ভারতকী প্রধানমন্ত্রী

প্রধান মন্ত্রী শ্রী নরেন্দ্র মোদীনা লুচিংবা কেন্দ্রগী মন্ত্রীমন্দলনা ইন্দিয়ান রেলৱেজকী মওং মতৌ রিস্ত্রকচর তৌদুনা শেমদোকপগী অয়াবা পীখ্রে। পুৱারীদা মমিং লৈহৌরগদবা রীফোর্ম অসিনা সরকারনা য়েংলীবা ইন্দিয়াগী রেলৱেনা ইন্দিয়াগী বিকাস য়াত্রাগী চাওখৎপগী ইঞ্জীন ওইগনি হায়বা অসি মংফাওনহল্লনি।

রীফোর্ম অসিদা য়াওরীবশিং অদুদিঃ

১.    হৌজিক লৈরিবা রেলৱেগী গ্রুপ এ সর্ভিস ৮বু পুন্সিন্দুনা ইন্দিয়ান রেলৱে মেনেজমেন্ত সর্ভিস (আই.আর.এম.এস.) কৌবা সেন্ত্রেল সর্ভিস অমদা পুনশিনবা।

২.    রেলৱে বোর্দ অসি মথৌ তৌবা পরীংদা ওইনা মেম্বর ৪ অমসুং মনিং তম্বা মেম্বর খরগা লোইননা সি.আর.বি.না মকোক ওইদুনা রি–ওর্গানাইজ তৌবা।

৩.    হৌজিক লৈরিবা ইন্দিয়ান রেলৱে মেদিকেল সর্বিস (আই.আর.এম.এস.) অসি ইন্দিয়ান রেলৱে হেল্থ সর্বিস (আই.আর.ঐচ.এস.) হায়না মমিং ওন্থোকপা।

মথংগী থা ১২দা লুপা কোতি লাখ ৫০ থাদদুনা মতমগা চান্নহনবা অমসুং খুদোংথিদবগী, খোংজেল য়াংবগী অমসুং অফবা সেবা পীবগী চাং খ্বাইদগী ৱাংবা অমা ওইহন্নবা ইন্দিয়ান রেলৱেগী আশা য়াম্না চাউবা প্রোগ্রাম অমা লৈ।

থাক অৱাংবা অয়েতৎপশিং অমসুং লৈরীবা খুদোংচাদবা কয়া অসি মায় পাক্না থেংনবা ঙম্নবা খোংথাংশিং অসি লৌখৎপগী তঙাই ফদবা ওইরে।

সেবাশিং পুন্সিনবা অসি প্রকাশ তন্দন কম্মিতী (১৯৯৪), রাকেশ মোহন কম্মিতী (২০০১), সাম পিত্রোদা কম্মিতী (২০১২) অমসুং বিবেক দেবরোই কম্মিতী (২০১৫) য়াওবা রেলৱে রীফোর্ম কম্মিতী কয়ানা হৌদোকখি।

রিফোর্ম অসি অসি রেলৱে রিফোর্মগী কম্মিতীশিং অমসুং রেলৱেগী ওফিসর কয়া অমনা পাক্তক্ননা য়ান্নদুনা  ২০১৯গী দিসেম্বর ৭ অমসুং ৮দা পাংথোকপা নুমিত নিনিগী ওইবা “পরিবর্তন সনগোস্থী”গী কনফরেন্সতা য়ান্নখি। রেলৱে বোর্দনা ২০১৯গী দিসেম্বর ৮দা অতৈগা মান্নদবা বোর্দকী মীফম অমা নুমিৎ অসিমক্তদা পান্থোক্তুনা পল্লীবা রীফোর্মশিং অসিগী মথক্তা অতোপ্পা কয়া অমসুং হৌদোকখি।

রেলৱে বোর্দ অসি বিভাগকী থাক্তা চলাইবগী চৎনবী তোক্লগনি অমসুং মথৌ তৌবগী পরীং অমনা ওইনা মহুত শিন্দুনা চলাইরগনি। মসিদা চেয়রমেন অমা লৈগনি অমসুং মহাক্না চীফ একজেক্যুতিভ ওফিসর (সি.ই.ও.) ওইনা মথৌ তৌগনি অমসুং ইনফ্রাস্ত্রকচর, ওপরেসন অমসুং বীজনেস দিবেলপমেন্ত, রোলীং স্তোক অমসুং ফাইনান্স মথংশিৎনা পান্নবা মেম্বর ৪গা মহাক্কা লোইনগনি।