ভারতকী প্রধানমন্ত্রী
প্রধা্ন মন্ত্রী শ্রী নরেন্দ্র মোদীনা লুচীংবা কেন্দ্রগী মন্ত্রীমন্দলনা ঙসি রাবী তুরেলগী মথক্তা শাবা শাহপুরকন্দী দাম, পঞ্জাব অসি থবক হৌননবা অয়াবা পীখ্রে। মসিগীদমক্তা ২০১৮-১৯দগী ২০২২-২৩গী চহি মঙাগী মতমগী মনুংদা লুপা কোতি ৪৮৫.৩৮ (ইথৈগী মচাক্কীদমক)গী কেন্দ্রগী শেন্থং ফংহনগনি।
প্রজোক্ত অসি থবক্তা ওন্থোকপদগীদি রাবী তুরেলগী ঈশিংগী চাং হন্থহনবদা মতেং ওইনরগনি। মসি হৌজিক্কী ওইনা মাধোপুর হেদৱক্স ফাওদুনা পাকিস্তানলোমদা চেনথরি।
অকুপ্পা ৱারোলশিং:
শাফু :
চাদিং:
শাহপুরকন্দী দাম প্রোজেক্তকী ৱার্ক্স কম্পোনেন্তকী বেলেন্স কোস্ত অসি লুপা ক্রোর ১৯৭৩.৫৩ (ইথৈ-লৌখোংগী কম্পোনেন্তঃ ক্রোর ৫৬.৬৩, পাৱর কম্পোনেন্তঃ ক্রোর ১৪০৮.৯০)নি। মসিদা লুপা ক্রোর ৪৫৮.৩৮ কেন্দ্রগী শেন্থং ওইনা ফংহনগনি।
কান্নবাঃ
পঞ্জাবকী লম হেক্তর ৫০০০ অমসুং জম্মু-কশ্মীরগী লম হেক্তর ৩২,১৭২দা ইথৈ-লৌখোংগী খুদোংচাবা ফংলগনি। প্রোজেক্ত অসিগা থবক পাইখৎপদগী অনস্কিল ওইবা শিন্মীশিংগীদমক্তা থবক শুবগী নুমিৎ লাখ ৬.২, সেমি-স্কিল্দ অমসুং স্কিল্দ লৈরবা শিন্মীশিংগীদমক্তা থবক শুবগী নুমিৎ লাখ ১.৬৭ ফংলগনি।
য়ুম্ফমঃ
সিন্ধু তুরেলগী ঈশিং য়েন্ননবগীদমক ভারত অমসুং পাকিস্তান্না ইন্দস ৱাতর ত্রীতীদা খুৎয়েক পীনখি। ত্রীতী অসিগী মখাদা ভারতনা নোংপোক থংবা তুরেল অহুম – রাবী, বীয়াস অমসুং সতলজগী ঈশিং শিজিন্নবগী মপুং ফাবা হক ফংখি।
রাবী তুরেলগী ঈশিং খরা হৌজিক মাধোপুর হেদৱক্স ফাওদুনা পাকিস্তান্দা চেন্থরি। প্রোজেক্ত অসিগী থবক হৌবদগীদি ঈশিং মাংবা অসি কনবদা মতেং ওইরগনি।
পঞ্জাব অমসুং জম্মু-কশ্মীরগী মরক্তা ১৯৭৯দা নাকল অনিগী ওইবা য়ানা চেরোল অমদা খুৎয়েক পীনখি। য়ানচেরোল অদুগী মতুং ইন্না পঞ্জাব সরকারনা রঞ্জীৎ সাগর দাম (থীন দাম) অমসুং শাহপুরকন্দী দাম শাগদবনি। রঞ্জীৎ সাগর দাম শাবগী থবক ওগস্ত ২০০০দা লোইখ্রে। শাহপুরকন্দী দাম প্রজেক্ত অসি রাবী তুরেলদা রঞ্জীৎ সাগর দামদগী ১১ দি./এস. অমসুং মধোপুর হেদৱর্ক্সতগী ৮ কে.এম. য়ু./এস. লাপ্না লৈ।
প্রোজেক্ত অসি প্লানিং কমিশন্না নবেম্বর ২০০১দা অহানবগী ওইনা অয়াবা পীখি অমসুং মসিমন্ত্রালয় অসিগী এসিলেরেতেদ ইর্রিগেসন বেনিফিৎস স্কিম (এ.আই.বি.পি.)গী মখাদা ইর্রিগেসনগী কম্পোনেন্তশিং ফংহন্নবা হাপখি।
এম.ও.দবল্যু.আর., আর.দি. অমসুং জি.আর.গী এদভাইজরী কমিতীনা ওগস্ত ২৪, ২০০৯দা শাহপুরকন্দী দাম নেস্নেল প্রোজেক্তকীদমক্তা লুপা ক্রোর ২২৮৫.৮১গী হোংদোক্লবা কোস্ত অমা লেপথোকখি। প্রোজেক্ত অসিগীদমক্তা লুপা ক্রোর ২৬.০৪গী কেন্দ্রগী তেংবাং ২০০৯-১০দগী ২০১০-১১ ফাওভগী মনুংদা থাদোকখি। অদুম ওইনমক থবক্তা খোংজেল য়াংশিনবা ঙমখিদে। মসিগী মরমদি – পঞ্জাব সরকারনা পাৱর কম্পোনেন্তকী ফন্দ ফংহন্দবা অমসুং জম্মু-কশ্মীরগা লোইননা ৱাফম কয়ামরুমদা ৱাখল্লোন খেন্নবনচিংবনি।
মসিগী মতাংদা নাকল অনিগী থাক্তা মীফম কয়া পাংথোকখি লোইননা ভারত সরকারগী থাক্তসু মীফম কয়া পাংথোকখি। মমৈ থংদা এম.ও.দবল্যু.আর., আর.দি. অমসুং জি.আর.গী পাউতাক মখাদা পঞ্জাব অমসুং জম্মু-কশ্মীরনা সেপ্তেম্বর ৮, ২০১৮দা নই দিল্লীদা পাংথোকখিবা য়ানা ৱারোল অমদা অয়াবা ফোংদোকখি।
