ভারতকী প্রধানমন্ত্রী

লৌমীশিংগী য়াইফনবা সরকারনা পায়খৎলিবা থবকশিংদা অচৌবা ইনোৎ পীবা ওইনা অমসুং অন্নাদাতাশিংদা কৎথোকপা অমসুং ৱাশক ঙাকপা ওইনা, প্রধান মন্ত্রী নরেন্দ্র মোদীনা লুচিংবা কেন্দ্রগী মন্ত্রী মন্দলনা অনৌবা স্কিম অমা “প্রধান মন্ত্রী অন্নাদাতা আয় সনরক্ষন অভিয়ান” (পি এম – এ এ এস ঐচ এ ) য়াখ্রে। স্কিম অসিগী পান্দমদি ২০১৮গী কেন্দ্রগী বজেৎতা লাউথোকখিবগী মতুংইন্না লৌমীশিংদা মখোয়গী পোৎথোকশিংগী চুনবা মমল ফংহনবনি।

মতম শাংনা লৌমীশিংগী য়াইফনবা মখোয়গী শেন্থোক লেংদনা লৈহন্নবা পান্দমদা মমাংদা অমুক্তা থাংখিদ্রিবা খোঙথাং অসি ভারত সরকারনা থাংলকপনি। পোৎথোক পুথোকপদা চংবা মমলগী শরুক ১.৫ পীনবা ৱারেপ লৌদুনা কালেন লৌরোক্কী এম এস পি হেনগৎনবা সরকারনা হান্না ৱারেপ লৌখ্রে। রাজ্য সরকারশিংগা খুৎশম্নদুনা পোৎথোকশিং ফজনা লৈশিল্লবদি এম এস পি হেনগৎলকপা অসিনা লৌমীশিংগী শেন্থোক হেনগৎলক্কনি হায়বগী থাজবা লৈরি।

পি এম – এ এ এস ঐচ এগী মচাকশিং:

অনৌবা স্কিম অসিদা লৌমীশিংদা চুনবা মমল ফংহন্নবা পায়খৎকদবা থবকশিং য়াউরি অমসুং মদুদা য়াউরিবশিং অদুদি –

• প্রাইজ সপোর্ত স্কিম (পি এস এস ),
• প্রাইজ দিফিসিয়েন্সি পেমেন্ত স্কিম (পি দি পি এস)
• পাইলোত প্রাইভেত প্রোক্যোরমেন্ত এন্দ স্তোকিস্ত স্কিম (পি পি পি এস )

ফুদ এন্দ পব্লিক দিস্ত্রিব্যুসন দিপার্তমেন্তকী ফৌ, গেহু অমসুং হৱাইশিং লৈনবা অমসুং তেক্সতাইল মন্ত্রালয়গী লশিং অমসুং লিমোন লৈনবগী হৌজিক লৈরিবা অতোপ্পা স্কিমশিংগী মখাদা হায়রিবা মহৈ-মরোংশিং অসিগী এম এস পি পীবা মখা চৎথখিগনি।

লৈশিনবগী থবক অসিদা প্রাইভেত সেক্তর শরুক য়াহন্নবা মন্ত্রীমন্দলনা ৱারেপ লৌখি অমসুং লনাই মীওইশিংনা শেন্দোংগী খল্লগা থবক তৌরকপদগী মহৈ—মরোং লৈশিনবগী চাং হেনগৎলকপা য়ারি। মরম অদুনা মসি পি দি পি এসগী মথক্তা অহেনবা অমনি।

থাও থোকপা মরুশিংগী ওইনা, রাজ্যশিংনা অখন্নবা জিলাশিং/এপিএমসিশিংদা প্রাইভেত স্তোকিস্তশিং শরুক য়াহন্দুনা চাংয়েং ওইনা প্রাইভেত প্রোক্যোরমেন্ত এন্দ স্তোকিস্ত স্কিম (পি পি পি এস ) থবক হৌনবা ৱারেপ লৌরে। চাংয়েং তৌগদৌরিবা জিলা/এপিএমসিশিং অদুনা এম এস পি লাউথোক্লবা থাও থোকপা মরু মখল অমা নৎত্রগা মখল কয়া কোনশিনগনি।মসি পি পি এসকা য়াম্না নক্নবা মরম্না, মসিদা লাউথোক্লবা মহৈ-মরোংশিং লৈগদবা মরম্না মসিনা চাংয়েং তৌরিবা জিলা অদুদা পি এস এস/পি দি পি এসকী মহুৎ শীনগনি।

