ভারতকী প্রধানমন্ত্রী

প্রধান মন্ত্রী শ্রী নরেন্দ্র মোদীনা লুচীংবা কেন্দ্রগী মন্ত্রীমন্দলনা দিল্লী কেন্তকী কন্ধার লাইন্সকী কেন্দ্রীয় বিদ্যালয় নং. – ৪ শেমগৎ-শাগৎনবগীদমক কেন্দ্রীয় বিদ্যালয় সঙ্গথন (কে.ভি.এস.)দা চহিগী লুপা ১গী অপীকপা ভারাদা লীজদা ঙাকশেলগী লম একর ৪ পীননবা অয়াবা পীখ্রে।

য়ুম্ফমঃ

হৌজিক হৌজিক দিল্লী কেন্তা কেন্দ্রীয় বিদ্যালয় নং.- ৪গী থবক-থৌরম অসি সর্ভে নং. ১৪, দিল্লী কেন্তকী বিল্দিংদা মতম খরগী ওইনা ১৯৯৪দগী মসি লিংখৎখিবগা লোইননা পাংথোক্তুনা লাক্লি। হৌজিক্কী ওইনা বিদ্যালয় অসিদা অঙাং ৯৫৬ তম্লি। কেন্দ্রীয় বিদ্যালয় সঙ্গথন্না মশাগী লেংদ্রবা বিদ্যালয় বিল্দিং শাদুনা বিদ্যালয়গী শিন্মীংগী মচা-মশুশিং, এক্স সর্বিস মেনশিং, থবক্তগী পোৎথারবা লান্মীশিংগী ইমুং-মনুংশিং অমসুং দিল্লী কেন্তকী অকোইবদা লৈবা মীচম মীয়ামগী অঙাংশিংগীদমক্তা মতিক চাবা মহৈ-মশিংগী ফিভম অমসুং তঙাই ফদবা খুদোংচাবশিং ফংহনবদা মতেং ওইরগনি।