ভারতকী প্রধানমন্ত্রী

প্রধান মন্ত্রী শ্রী নরেন্দ্র মোদীনা লুচিংবা কেন্দ্রগী মন্ত্রীমন্দলনা কর্নাতক্কী এস তিশিংগী লিস্ততা ‘নায়কা’গা মান্ননা ‘পারিবারা অমসুং তালাৱারা’ কম্যুনিতীশিংবু সি. নং. ৩৮দা হাপচিনবদা অয়াবা পীখ্রে।

মেজর ইমপেক্ত:

মসিনা কর্নাতক রাজ্যদা সেদুল ত্রাইবগী স্তেতস লানথোক্নবা ‘পারিবারা’ অমসুং ‘তালাৱারা’ কম্যুনিতীশিংনা মতম শাংনা তক্নদুনা লাকপা অদু ফংলগনি। ‘পারিবারা’ অমসুং ‘তালাৱারা’ কম্যুনিতীশিংগী মনুং চনবা মীওইশিংনা কর্নাতক রাজ্যদগী সেদুল ত্রাইব সর্তিফিকেৎ ফংবা য়াহল্লগনি অমসুং রাজ্য অদুদা সেদুল ত্রাইবশিংনা ফংলিবা কান্নবশিং অদুশু ফংবা য়ারগনি।
য়ুমফম:

কর্নাতক সরকারনা ‘নায়কা’গা মান্ননা ‘পারিবারা অমসুং তালাৱারা’ কম্যুনিতীশিংবু কর্নাতক রাজ্যগী সেদুল ত্রাইব লিস্তকী সি. নং. ৩৮দা হাপচিন্নবা রিকমেন্দ তৌখি।