ভারতকী প্রধানমন্ত্রী

প্রধান মন্ত্রী শ্রী নরেন্দ্র মোদীনা লুচীংবা কেন্দ্রগী মন্ত্রীমন্দলনা তমিলনাদুগী হান্নগী মুখ্য মন্ত্রী দা. এম. করুনানিধিনা লৈখিদবদা অৱাবা ফোংদোকখ্রে। মহাক ওগস্ত ৭, ২০১৮দা চেন্নৈগী কাবেরী হোস্পিতালদা লৈখিদবনি।

মন্ত্রীমন্দলনা মহাকপু নীংশিংদুনা মিনিৎ অনি তুমিন্না লৈখি অমসুং অৱাবা ফোংদোকপগী ৱারেপ পাস তৌখি। ৱারেপ অদুগী ৱারোল মখাদা পীরিঃ-

“মন্ত্রীমন্দলনা তমিলনাদুগী হান্নগী মুখ্যমন্ত্রী দা. এম. করুনানিধিনা লৈখিদবদা অৱাবা ফোংদোকচরি। মহাক ওগস্ত ৭, ২০১৮দা চেন্নৈগী কাবেরী হোস্পিতালদা লৈখিদবনি। মহাক্না লৈখিদবা অসিদা লৈবাক অসিনা শক্নাইরবা অমদি অহল ওইরবা, নুংশিনা ‘কলাইগনর’ হায়না কৌনবা লুচীংবা অমা মাংজরে।”

মহাক জুন ৩, ১৯২৪দা নাগাপত্তিনম জিলাগী থিরুক্কুৱলৈ খু্ঙ্গংদা পোকখি। মহাক্না তমিলনাদুগী রাজনীতিদা কুইনা খোংদাখিবা মতমদা খুন্নাইগী অমদি রাজনীতিগী ওইবা মরু ওইবা ফম কয়াদা থবক তৌরম্মি। মহাক্না চহি ৩৩ শুরকপদা ১৯৫৭কী মীখলদা কুলিথলৈ সিৎতগী কাদুনা তমিলনাদুগী এসেমব্লীদা চংখি। মহাক ১৯৬৭দা তমিলনাদু সরকারগী মন্ত্রী ওইখি অমসুং অহানবা ওইনা ১৯৬৯দা রাজ্যগী মুখ্য মন্ত্রী ওইখি। মহাক মঙারক হন্না তমিলনাদুগী মুখ্য মন্ত্রী ওইখি।

রাজনীতিগী পুন্সিদা নত্তনা মহাক তমিল সিনেমাগী মীয়াম্না য়াম্না পাম্নখিবা স্ক্রিনপ্লেগী অইবা অমসু ওইখি। মহাক্না দ্রবিড় ইহৌগী মতমদা ৱাখল্লোনশিং শন্দোক্নবগীদমক সিনেমাবু পাম্বৈ অমা ওইনা শিজিন্নখি। দা. এম. করুনানিধি মহাক্কী খুৎই অমসুং ৱা ঙাংবা হৈবগীদমক মমিং চৎখি। তমিল সাহিত্যদা মহাক্কী থৌদাং অসি য়াম্না পাক চাউই অমসুং তোপ তোপ্পি লোইননা শৈরেং, স্ক্রিনপ্লে, উপন্যাস, পুন্সি ৱারী, লিলা, দাইলোগ অমসুং সিনেমাগী ঈশৈ মসিদা য়াওরি।

মহাক্না লৈখিদবদা তমিলনাদুনা মখোয়গী অফাওবা লুচীংবা অমা মাংজরে।

মন্ত্রীমন্দলনা সরকার অমসুং লৈবাক অপুনবগী মাইকৈদগী অৱাবা নংলবা ইমুং-মনুং অমসুং তমিলনাদুগী মীয়ামদা অৱাবা ফোংদোকচরি।