ভারতকী প্রধানমন্ত্রী

অদোমগী পুক্নিং থৌগৎপা ৱাহৈশিংগীদমক অদোম থাগৎচরি! মসি তশেংনা কান্নরবা অনৌবা ৱাখল্লোনশিং পীথোক-পীশিন তৌনবা অমনি। মীফম অসিদা গ্লোবেল সাউথকী মান্নবা অপাম্বশিং মমি তারে।

মালেম্না মায়োক্নরিবা মরুওইবা ৱাফমশিংদা, চাউৎলক্লিবা লৈবাকশিংগী চপ মান্নবা মীৎয়েং লৈরে হায়বা নাখৈ শেংলে।

মসি ঙসি নুমিদাংগী খন্নবা খক্তদা উবা নত্তে, পাংথোক্লিবা ‘ভোইস ওফ গ্লোবেল সাউথ সম্মিৎ’কী হৌখিবা নুমিৎ নিনিগী মীফমদশু উবা ফংখি।

গ্লোবেল সাউথকী লৈবাক পুম্নমক্তা মরুওইবা অসিগুম্বা অনৌবা ৱাখল্লোন খর ঐ শম্লপ্না ফোঙদোকচগে।

সাউথ-সাউথ মতেং পীনবা অমসুং অপুনবা ওইনা মালেমগী এজেন্দা শেম্বা ঐখোয়না য়ানরে।

হকশেলগী লমদা, মমাংঙৈগী লাইয়েং কাংলোন য়োকখৎপা, অনা-লায়য়েংগীদমক লমদম লমদমগী ওইবা মফম শেমগৎপা অমসুং হকশেলগী লমদা থবক তৌরিবশিং চৎথোক-চৎশিনগী থবক হেনগৎহনবদা ঐখোয়না অকনবা মীৎয়েং চঙলি। অথুবা মতমদা দিজিতেলগী ওইবা হকশেলগী থবকশিং পায়খৎনবশু ঐখোয়না হোৎনরি।

লাইরিক-লাইশু তম্বগী লমদা, ভোকেসনেল ত্রেনিং অমসুং মনুং হুঞ্জিনবা মফমশিংদা য়ুমদা লৈরগা লাইরিক তম্বদা তেক্নোলোজি শীজিন্নবগী লমদা ঐখোয়গী খ্বাইদগী ফবা থবকশিং ঐখোয়না পীবা ঙমগনি।

বেঙ্কিং অমসুং ফাইনান্সকী লমদা, সরকারগী ওইবা দিজিতেলগী থবকশিং শীজিন্নবনা, চাউখৎলক্লিবা লৈবাকশিংনা পাক-শন্না অমসুং খোঙজেল য়াংনা মীওই খুদিংমক শেন-থুমগী থবকশিংনা কোনশিনবা ঙমগনি। ভারত মশাগী থবকশিংনা মসি উৎলে।

লম্বী-থোং শেমগৎনবা শেন থাদবগী মরুওইবা ঐখোয় পুম্নমক্না য়ানরে। মালেমগী সপ্লাই চেনশিং মখল য়ামহনবা দরকার ওই অমসুং হায়রিবা ভেলু চেনশিং অসিগা চাউখৎলক্লিবা লৈবাকশিংগা শম্ননবা লম্বীশিং ফংনবা হোৎনগদবনি।

ক্লাইমেত, ফাইনান্স অমসুং তেক্নোলোজিদা মখোয়গী অনিংবশিং চাউখৎলবা লৈবাকশিংনা থুংহন্দ্রে হায়বা চাউখৎলক্লিবা লৈবাকশিংনা অমতা ওইনা থাজরে।

পোৎথোক পুথোকপদা মৈখু থাদোকপা লাকশিনবগী মথক্তা, অকোয়বগী ফিবম শোকহন্দবা পুন্সি মহিংদা ‘শীজিন্নবা অমসুং লংথোকপা’ হায়বা থবক অসি থাদোকপা অসিশু চপ মান্ননা দরকার ওই হায়বা ঐখোয়না য়ানরে।

মসি ভারতকী ‘লাইফস্তাইল ফোর ইনভাইরোনমেন্ত’ নত্ত্রগা লাইফ মিসনগী মরুওইবা ৱাঙুলোন্নি, মসিনা ৱাখল লৈনা পোৎ-চৈ শীজিন্নবা অমসুং সর্কুলার ইকোনোমিদা মীৎয়েং থম্লি।
 

শক্নাইরবশিং,

গ্লোবেল সাউথনা খন্নরিবা মসিগী অনৌবা ৱাখল্লোনশিং অসিনা জি-২০গী এজেন্দা শেম্বদা ভারত্তা ইথিল পীগনি অমসুং অদোমগী লৈবাকশিংগা চাউখৎ-থৌরাংগী মরুপশিং ওইগনি।

ঙসিগী ভোইস ওফ গ্লোবেল সাউথ সম্মিৎকী লোইশিনবগী সেসন্দা অদোম শরুক য়াবগীদমক ঐনা অমুক হন্না অদোম থাগৎচরি।

অদোম থাগৎচরি।

*****