খনগৎলবা লনাই এজেন্সীনা লাউথোক্লবা কৈথেলদা অপীবা মতমগী মনুংদা পি পি এস এসগী কাংলোনশিং ঙাক্তুনা রেজিস্তার তৌরিবা লৌমীশিংদগী এম এস পিদা পোৎথোক লৈগনি, কৈথেলদা লৈরিবা মমল অদু লাউথোক্লবা এম এস পিদগী তারবা অমসুং রাজ্য/য়ু তি সরকারনা কৈথেলদা চংলকপগী অয়াবা পীরবদি লাউথোক্লবা এম এস পিগী চাদা ১৫ খ্বাইদগী য়াম্বা সর্বিস চার্জ ওইনা পীগনি।

খরচ:

সরকারনা অহেনবা লুপা ক্রোর ১৬,৫৫০ য়াউনা পুন্না লুপা ক্রোর ৪৫,৫৫০ চাদিং তৌনবা মন্ত্রীমন্দলনা ৱারেপ লৌরে।

মসিগী মথক্তা, লৈবগী থবকশিংগীদমক বজেতকী শেনফম হেনগৎলে অমসুং পি এম –এ এ এস ঐচ এ থবক ওইনা পায়খৎনবা লুপা ক্রোর ১৫,০৫৩ কাইথোক্লে। মরম অদুনা স্কিম অসি সরকারনা ঐখোয়গী ‘অন্নাদাতা’শিংদা কৎথোকপগী মমি অমনি।

পোৎ লৈশিনবগী চহিশিং:

শেনবা চহি ২০১০-১৪গী মনুংদা পুন্না লুপা ক্রোর ৩৫০০গী লৈখি অমরোমদা শেনবা চহি ২০১৪-১৮গী মনুংদা পোৎ লৈবা অসি শরুক ১০ হেনগৎখি অমসুং লুপা ক্রোর ৩৪,০০০ য়ৌখি। ২০১০-১৪ মনুংদা হায়রিবা লৌউ-শিংউগী পোৎথোকশিং অসি লৈনবা সরকারনা লুপা ক্রোর ২৫০০ পীবদা সুপ্নগী লুপা ক্রোর ৩০০ খক চাদিং তৌখি; অদুগা ২০১৪-১৮ মনুংদা লুপা ক্রোর ২৯,০০০ পীবদা লুপা ক্রোর ১০০০ চাদিং তৌখি।

অকুপ্পা ৱারোলশিং:

ৱাথোক খুদিংমক ফজনা লোইশিন্নবা ভারত সরকারনা পুকচেল শেংনা হোৎনরি। এম এস পি হেনগৎলিবা অসি মতিক চাবা নত্তে অমসুং লৌমীশিংনা লাউথোকখিবা এম এস পি মপুং ফানা ফংবা অসি য়াম্না মরুওই। মরম অদুনা, সরকারনা খঙলে মদুদি, করিগুম্বা লৌউ-শিংউগী পোৎথোকশিং কৈথেলদা এম এস পিদগী তারবদি, মতম অদুদা রাজ্য সরকার অমসুং কেন্দ্র সরকারনা এম এস পিদা লৈগনি নৎত্রগা করিগুম্বা পাম্বৈ খরনা লৌমীশিংদা এম এস পি ফংহনগনি। মসিগী থৌওং অসিগা লোয়ননা, মন্ত্রীমন্দলনা পি এম – এ এ এস ঐচ এগী সব-স্কিম অহুম হায়বদি, প্রাইজ সপোর্ত স্কিম (পি এস এস ), প্রাইজ দিফিসিয়েন্সি পেমেন্ত স্কিম (পি দি পি এস) অমসুং পাইলোত প্রাইভেত প্রোক্যোরমেন্ত এন্দ স্তোকিস্ত স্কিম (পি পি পি এস ) অয়াবা পীরে।

