ভারতকী প্রধানমন্ত্রী

প্রধানমন্ত্রী শ্রী নরেন্দ্র মোদীগী লুচীং মখাদা কেন্দ্রগী মন্ত্রীমন্দলনা ভারত সরকারগী প্রেস (জিআইপি)/য়ুনিৎ ১৭পু রাষ্ট্রপতি ভবন, মিন্তোরোদ অমসুং ময়াপুরী, নই দিল্লী; নাশিক, মহারাষ্ট্র অমসুং তেম্পল স্ত্রীৎ, কোলকাতা, ৱেস্ত বেঙ্গলদা লৈবা ভারত সরকারগী প্রেস (জিআইপি) ৫দা রেস্নেলাইজেসন/মর্জর অমসুং মোদর্নাইজেসন তৌবগী অয়াবা পীখ্রে।

প্রেস মঙা অসিগী অহেনবা লম্বু মোনীতাইজেসন তৌরগা মখোয়বু মোদর্নাইজ অমসুং মকোক্তগী হৌনা শেমগৎকনি। অতৈ মর্জ তৌরবা প্রেসশিংগী লম একর ৪৬৮.০৮ অর্বান দিব্লপমেন্ত মন্ত্রালয়গী লেন্দ অমসুং দিব্লপমেন্ত ওফিসতা শিন্নগনি। চন্দীগর, ভুবনেশ্বর অমসুং মৈসুরদা লৈবা ভারত সরকারগী তেক্স বুক প্রেস (জিআইতিবিপি)কী লম একর ৫৬.৬৭ মরি লৈনবা রাজ্য সরকারশিংদা হন্দোকখিগনি।

প্রেসশিং মোদর্নাইজেসন তৌবনা লৈবাক অপুনবদা কেন্দ্র সরকারগী ওফিসশিংগী মরু ওইবা অরোনবশিং, অথুবা অমসুং মল্তি-কলর প্রিন্তিং ৱার্ক পাংথোকপা ঙম্লগনি।

থবক অসি শেল তিংদনা অমসুং থবক হাপতোক-হাপচিন তৌদনা লোইশিনগনি।