ভারতকী প্রধানমন্ত্রী

প্রধান মন্ত্রী শ্রী নরেন্দ্র মোদীনা লুচীংবা কেন্দ্রগী মন্ত্রীমন্দলনা ২০১৪দা খুয়েক পীনখিবা য়ানৱারোল অমুক নৌথোকহনবদা অয়াবা পীখ্রে, মদুনা ইন্সতিত্যুৎ ওফ চার্তর্দ একাউন্তেন্ত ওফ ইন্দিয়া (আই.সি.এ.আই.) অমসুং সাউদী ওর্গনাইজেসন অমসুং সর্তিফাইদ পব্লিক একাউন্তেন্ত (এস.ও.সি.পি.এ.)কী মরক্তা কোর্পোরেৎ গোভর্নেন্স, তেক্নিকেল রিসর্স অমসুং এদভাইস, ফোরেন্সিক একাউন্তিং, অপীকপা অমসুং ময়াই ওইবা থাক্কী প্রেক্তিসশিং (এস.এম.পি.), ইস্লামিক ফাইনান্স, কন্তিন্যুইং প্রোফেস্নেল দিবেলপমেন্ত (সি.পি.দি.) অমসুং অতৈ হিরমশিংদা তেংবাং পীনবা হেনগৎহন্নবা থবক পাইখৎলি।

মরু ওইবা শাফুঃ

আই.সি.এ.আই.গী মেম্বরশিং, মহৈরোইশিং অমসুং মখোয়গী লুপশিংগী কান্ননবা লৈনরিবা মরি অদুবু চাউখৎহন্নবা পুন্না থবক তৌমিন্ননবগী পান্দম লেপথোকখি।

য়ানা ৱারোল অসিনা আই.সি.এ.আই.গী মেম্বরশিংদা মখোয়গী প্রোফেস্নেল হোরাইজনবু পাকথোক চাউথোকহন্নবা তাঞ্জা পীগনি। মসি মফম অদুগী মীওইশিংদা কেপাসিতী বিল্দিং চেৎশিলহন্নবগীদমক লুপ অমগী মতৌগুম্না থবক তৌগনি।

য়ানা ৱারোল অসিনা একাউন্তিং অমসুং ওদিতিং প্রোফেসন্দা ইনোৎ হাপ্পদা আই.সি.এ.আই.দা মতেং পাংগনি। মসিদগী প্রোফেসন অসি চাউখৎপা পুরক্কনি।

কান্নবা ফংবশিং:

আই.সি.এ.আই.গী ইস্তর্ন প্রোভিন্সতা চেপ্তর ৩ চেৎনা লৈরি। মদুগী মনুংদা জেদ্দা, রিয়াধ অমসুং সাউদী আরব য়াওরি। মদুদা আই.সি.এ.আই.গী মেম্বর ২০০দগী হেন্না তোঙান তোঙানবা প্রোফেস্নেলগী থাক্তা থবক তৌরি। য়ানা ৱারোল অসিদগী আই.সি.এ.আই. অমসুং এস.ও.সি.পি.এ.গী মরক্তা অচেৎপা মরি শেমগৎলগনি। মসিনা ভারতকী চার্তর্দ একাউন্তেন্তপু ভারত্তা অমসুং ইস্তর্ন প্রোভিন্সকী ইম্প্লোয়রশিংদা মশানা মশাবু হেন্না থাজবা ঙমহল্লগনি। মতৌ অসুম্না ভারতকী চার্তর্দ একাউন্তেন্তশিংগীদমক্তা থবক্কী খুদোংচাবা শেম্লগনি।

য়ুম্ফমঃ

ইন্সতিত্যুৎ ওফ চার্তর্দ একাউন্তেন্ত ওফ ইন্দিয়া (আই.সি.এ.আই.) অসি স্তেত্যুতোরী বোদী অমনি মসি সংসদনা পুথোকপা এক্ত অমগী মখাদা শেমখিবনি। চার্তর্দ একাউন্তেন্ত এক্ত, ১৯৪৯ অসিনা ভারত্তা চার্তর্দ একাউন্তেন্তকী মথৌ পাংথোকহল্লি। সাউদী অরবকী নিংথৌ লৈঙাক্কী মখাদা সাউদী ওর্গনাইজেসন অমসুং সার্তিফাইদ পব্লিক একাউন্তেন্ত (এস.ও.সি.পি.এ.) শেমখি, মদুনা লৈবাক অসিদা একাউন্তেন্সী অমসুং ওদিতিং প্রোফেসনশিং য়োকখৎলি।