ভারতকী প্রধানমন্ত্রী

ঙসি ভিদিও কনফরেন্সকী খুৎথাংদা প্রধান মন্ত্রী শ্রী নরেন্দ্র মোদীনা বিকসিত ভারত সংকল্প যাত্রাগী বেনিফিসরিশিংগা ৱারি শান্নখ্রে। থৌরম অদুদা তিনখিবা মীয়ামদা প্রধান মন্ত্রীনা ৱা ঙাংখি।

লৈবাক শীনবা থুংনা লৈরিবা বিকসিত ভারত সংকল্প যাত্রাগী বেনিফিসরি লিশিং কয়া থৌরম অসিদা শরুক য়াখি। থৌরম অদুদা য়ুনিয়ন মিনিস্তরশিং, এম.পিশিং, এম.এল.এশিং অমসুং পঞ্চায়তকী মীহুৎশিংশু শরুক য়াখি।

প্রধান মন্ত্রীনা তিরুবাল্লুরগী লৌমী অমা, শ্রী হরিকৃষ্ণন ‘বনাকম’ গা লোয়ননা তরাম্না ওকখি। তিরু হরিকৃষ্ণন হোর্তিকলচর অমসুং এগ্রিকলচর দিপার্তমেন্তনা ত্রেনিং পীখ্রে।

লাইরিক ফজনা তম্লবা মতুংদা লৌউ-শিংউগী থবক তৌবগীদমক প্রধান মন্ত্রীনা লাইরিক-লাইশু হৈরবা লৌমী থাগৎপা ফোঙদোকখি। মহাক লৌমীশিংগী য়াইফনবা সরকারগী স্কিমশিং অমসুং অয়ুস্মান ভারত য়োজনাগী কান্নবা  য়াম্না ফংলবা লৌমীনি। নেনো য়ুরিয়াগুম্বা অনৌবা স্কিমশিং হৌদোকপগীদমক মহাক্না প্রধান মন্ত্রী থাগৎপা ফোঙদোকখি। মহাক্না দ্রোনশিং অমসুং অতোপ্পা অনৌবা খুৎলায়শিং শীজিন্নখি।

মতমগা চুনবা অনৌবা থবকশিং পাংথোকপগীদমক লৌমীশিং থাগৎলদুনা, প্রধান মন্ত্রীনা হায়খি অদোমগীদমক সরকারনা মতম পুম্নমক্তা লেপ্লি।

****