিংনা থৌজানবীরি, মদুনা মালেমগী হকশেলগী লমদা অকিবগী মশক ওইরবা পোতেন্সিয়েল লৈরি।

ভারতকী অয়ুশ মন্ত্রালয়না অয়ুশ সিস্তেমশিংবু (অয়ুরবেদ, য়োগ অমসুং নেচরপেথী, য়ুনানী, সিদ্ধ, সোৱা-রিগপা অমসুং হোমিওপোথী য়াওনা) মালেমদা মশক তাক্নবা, শন্দোক্নবা অধিকার লৈরি। অয়ুশ সিস্তেম ওফ মেদিসিনবু মালেমদা মশক তাকপা অমসুং শন্দোকপগী শরুক অমা ওইনা অয়ুশ মন্ত্রালয়না তোঙান তোঙানবা লৈবাকশিংগা লোয়ননা ত্রেদিস্নেল মেদিসিনগী লমদা তেংবাং পীননবা য়ানা ৱারোলশিং খুৎয়েক পীনরি অমদি তোঙান তোঙানবা মপাল লৈবাকশিংদা লৈরিবা শকখঙলবা য়ুনিবর্সিতীশিংদা অয়ুশ তম্বগী খুদোংচাবসু ফংহল্লি।