ভারতকী প্রধানমন্ত্রী
প্রধান মন্ত্রী শ্রী নরেন্দ্র মোদীনা লুচীংবা কেন্দ্রগী মন্ত্রীমন্দলনা তেলিকম্যুনিকেশন বিভাগতগী হেমিশফ্যার প্রোপর্তীজ ইন্দিয়া লিমিতেদ (ঐচ.পি.আই.এল.), পি.এস.য়ু.গী এদমিনিস্ত্রেতিব কন্ত্রোল, হাউজিং অমসুং আর্বান এফিয়র্সদা মফম হোংদোকপদা অয়াবা পীখ্রে। অয়াবা অসি কম্পেনীদা লুপা কোতি ৭০০গী ইক্বিতীগী শেনফম পীরবা অমসুং ভারত সরকারগী লুপা কোতি ৫১গী সেক্যুর্দ লোন পীরবা মতুংদা পীখিবনি অমসুং অহেনবা লম অদু পুনশিনবা তোক্ননবগীদমক শিল্লাংবগী স্কিম পাইখৎলবা মতুংদা পীখিবনি।
অকুপ্পা ৱারোলঃ
(এ) লনাই প্লেসমেন্ত তৌবগী বেসিস্তা লুপা ১০গী শেনফমদা লুপা কোতি ৭০০ কম্যুলেতিব রেদীমেবল প্রিফরেন্স শেয়র এক্যুইসিসন তৌনবগীদমক হেমিশফ্যার প্রোপর্তীজ ইন্দিয়া লিমিতেদ কম্পেনীদা লুপা কোতি ৭০০গী ইক্বিতী থমখি অমসুং ভারত সরকারদগী সেক্যুর্দ লোনগী খুৎথাংদা লুপা কোতি ৫১ পীখি, মদুগী কোপন রেৎ/ইন্তরেস্ত রেৎ ইকোনোমিক এফিয়র্সকী বিভাগনা লেপকনি অমসুং স্কিম অদু হৌদোক্কনি।
(বি) রিয়েল ইস্তেৎকী ললোন-ইতিক তৌবদা ঐচ.পি.আই.এল.দা ফোরেন দাইরেক্ত ইনভেস্তমেন্তকা মরি লৈননা ভারত সরকারগী পোলিসীদা কোমথোকপা।
(সি) য়োনবা, অশাংবা মতমগী লীজ অমসুং লম য়োনবা য়াওনা য়ানখিবা ৱারোলগী পান্দমশিং অদু মপুং ফাহন্নবগীদমক মতিক চাবা ৱারেপ লৌবা ঙমহন্নবা ঐচ.পি.আই.এল.দা মপাঙ্গল হাপ্পা।
(দি) কম্যুনিকেশন মন্ত্রালয়গী মখাদা লৈবা তেলিকম্যুনিকেশন বিভাগতগী হাউজিং অমসুং আর্বান এফিয়র্স মন্ত্রালয়দা ইক্বিতী শেয়রশিং থাংদোকপা লোইননা ঐচ.পি.আই.এলগী মেনেজমেন্ত কন্ত্রোল হোংদোকপা।
(ই) কম্যুনিকেশন মন্ত্রালয়দগী হাউজিং অমসুং আর্বান এফিয়র্স মন্ত্রালয়দা ইক্বিতী শেয়রশিং থাংদোকপা, ইক্বিতী হাপচিনবা অমসুং এরেঞ্জমেন্তকী স্কীম হৌদোক্নবগীদমক তেলিকম্যুনিকেশন বিভাগতা ওথোরাইজেসন তৌবা।
কান্নবাঃ
মসিনা অহেনবা লম অদু তাতা কম্যুনিকেশন লিমিতেদতগী তোঙান্না খাইদোক্তুনা হেমিশফ্যার প্রোপর্তীজ ইন্দিয়া লিমিতেদ (ঐচ.পি.আই.এল.)কী ওইরগনি লোইননা ঐচ.পি.আই.এল.গী থবক-থৌরম হেন্না ফবা মওংদা চৎথরগনি।
থবক পাইখৎপগী লালোং অমসুং পান্দমঃ
মন্ত্রীমন্দলনা ৱাফম অসিগীদমক অয়াবা পীরবা মতুংদগী অহেনবা লম অদু তি.সি.এল.দগী ঐচ.পি.আই.এল.দা স্তাম্প দ্যুতীগী পেমেন্তা থাংদোকখ্রগনি। তি.সি.এল.না খঙহনখিবা মতুং ইন্না, নেস্নেল কম্পেনী লো ত্রিব্যুনেল (এন.সি.এল.তি.)না স্কীমগী এরেঞ্জমেন্তকী অয়াবা পীনবগীদমক্তা চাউরাক্না থা তরেৎতগী নিপাল ফাওবগী মথৌ তাগনি। এন.সি.এল.তি.না মসিগী অয়াবা পীরবা মতুংদা য়াওরিবা তোঙান তোঙানবা খোংথাংশিং অদু চৎনহনবদা থা মঙাদগীনা তরুক ফাওবগী মথৌ তাগনি। মপুং ওইনা ৱারেপ অদু চৎনহন্নবগীদমক চহি অমগী মতম চংগনি।
য়ুম্ফমঃ
এম/এস বিদেশ সংচার নিগম লিমিতেদ (হৌজিক্না তাতা কম্যুনিকেশন লিমিতেদ, তি.সি.এল. হায়না খঙনরবা) অসি ভরত সরকারনা ফেব্রুৱারী ১৩, ২০০২ ফাওবদা দিসইনভেস্ত তৌখ্রে অমসুং কম্পেনীগী মেনেজমেন্ত কন্ত্রোল অদু স্ত্রাতেজিক পার্তনর ওইরিবা তাতা গ্রুপকী কম্পেনীশিংগী মরক্তা স্পেসিয়েল পর্পজ ভেহিকল, এম/এস পানাতোন লিমিতেদ (পি.এফ.এল.)তা শিন্নখ্রে।
দিসইনভেস্তমেন্তকী মতমদা শহর মরি – পুনে, কোলকতা, নই দিল্লী অমসুং চেন্নৈগী মফম মঙাগী লম অহেনবা একর ৭৭৩.১৩ (অপুনবা লম একর ১২৩০.১৩দগী)গী ঙমখৈ অদু ওন্থোকখি অমসুং ৱারেপ অসি লৌখি মদুদি অহেনবা লম অসি দিসইনভেস্তমেন্তক বিদকী শরুক অমা ওইরোই।
শেয়র হোল্দীং এগ্রীমেন্ত/শেয়র পর্চেজ এগ্রীমেন্তকী মতুং ইন্না কম্পেনী এক্ত ১৯৫৬গী সেক্সন ৩৯১দগী ৩৯৪ ফাওবগী মনুংদা পি.এফ.এল.গী থৌদাং অসি অহেনবা লম অদুগী দি-মর্জ নত্রগা হাইব ওফ তৌনবীদমক রিয়েলিতী কম্পেনী অমদা শিন্নবনি।