প্রাইজ সপোর্ত স্কিম (পি এস এস )দা, হৱাইশিং, থাও থোকপা মরুশিং অমসুং কোপ্রা লৈবগী থবক রাজ্য সরকারশিংনা মরুওইবা থৌদাং লৌদুনা সেন্ত্রেল নোদেল এজেন্সীশিংনা পাংথোক্কনি। মসিগা লোয়ননা নাফেতগী মথক্তা, ফুদ কোওপরেসন ওফ ইন্দিয়া (এফ সি আয়)না রাজ্যশিং অমসুং জিলাশিংদা পি এস এসগী থবকশিং পায়খৎকনি। লৈবগী খরচ অমসুং লৈবা মতমদা অমাং-অতা থোকখিবগী খরচশিং নিয়মগী মতুংইন্না কেন্দ্র সরকারনা পুগনি।

প্রাইজ দিফিসিয়েন্সি পেমেন্ত স্কিম (পি দি পি এস)গী মখাদা, মসিনা লাউথোক্লবা থাও থোকপা মরুশিং কোনশিনগনি। এম এস পি অমসুং হকথেংননা য়োনবা মমল অনিগী খেন্নবা অদু অরোনবা লৈতনা ওক্সন তৌদুনা লাউথোক্লবা কৈথেলদা মহাক্কী পোৎথোকশিং য়োনবা হান্না রেজিস্তার তৌরবা লৌমীশিংদা পীগনি। শেনফম খুদিংমক লৌমী অদুগী রেজিস্তার বেঙ্ক একাউন্তদা হকথেংননা হাপচিনগনি। মসিগী স্কিম অসিনা লৌমীশিংদগী হকথেংননা পোৎথোকশিং লৈরোই, মসিনা লাউথোক্লবা কৈথেলদা পীরিবা মমল অদুগা এম এস পিগী মমল অনিগা খেন্নবা অদু লৌমীশিংদা পীগনি। নিয়মশিংগী মতুংইন্না পি দি পি এসতা কেন্দ্র সরকারনা শৌগৎকনি।

লৌমীশিংগী য়াইফনবা সরকারনা পায়খৎলিবা থবকশিং:

২০২২দা লৌমীশিংগী শেন্থোক শরুক অনিদা হেনগৎহন্নবা মঙ মঙলিবা অসি ফংনবা সরকারনা থবক পায়খৎলি। পোৎথোক হেনগৎনবা, লৌউবদা চংবা শেনফম হন্থহন্নবা অমসুং লৌ লোক্লবা মতুংগী থবকশিং ফগৎহন্নবা অমসুং কৈথেলগী থবকশিং ফগৎহন্নবা অকনবা মীৎয়েং থম্লি। কৈথেলগী অওনবা কয়া পায়খৎপা হৌরে। মসিদা য়াউরিবশিং অদুদি, মোদেল এগ্রিকলচরেল প্রদুজ এন্দ লাইফস্তোক মার্কেত্তিং এক্ত, ২০১৭ অমসুং মোদেল কন্ত্রেক ফার্মিং এন্দ সর্বিসেস এক্ত, ২০১৮ নি। আয়ন শেমদুনা এক্তশিং অসি চৎননবা রাজ্যশিংনা থবক পায়খৎপা হৌরে।

অনৌবা কৈথেল অমা শেমগৎনবা থবকশিং পায়খৎলি, মসিনা লৌমীশিংনা মখোয়গী পোৎথোকশিংগী চুনবা মমল ফংবা ঙমগনি। মসিদা য়াউরিবদি লৌবুক ময়াদা রিতেল মার্কেত ২২,০০০ শেমগৎনবা গ্রামিন এগ্রিকলচরেল মার্কেত (গ্রামস) লিংখৎপা, ই-নামগী খুৎথাংদা এ পি এম সিশিংদা অরোনবা লৈতনা হোলসেল ওইনা য়োনবা অমসুং লৌমীশিংগী তোংজগদবা অফবা এক্সপোর্ত পোলিসি শেম্বনি।

মসিগী মথক্তা, লৌমীশিংনা তোংজগদবা থবকশিং হায়বদি, প্রধান মন্ত্রী ফাসাল বিমা য়োজনা, প্রধান মন্ত্রী কৃষিসিনচাই য়োজনা, পরমপারাগতকৃষি বিকাস য়োজনা অমসুং সোইল হেল্দ কার্দ য়েন্থোকপগী থবকশিং পায়খৎলে।লৌ উবদা চংবা মমলগী শরুক ১.৫ মিনিমম সপোর্ত প্রাইজ ওইনা পীনবা ৱারেপ লৌদুনা লাউথোকখিবা অসিন লৌমীশিংগী য়াইফনা থবক পায়খৎপগী মমিনি।