ভারতকী প্রধানমন্ত্রী

প্রধান মন্ত্রী শ্রী নরেন্দ্র মোদীনা লুচীংবা কেন্দ্রগী মন্ত্রী মন্দলনা পোলর সেতলাইৎ লোঞ্চ ভেহিকল (পি.এস.এল.ভি.)মখা চৎথনবগী থৌরম (ফেজ ৬) অমসুং থৌরম অসিগী মখাদা পি.এস.এল.ভি. ওপরেস্নেল ফ্লাইৎ কুনথ্রাদা শেলগী তেংবাং পীনবা অয়াবা পীখ্রে।

থৌরম অসিনা আর্থ ওবজর্বেসন, নেভিগেসন অমসুং শুন্দ্রংগী সাইন্সকীদমক্তা সেতলাইৎ থাগৎপগী মথৌ তাবশিং অদু মপুং ফাহল্লগনি। মসিনা ভারতকী ইন্দস্ত্রীদা পোৎথোক মখা তানা পুথোকহনবা ঙম্লগনি।

অপুনবা লুপা কোতি ৬,১৩১গী শেনফম মথৌ তাই অমসুং মসিদা পি.এস.এল.ভি. ভেহিকল কুনথ্রা, মথৌ থাবা খুদোংচাবশিং হেনগৎহন্নবা, থৌরম শিল্লাংবা অমসুং লোঞ্চ কেম্পেনগী শেনফম য়াওরি।

মরু ওইবা শাফুঃ

পি.এস.এল.ভি. ওপরেস্নেলাইজেসন তৌবনা আর্থ ওবজর্বেসন, দিজাস্তর মেনেজমেন্ত, নেভিগেসন অমসুং শুন্দ্রংগী সাইন্সকীদমক্তা সেতলাইৎ লোঞ্চ তৌবদা মরোমদোম লেপচবা ঙম্লগনি। পি.এস.এল.ভি. মখা চৎথনবগী থৌরম অসিদগী লৈবাক অসিগী মথৌ তাবশিংগীদমক অহেনবা সেতলাইৎ থাগৎপদা মপাঙ্গল অমসুং মরোমদোম লেপচবগী থৌনা হেনগৎহল্লগনি।

পি.এস.এল.ভি. মখা চৎথনবগী থৌরমগী ফেজ ৬ অসিনা ভারতকী ইন্দস্ত্রীশিংনা হেন্না শরুক য়াবা হেল্লক্তুনা চহি খুদিংগী লোঞ্চ নিপাল থাগৎতুনা সেতলাইৎ লোঞ্চকী মথৌ তাবা অদু মপুং ফাহল্লগনি। ২০১৯-২০২৪গী মনুংদা ওপরেস্নেল ফ্লাইৎ পুম্নমক মপুং ফারগনি।

থৌরম অসিদগী আর্থ ওবজর্বেসন, নেভিগেসন অমসুং শুন্দ্রংগী সাইন্সকীদমক্তা সেতলাইৎ লোঞ্চ তৌবগী মথৌ তাবশিং অদু মপুং ফারগনি। মসিদগী ভারতকী ইন্দস্ত্রীদা পোৎথোক পুথোকপসু মখা চৎথরগনি।

পি.এস.এল.ভি. মখা চৎথনবগী থৌরম অসি ২০০৮দা হৌখি অমসুং মসিগী ফেজ মরি মপুং ফাখ্রে লোইননা ২০১৯-২০গী অহানবা থা তরুক ফাওবদা মঙাসুবা ফেজ মপুং ফাবগী থাজবা থম্লি। ফেজ-৬তা অয়াবা পীখিবা অসিনা ২০১৯-২০তগী ২০২৩-২৪ ফাওবগী অহানবা থা অহুমগী মনুংদা সেতলাইৎ লোঞ্চ তৌবগী মিশন্দা মতেং ওইরগনি।

য়ুম্ফমঃ

পি.এস.এল.ভি. অসি সন-সিংক্রোনস পোলর ওর্বিৎ (এস.এস.পি.ও.), জিও-সিংক্রোনস ত্রান্সফর ওর্বিৎ(জি.তি.ও.) অমসুং লো আর্থ ওর্বিৎ (এল.ই.ও.) ভেহিকল লোঞ্চ তৌবদা মখল য়াম্বা ভেহিকল অমা ওইরি। হন্দক্তা এপ্রিল ১২, ২০১৮দা পি.এস.এল.ভি.-সি ৪১ মাই পাক্না লোঞ্চ তৌখিবগা লোইননা পি.এস.এল.ভি. অসিনা চাউখৎ-থৌরাং অহুম অমসুং ওপরেস্নেল ফ্লাইৎ নিফুহুমদোই পাংথোকখি লোইননা মমাংগী ফ্লাইৎ নিফুমাথোই মাই পাকখি। পি.এস.এল.ভি.না মশাগী পুবা ঙম্বগী মপাঙ্গলদগী মশাবু লৈবাক অসিগী সেতলাইৎকীদমক্তা ৱর্কহোর্স ভেহিকল ওইনা শেমগৎচরে, মসিদগী কমর্সিয়েল লোঞ্চকী খুদোংচাবশিংদা খোংজেল য়াংনা থবক তৌবা ঙমলগনি।