ভারতকী প্রধানমন্ত্রী

প্রধান মন্ত্রী শ্রী নরেন্দ্র মোদীনা লুচিংবা কেন্দ্রগী মন্ত্রীমন্দলনা ফাইনান্সিয়েল ইনক্লুজন অমসুং সোসিয়েল সেক্যুরিতীদা সরকারগী ৱাশক অদুগী শরুক ওইনা প্রধান মন্ত্রী ভায়া বন্ধন য়োজনা (পি এম ভি ভি ৱাই)গী মখাদা সেনিয়র সিতিজনশিংগীদমক ইনবেস্তমেন্ত লিমিৎ লুপা লাখ ৭.৫দগী লুপা লাখ ১৫দা হেঙ্গৎপদা অয়াবা পীখ্রে। মসিনা সেনিয়র সিতিজনশিংবু থা খুদিংগী লুপা ১০০০০ ফাওবা পেন্সন ফংবা ঙমহল্লগনি।

২০১৮গী মার্চ ফাওবদা পি এম ভি ভি ৱাইগী মখাদা অপুনবা সেনিয়র সিতিজন লাখ ২.২৩দা কান্নবা ফংহনখ্রে। বরিস্থ পেন্সন বিমা য়োজনা–২০১৪ হায়বা মমাংগী স্কিম অদুদা অপুনবা সেনিয়র সিতিজন লাখ ৩.১১না কান্নবা ফংলি।

য়ুমফম:

পি এম ভি ভি ৱাই অসি লাইফ ইন্সুরেন্স কোর্পোরেসন ওফ ইন্দিয়া (এল আই সি)গী থোংদা ইমপ্লিমেন্ত তৌরে, মদুনা অহল ওইরকপা মতমদা সোসিয়েল সেক্যুরিতী ফংহল্লগনি অমদি চহি ৬০ অমসুং মথক্কী অহল ওইরবা মীওইশিংবু চিংননীংঙাই ওইবা মার্কেৎ কন্দিসনশিংনা মরম ওইদুনা তুংদা মখোয়গী ইন্তরেস্ত ইনকম তাথরকপদগী ঙাকথোকপা ঙম্লগনি। স্কিম অসিনা চহি ১০ ফাওবা চহিগী ওইনা চাদা ৮গী গরেন্তেদ রিতর্ন রেত্তা য়ুমফম ওইবা শোয়দবা পেন্সন অমা ফংহল্লগনি।