ভারতকী প্রধানমন্ত্রী

প্রধানমন্ত্রী শ্রী নরেন্দ্র মোদীনা লুচীংবা কেন্দ্রগী মন্ত্রীমন্দলনা চহি ২০১৭-১৮দগী ২০১৯-২০ ফাওবগীদমক লুপা কোতি ১,৭৫৬কী খেলো ইন্দিয়া থৌরমবু অমুক হন্না শেমজিন্নবগী ৱাফমদা অয়াবা পীখ্রে। থৌরম অসিবু ইন্দিবিজুএল দিব্লপমেন্ত, কম্ম্যুনিতী দিব্লপমেন্ত, ইকোনোমিক দিব্লপমেন্ত অমসুং নেস্নেল দিব্লপমেন্তকী খুৎলাই ওইনা শান্নববু মরু ওইবা ইচেলদা তিলহন্নবগীদমক ভারতকী শান্ন-খোৎনবগী পুৱারিদা মসি শিংথানীংঙাই ওইরবা মাই পাকপগী মিকুপ অমনি।

অমুক হন্না শেমজিল্লবা থৌরমশিংগী ইথিল ইনফ্রাস্ত্রকচর, কম্ম্যুনিতী স্পোর্ত, মতিং খঙদোকপা, থোইদোক-হেন্দোক্নবদী কোচীং, কোম্পিতিসন স্ত্রকচর অমসুং শান্ন-খোৎনবগী শেনমিৎলোন য়াওনা অপুনবা ইকো সিস্তেমদা পীগনি।

মরু ওইবা ৱাফমঃ

থৌরম অসিগী মরু ওইবা ৱাফম খরা মখাদা পীরিঃ-

• মমাংদা ওইখিদ্রিবা পান ইন্দিয়ন স্পোর্ৎস স্কোলর্শিপ স্কিম, মসিদা খনগৎলবা মশান্নশিংদা চহি খুদংগী হেন্না হৈথোই শিংথোইরবা শান্নরোই ১,০০০ কোনশিনগনি।

• স্কিম অসিগী মখাদা খল্লবা শান্নরোই খুদিংমক্তা লেপ্তনা চহি মরিগী ওইনা লুপা লাখ ৫গী চহিগী স্কোলর্শিপ পীগনি।

• হৌজিক ফাওবগী মসি অহানবনি, মসিদা তুং কোইবা শান্নরোই চাওখৎহনবগী লম্বী পীরি, মদুনা মালেমগী তাক্তা মাই পাকপা পুরকপা ঙমগদবা মতিং লৈরবা কোম্পিতিতিব শান্নরোইশিংগী মশিং হেনগৎহনগনি।

• থৌরম অসিদা লৈবাক অপুনবদা য়ুনিবর্সিতী ২০দা স্পোর্তিং এক্সিলেন্সকী হব ওইনা য়োকখৎপগী পান্দম থম্লি, মসিনা মতিং লৈরবা শান্নরোইশিং মহৈ-মশিংগা লোইননা কোম্পিতিতিব স্পোর্ৎসতা অনি থোক্না থৌদাং য়াবা ঙমহল্লগনি।

• থৌরম অসিগী পান্দম অসিমসু লৈ মদুদি মশা মউ ফবা পুন্সি মহিং অমগা লোইননা এক্তিব পোপুলেসন শেমগৎপনি।

• থৌরম অসিদগী পাক চাওরবা নেস্নেল ফিজিকেল ফিৎনেস দ্রাইবকী মনুং চন্না চহি ১০-১৮ ফাওবগী মনুংদা লৈবা চাওরাক্না অঙাং মিলিয়ন ২০০ রোম কান্নবা ফংলগনি, মসিদগী চহি অসিগী অঙাং পুম্নমক্কী ফিজিকেল ফিৎনেস ফংহনবতা নত্তনা মখোয়গী ফিৎনেসকা মরি লৈনবা থবক থৌরমশিংদসু মতেং ফংলগনি।

ইথিলঃ

• পা-পী মান্নবা অমসুং খুন্নাইগী ওইবাশরুক য়ামিন্নবা য়োকখৎপনা শান্নবগী মগুনবু পুম্নমক্না হেন্না খঙনরক্লে অমসুং পান্দমশিং অসি ফংননবা অখন্নবা থৌরাং পাইখৎনরি।

• থৌরম অসিগী পান্দম ইং তপ্তবা অমসুং খুদোং চাবশিং ফংদ্রবা মফমশিংদা লৈরিবা নহারোলশিংবু অনপ্রদক্তিব অমসুং দিসরপ্তিব এক্তিবিতিজশিংদগী লৌথোক্তুনা শান্ন-খোৎনবগী থবক-থৌরমশিংগা লোইনহন্দুনা মখোয়বু জাতি শেমগৎপগী থৌওংদা মরু ওইবা ইচেলদা তিলহনবনি।

• থৌরম অসিদা স্কুল অমসুং কোলেজ অনিমক্কী থাক্তা কোম্পিতিসনগী স্তেন্দরগী থাক হেনগৎহনবা অমসুং শান্ন-খোৎনবগী অথোই অহেন তান্নবা ফাওবা অঙাংশিংগী খ্বাইদগী হেনবা মথৌনা পুথোকপা ঙমহনবনি।

• মসিদা শান্নবা য়োকখৎপগী থৌওং পুম্নমক হায়বদি – শান্ন-খোৎনবগী ত্রেনীংগী লৌশিং হেনগৎহন্নবা মোবাইল এপ শিজিন্নবা, তেলেন্ত থিননবা নেস্নেল স্পোর্ত তেলেন্ত সর্চ পোর্তেল, ইরমগী মসান্নশিংগীদমক ইন্তরেক্তিব ৱেবসাইৎ, স্পোর্ত ইনফ্রাস্ত্রকচর থিবা অমসুং শিজিন্ননবা জিআইএসতা য়ুমফম ওইবা ইনফোর্মেসন সিস্তেম অসিনচিংবা য়াওরি।

• থৌরম অসিদা ‘পুম্নমক্কীদমক্তা শান্নবা’গা লোইননা ‘থোইদোক হেন্দোকপগীদমক শান্নবা’গী ৱাখল্লোন্দা শাফু পীরি।