ভারতকী প্রধানমন্ত্রী

প্রধান মন্ত্রী শ্রী নরেন্দ্র মোদীনা লুচীংবা কেন্দ্রগী মন্ত্রীমন্দলনা ইন্দিয়া পোস্ত পেমেন্ত বেঙ্ক (আই.পি.পি.বি.) লিংখৎনবগীদমক্তা প্রজেক্তকী চাদিং লুপা ক্রোর ৮০০দগী হেনগৎতুনা লুপা ক্রোর ১,৪৩৫ ওইহনবগা মরি লৈননা শেমদোকপদা অয়াবা পীখ্রে। হোংদোক্লবা হোৎতোক্লবা চাদিংদা লুপা ক্রোর ৬৩৫গী অহেনবা শেনফমগী মনুংদগী লুপা ক্রোর ৪০০ তেক্নোলোজীগী চাদিং অমসুং লুপা ক্রোর ২৩৫ হ্যুমেন রিসোর্সকী চাদিংগীদমক্তা শিজিন্নগনি।

ৱারোলঃ 

• আই.পি.পি.বি. সর্বিসশিং অসি সেপ্তেম্বর ১, ২০১৮দগী আই.পি.পি.বি.গী মশা ৬৫০ অমসুং এক্সেস পোইন্ত ৩২৫০ অমসুং দিসেম্বর ২০১৮ ফাওবদা পোস্ত ওফিস (এক্সেস পোইন্ত) লাখ ১.৫৫, পুম্নমক্তা ফংগনি।
• প্রোজেক্ত অসিদগী চাউরাক্না স্কিল বেঙ্কিং প্রোফেস্নেল ৩৫০০ অমসুং লৈবাক অপুনবদা ফাইনান্সিয়েল লিতরেসী শন্দোক্নবগী থবক পাইখৎলিবা অতৈ মীওইশিংগীদমক থবক্কী খুদোংচাবা ফংলগনি।
• প্রোজেক্ত অসিগী পান্দম অসি মীচম–মীয়ামগীদমক্তা য়াম্না লাইনা য়ৌশিনবা ঙম্নবা, অহোংবা অমদি থাজনীংঙাই ওইবা বেঙ্ক অমা লিংখৎপা, বেঙ্ক লৈতবা মফমদা অসিগুম্বা মখলগী অৱাৎপা অদু মেনখৎতুনা ফাইনান্সিয়েল ইনক্লুজন এজেন্দাগী মাইকৈদা চংশিনবা অমসুং থোঙ্গালদা বেঙ্কিংগী মতেংগী থোংদা বেঙ্ক মশিং হন্থনা লৈবা মফমদা খুন্দাবশিংগী চাদিং হন্থহনবনি।

আই.পি.পি.বি.গী সর্বিসশিং:

আই.পি.পি.বি.না মসিগী তেক্নোলোজী ইনেবল সোলুসনশিংগী পাম্বৈনা পেমেন্ত/ফাইনান্সিয়েল সর্বিসশিং ফংহনগনি মদু পোস্ত ওফিসকী মাইকৈদগী শিন্মীশিং/অরোইবা মফমদা লৈবা এজেন্তশিং ফাওবা য়ৌহনবা ঙমগনি, মদুনা মরম ওইরগা মখোইনা মেল দিলিবরর ওইবদগী ফাইনান্সিয়েল সর্বিসশিংগী পাউখোল্লোই ওইবা ঙমহল্লগনি।

আই.পি.পি.বি.না মসিগী অরোইবা মফমদা লৈবা এজেন্ত (পোস্তেল স্তাফ অমসুং গ্রামীন দাক সেবকশিং)শিংবু আই.পি.পি.বি.গী সর্বিসশিং ফংহন্নবগীদমক্তা হকথেংননা মখোয়গী একাউন্তা ইন্সেন্তিব/কমিশন পীগনি, মদুনা মরম ওইদুনা মখোয়না কস্তমশিংবু আই.পি.পি.বি. দিজিতেল সর্বিসশিং চাউখৎহন্ননবা পুক্নীং থৌগৎকনি।

পোস্ত ওফিসশিংগী পাম্বৈশিং হেনগৎহন্নবগীদমক্তা আই.পি.পি.বি.গী মাইকৈদগী কাইথোকখিবা কমিশনগী শরুক অমা পোস্ত বিভাগনা শিজিন্নগনি।