ভারতকী প্রধানমন্ত্রী

লৈবাক অসিগীদমক মরুওইবা হেল্থ অমসুং ৱেলনেসকী অনৌবা খোংথাং অমদা প্রধান মন্ত্রী শ্রী নরেন্দ্র মোদীনা লুচিংবা কেন্দ্রগী মন্ত্রীমন্দলনা প্রোহিবিসন ওফ ইলেক্ত্রোনিক সিগরেতস (প্রদক্সন, মেনুফেকচর, ইম্পোর্ত, এক্সপোর্ত, ত্রান্সপোর্ত, সেল, দিস্ত্রিব্যুসন, স্তোরেজ অমসুং এদভর্তিজমেন্ত) ওর্দিনান্স ২০১৯ লাউথোকপদা অয়াবা পীখ্রে।

ইলেক্ত্রোনিক–সিগরেতস অসি বেতরিনা চলাইবা দিভাইসশিংনি মদুনা নেকোতিন য়াওবা মহী অমা মৈশা পীদুনা এরোসল পুথোকই। এরোসল অসি চুম্নগী সিগরেত্তা য়াওবা এদিক্ত ওইবা পোৎশক অমনি। মসিদা মখল খুদিংমক্কী ইলেক্ত্রোনিক নিকোতিন দেলিভরি সিস্তেমশিং, মৈশাদি পীবা মৈদি চাক্তবা পোত্থোকশিং, ই–হুকা অমসুং মান্নবা দিভাইসশিং য়াওরি।

ইমপ্লিমেন্ত তৌবা:

ওর্দিনান্স অসি লাউথোকখিবদগী ই–সিগরেত্তা মখল অমত্তগী প্রদক্সন, মেনুফেকচর, ইম্পোর্ত, এক্সপোর্ত, ত্রান্সপোর্ত, সেল (ওনলাইন সেল য়াওনা), দিস্ত্রিব্যুসন নত্রগা এদভর্তিজমেন্ত অসি মরাল অমা ওইনা লৌগনি। অহানবা ওইনা অথিংবা অসিগী মায়োক্তা থবক তৌরবদি চহী অমা ফাওবা জেলদা থম্বা নত্রগা লুপা লাখ ১ ফাইন থিবা নত্রগা অনিক তৌহনগনি। অথিংবা অসিগী মায়োক্তা হঞ্জিন হঞ্জিন তৌরক্লবদি চহী অহুম ফাওবা জেলদা থম্বা নত্রগা লুপা লাখ ৫ ফাইন থিহনগনি। ইলেক্ত্রোনিক্স সিগরেতশিং লীদুনা থম্বনা থা ৬ ফাওবা জেলদা থম্বা নত্রগা লুপা লাখ ৫০,০০০ ফাইন থিবা নত্রগা চৈরাক অনিমক ফংগনি।

ওর্দিনান্স অসি চৎনবা নুমীৎতা, ই–সিগরেতগী হৌজিক লৈরিবা স্তোকশিংগী মপুশিংনা মখোয়গী স্তোকশিং লাউথোক্তুনা মনাক নকপা পোলিস স্তেসন্দা দিপোজিৎ তৌগদবনি। ওর্দিনান্স অসিগী মখাদা এক্সন লৌখৎনবা পুলিসকী সব–ইন্সপেক্তরবু ওথোরাইজ ওফিসার ওইনা হাপখ্রে। ওর্দিনান্স অসিগী প্রোভিজনশিং থবক ওইনা ওন্থোক্নবগীদমক কেন্দ্র অমসুং সাজ্য সরকারশিংনা অতোপ্পা মান্নবা ওফিসারশিংবু ওথোরাইজ ওফিসার ওইনা হাপ্পা য়াই।

চাউনা থেংনরিবা:

ই–সিগরেতশিং থিংনবা ৱারেপ অসিনা মীওই কয়া অমা অখন্ননা নহাশিং অমসুং অঙাংশিংবু ই–সিগরেত এদিক চুবদগী ঙাকথোকপদা মতেং ওইরগনি। ওর্দিনান্স অসি চৎনহনবনা হিদাক মনা থিংনবগীদমক সরকারনা হোৎনরিবশিংদা পুক্নিং থৌগৎলগনি অমদি হিদাক মনা শিজিন্নবা হন্থবা অমসুং শেল–থুম অমসুং লৈনা লায়োংগী পোৎলুম হন্থহনবদা মতেং ওইরগনি।

য়ুমফম:

ই–সিগরেতশিং থিংবদা ৱারেপ লৌনবগীদমক সরকারনা ২০১৮দা রাজ্য পুম্নমক্তা এদভাইজরি অমা ইসু তৌখিবা অদুগী তুংদা হৌজিক লৌরিবা ৱারেপ অসি লৌখিবনি। রাজ্য ১৬ অমসুং য়ুনিয়ন তেরিতোরি ১না মখোয়গী জুরিদিক্সন্দ হান্ননা ই–সিগরেতশিং অথিংবা থমখ্রে।