ভারতকী প্রধানমন্ত্রী

প্রধান মন্ত্রী শ্রী নরেন্দ্র মোদীনা লুচিংবা কেন্দ্রগী মন্ত্রীমন্দলনা সংসদকী চৎথরিবা নিংথম মীফম অসিগী মনুংদা ঙসি দিল্লীগী নেস্নেল কেপিতেল তেরিতোরী (রিকোগনিসন ওফ প্রোপর্তী রাইৎস ওফ রেসিদেন্ত ইন ওথোরাইজ কোলোনিজ) বিল ২০১৯গী অয়াবা পীখ্রে। বিল অসিদগী দিল্লীগী মপু পান্দবা কোলোনীশিংদা লৈবা মীয়াম্না মখোয়গী মরল-মথুম রেজিস্ত্রেসন তৌবদা মতেং ওইরগনি। মখোয়গী মরল-মথুমশিংগী রেজিস্ত্রেসন চার্জ অমদি স্তাম্প দ্যুতীদসু কোমথোক্লগনি।

দিল্লীদা সরকারগী অমসুং লনাইগী লমদা লৈবা মপু পান্দবা কোলোনীশিংদা চাউরাক্না মীওই লাখ ৪০ রোম লৈ। কোলোনীশিং অসিগী লম নত্ত্রগা শাদুনা লৈরবা য়ুমগী মপু অনম্বনা পাৱর ওফ এতোর্নী, ৱিল, এগ্রিমেন্ত তু সেল লোইননা পেমেন্ত এন্দ পোজিসনগী দোক্যুমেন্তকী মতুং ইন্না ফংই। কোলোনীশিং অসিদা মরল-মথুমশিং অদু রেজিস্ত্রেসন ওথোরিতীগী থোংদা রেজিস্তর তৌদে মরম অদুনা মসিদা লৈরিবা মীওইশিংদা অদুগুম্বা মরল-মথুমশিং অদুগী মপু ওইবগী তাইতল দোক্যুমেন্ত অমত্তা লৈতে, মদুনা মরম ওইদুনা অসিগুম্বা মরল-মথুমশিং অসিগীদমক্তা বেঙ্কশিং অমসুং ফাইনান্সিয়েল ইন্সতিত্যুৎ অমত্তদগী শেলগী তেংবাং অমত্তা ফংহন্দে।

সুপ্রীম কোর্তনা এস.এল.পি. (সি) ১৩৯১৭তা ২০১৯গী সুরজ লেম্প এন্দ ইন্দস্ত্রিজ লিমিতেদ (পি) লিমিতেদ ভর্সেস হরিয়ানা সরকার অমসুং অতৈগী মতাংদা ওক্তোবর ১১, ২০১৬তা তাখিবা ৱারেপশিংদা হায়খি মদুদি সেল এগ্রিমেন্ত/জেনরেল পাৱর ওফ এতোর্নী নত্ত্রগা ৱিল ত্রাঞ্জেক্সনদা করিগুম্বা লন-থুম অমত্তবু কাংলোনগী মতুং ইন্না ‘পীথোক-পীশিন তৌবা’ নত্ত্রগা ‘য়োনবা’ ওইনা লৌবা য়ারোই অমসুং মখোয় অদু এগ্রিমেন্ত ওফ সেল্স ওইনা অদুম্মক লৌগনি।

সরকারনা অসিগুম্বা মপু পান্দবা কোলোনীশিংদা লৈরিবশিংগী খুন্নাইগী অমসুং শেনমিৎলোনগী ফিভমদা মিৎয়েং থম্লদুনা মখোয়বু, অদুগুম্বা লন-থুম অদু লৈবা-য়োনবগী প্রমান ওইবা পাৱর ওফ এতোর্নী, এগ্রিমেন্ত তু সেল, ৱিল, পোজেসন লেতর অমসুং অতৈ অসিগুম্বা দোক্যুমেন্তশিংগী মখাদা মপু ওইবগী হক পীনবগী ৱারেপ লৌরে। সরকারনা মসিগা লোইননা অসিগুম্বা কোলোনীশিংগী চাউখৎ-থৌরাং অমসুং লৈরিবা ইনফ্রাস্ত্রকচরশিং অমসুং খুদোংচাবশিং অদু ফগৎহন্নবগীদমক ৱারেপসু লৌরে।

