ভারতকী প্রধানমন্ত্রী

প্রধান মন্ত্রী শ্রী নরেন্দ্র মোদীনা লুচীংবা কেন্দ্রগী মন্ত্রীমন্দলনা মখাদা পীরিবা ৱাফমশিং অসিদা অয়াবা পীখ্রে –

• হিন্দুস্তান উর্বরক অমসুং রসায়ন লিমিতেদ (ঐচ.য়ু.আর.এল.)তা লীজদা লম ফংহনবা।
• হিন্দুস্তান উর্বরক অমসুং রসায়ন লিমিতেদ (ঐচ.য়ু.আর.এল.)না ফর্তিলাইজর কোর্পোরেসন ওফ ই্দিয়া লিমিতেদ (এফ.সি.আই.এল.)কী গোরখপুর অমসুং সিন্দ্রী য়ুনিৎশিং লোইননা হিন্দুস্তান ফর্তিলাইজর কোর্পোরেসন লিমিতেদ (ঐচ.এফ.সি.এল.)কী বরৌনী য়ুনিৎপু নৌনা হিংগৎহন্নবগীদমক কন্সেসন এগ্রিমেন্ত লোইননা লেন্দ লীজ এগ্রিমেন্ত ফংহনবা। অমসুং
• গোরখপুর, সিন্দ্রী অমসুং বরৌনীগী প্রোজেক্ত অহুমগীদমক্তা ঐচ.য়ু.আর.এল. অমসুং এফ.সি.আই.এল./ঐচ.এফ.সি.এল.গী মরক্তা য়ানখিবগী মখাদা এগ্রিমেন্ত মহুৎ অমসুং অতৈ এগ্রিমেন্তশিংবু অয়াবা পীনবগীদমক্তা ইন্তর-মিনিস্ত্রিয়েল কমিতিদা শিন্নবা।

শাফুঃ

এফ.সি.আই.এল./ঐচ.এফ.সি.এল.গী গোরখপুর, সিন্দ্রী অমসুং বরৌনী য়ুনিৎশিং হন্না হিংগৎহনবনা ফর্তিলাইজরগী লমদা মতিক চানা ইনভেস্ত তৌবা ঙমহল্লগনি। য়ুনিৎশিং অসি জগদিশপুর-হল্দিয়া পাইপ্লাইন (জে.ঐচ.পি.এল.)গী অথোইবা কস্তমর ওইনা মথৌ তৌগনি, মসি অৱাং ভারত্তা মরু ওইবা ইনফ্রাস্ত্রকচরশিংগী চাউখৎ-থৌরাংগীদমক শন্দোক্লি। মসিদগী লমদম অসোমদা থবক পীবগী খুদোংচাবা ফংহল্লগনি অমসুং অৱাংগী লমদম/রাজ্যগী শেনমিৎলোন্দা খোংজেল য়াংশিল্লগনি। ফর্তিলাইজর য়ুনিৎশিং হন্না হিংগৎহনবা অসিদগী য়ুরিয়াগী দোমেস্তিক পোৎথোক হেনগৎলগনি অমসুং মদুগী মহয় ওইনা য়ুরিয়া মরাং কাইরগনি।

ৱারোলঃ

• এন.তি.পি.সি., আই.ও.সি.এল., সি.আই.এল. অমসুং এফ.সি.আই.এল./ঐচ.এফ.সি.এল.গী অপুনবা ভেঞ্চর কম্পেনী অসি গোরখপুর, সিন্দ্রী অমসুং বরৌনীদা ফর্তিলাইজর রিভাইবেল প্রোজেক্তশিং থবক পাইখৎপা ঙম্ননবা ২০১৬তা লিংখৎখি।
• মফম অহুম অসিদা ফর্তিলাইজর প্রোজেক্তশিং লিংখৎপনা ঐচ.য়ু.আর.এল.গী মতেংগীদমক এফ.সি.আই.এল./ঐচ.এফ.সি.এল.না ঐচ.য়ু.আর.এল.গা লোইননা লীজ এগ্রিমেন্তা খুয়েক পীনগনি। লমগী লীজ চহি ৫৫গী তৌনগনি।
• লীজী (ঐচ.য়ু.আর.এল.)না লীজর (এফ.সি.আই.এল./ঐচ.এফ.সি.এল.)দা চহি খুদিংগী নোমিনেল লীজগী ভারা লুপা লাখ ১ পীগনি।
• এফ.সি.আই.এল.গী সিন্দ্রী অমসুং গোরখপুর য়ুনিৎশিং লোইনা ঐচ.এফ.সি.এল.গী বরৌনী য়ুনিৎকীদমক্তা কন্সেসন এগ্রিমেন্তকী মনুংদা এফ.সি.আই.এল./ঐচ.এফ.সি.এল. লোইননা ঐচ.য়ু.আর.এল. (কন্সেসনৈর)গী মরক্তা য়ানবা পুরক্কনি, মসিগী মনুংদা ঐচ.য়ু.আর.এল.দা দিজাইন, ইঞ্জিনিয়রিং, কন্সত্রক্সন, প্রোক্যুর্মেন্ত, তেস্তিং, কমিস্নিং, ওপরেৎ অমসুং ফর্তিলাইজর প্লান্তশিং য়েংশিনবা/ঙাক-শেনবা অমসুং মসিগী পোৎথোকশিং য়োনবগী হক ফংগনি।
• ঐচ.য়ু.আর.এল.না শেন্থং ফংনবগীদমক লম এলোৎমেন্ত তৌবগী পান্দমদা মীৎয়েং থমদুনা এফ.সি.আই.এল./ঐচ.এফ.সি.এল.না, অখন্নবা প্রোজেক্তশিংগীদমক্তা লেন্দরশিংগী মীহুৎশিং লোইননা ঐচ.য়ু.আর.এল.গী মরক্তা পাংথোক্কদবা ত্রাই-পেত্রাইৎ এগ্রিমেন্ত অমা ওইরিবা সবস্তিত্যুসন এগ্রিমেন্ত অদুগীদমক্তা প্রোজেক্ত খুদিংমক্কী মতাংদা লেন্দরগী কাংলুপ্না খুয়েক পীরবা মতুংদা য়ান-চেরোল অসিদা খুয়েক পীবগী মথৌ তাবা লৈগনি।