পুখৎলক্লিবা দিল্লীগী নেস্নেল কেপিতেল তেরিতোরী (রিকোগনিসন ওফ প্রোপর্তী রাইৎস ওফ রেসিদেন্ত ইন ওথোরাইজ কোলোনিজ) বিল ২০১৯দা মখাগী থৌরাংশিং অসি য়াওরি:-

ক) দিল্লীগী মপু পান্দবা কোলোনীশিংদা লৈরিবা মীয়ামগীদমক্তা মখোয়গী মরল-মথুমশিংগী মপু ওইবগী হক্কী মতাংদা জেনরেল পাৱর ওফ এতোর্নী, ৱিল এগ্রিমেন্ত তু সেল অমসুং লৈবগা মরি লৈনবা দোক্যুমেন্তশিংদা অয়াবা পীননবা সুরজ লেম্পকী মতাংদা তাখিবা ৱারেপকী মতুং ইন্না অখন্নবা মওংদা মতম অমুক্কী ওইনা কোমথোকপা।

খ) কনভেয়েন্স দীদ নত্ত্রগা ওথোরাইজেসন স্লিপ্তা মরল-মথুমগী অরেপ্পা মমলগী মতুং ইন্না রেজিস্ত্রেসন ফী অমসুং স্তাম্প দ্যুতী লৌগনি।

দিল্লীগী নেস্নেল কেপিতেল তেরিতোরী (রিকোগনিসন ওফ প্রোপর্তী রাইৎস ওফ রেসিদেন্ত ইন ওথোরাইজ কোলোনিজ) বিল ২০১৯গী প্রোবিজনশিংগী মতুং ইন্না রেজিস্ত্রেসন লোইননা স্তাম্প দ্যুতীদা পীগদবা কোমথোকপা অসিনা দিল্লীগী মপু পান্দবা কোলোনী ১৭৩১দা লৈরিবা লাখ ৪০দগী হেনবা মীওইশিংনা কান্নবা ফংলগনি। মসি ২৯.১০.২০১৯দা নোতিস থোকখ্রবনি।
য়ুম্ফমঃ

হাউজিং অমসুং অর্বান এফিয়র্স মন্ত্রালয় (এম.ও.ঐচ.য়ু.এ.)না দিল্লীগী উপ-রাজ্যপালনা লুচীংবা কমিতীগী রিপোর্তকী মতুং ইন্না কেন্দ্রগী মন্ত্রীমন্দলগী মাংদা দিল্লীগী মপু পান্দবা কোলোনীশিংগী মীয়ামদা মপু ওইবগী হক পীবীনবা ৱাফম পুখৎখিবনি। কেন্দ্রগী মন্ত্রীমন্দলনা ২৩.১০.২০১৯দা পাংথোকখিবা মীফমদা ৱাফম অসিবু অয়াবা পীখি অমসুং মদুগী মতুংদা ২৯.১০.২০১৯দা নোতিস থোকখি।

দিল্লীগী মপু পান্দবা কোলোনীশিংদা মরল-মথুমশিংগী মপু ওইবগী হক রেজিস্ত্রেসন তৌদুনা নত্ত্রগা রেজিস্ত্রেসন তৌদনা পাৱর ওফ এতোর্নী, এগ্রিমেন্ত তু সেল, ৱিল, পোজেসন লোইননা পেমেন্ত লেতরগী মতুং ইন্না কয়ারক হন্না পীথোক-পীশিন তৌখ্রে। থৌওং অসিদা লৌগদবা স্তাম্প দ্যুতীদি অমুক্তসু লেপথোকপা নত্ত্রগা থিবা তৌখিদ্রি।

অনম্বনা কনভেয়েন্স দীদ নত্ত্রগা ওথোরাইজেসন স্লিপতা স্তাম্প দ্যুতী অসি, সর্কল রেতকী মতুং ইন্না লৌই।