ভারতকী প্রধানমন্ত্রী

রিপব্লিক ওফ পোলেন্দগী প্রধান মন্ত্রী ঐচ.ই., শ্রী দোনাল্দ তুস্কনা বর্তন তৌরকপদগী রিপব্লিক ওফ ইন্দিয়াগী প্রধান মন্ত্রী শ্রী নরেন্দ্র মোদীনা ওগস্ত 21-22, 2024দা পোলেন্দদা ওফিসিএল ওইবা খোঙচৎ অমা চৎখি। পুৱারী ওইরবা খোঙচৎ অসি লৈবাক অনিমক্না মখোয়গী দিপ্লোমেতিক্কী মরীশিং থমখিবগী চহি 70শুবা কুমওন পাংথোকপা তানফমদা ওইখি।

মখোয়গী মতম শাংনা লৈরক্লবা মরীশিং অদু শকখঙলদুনা, মখোয়গী লৈবাকশিং অমসুং মীয়ামগী মরক্তা মরুপ-মপাং ওইবগী অচেৎপা মরীশিং অদু অমুক হন্না ফোংদোক্লদুনা অমসুং মখোয়গী মরীশিংগী মপুং ফানা মপাঙ্গল খঙদোক্নবা অচেৎপা ৱাফম থম্লদুনা লুচিংবা অনিমক্না ভারত-পোলেন্দগী নাকল অনিগী মরীশিং অসি “স্ত্রাতিজিক পার্তনরশিপ”কী থাক্তা পুখৎনবা ৱারেপ লৌখি।

প্রধান মন্ত্রী অনিমক্না হায়খি মদুদি পুৱারীগী ওইবা মরীশিংগা লোয়ননা দেমোক্রেসী, নীংতম্বগী মান্নবা ভেল্যুশিং অমসুং কাংলোনশিংদা য়ুম্ফম ওইবা ইন্তর্নেস্নেল ওর্দর অসি হেনগৎলক্লিবা নাকল অনিগী ওইবা পার্তনরশিপতা মরু ওইনা লৌরি। মখোয়না হেন্না তংদু লৈতবা, চাউখৎপা অমসুং তুং কোইনা চৎনগদবা মালেম অমগীদমক নাকল অনিগী ওইবা, রিজনেল অমসুং ইন্তর্নেস্নেল কোওপরেসন হেন্না চেৎশিলহন্নবা মখোয়গী অচেৎপা ফিরেপ অদু অমুক হন্না ফোংদোকখি।

লুচিংবা অনিমক্না লৈবাক অনিগী মরক্তা পোলিতিকেল দাইলোগ মপাঙ্গল কনখৎহন্নবা অমসুং নাকল অনিমক্না কান্নগদবা ইনিসিএতিবশিং শেমগৎনবগীদমক অৱাংবা থাক্তা পাউ চাং নাইনা ফাওনবগী তঙাইফদবা অদুদা অকনবা ৱাফম থমখি।

লুচিংবশিংনা নাকল অনিগী ওইবা শেন্মিৎলোনগী মরীশিং হেন্না চেৎশিলহন্নবা, ললোন-ইতিক অমসুং ইনভেস্তমেন্ত পুক্নিং থৌগৎনবা অমসুং তেংবাং পীননবা নাকল অনিমক্তা কান্নগদবা অনৌবা লমশিংদা খঙদোকপদা য়ানখি। হীরম অসিদা মখোয়না ইকনোমিক কোওপরেসনগীদমক জোইন্ত কম্মিসনবু মপুং ফানা শীজিন্ননবা য়ানখি। লুচিংবশিংনা বাইলেতরেল ত্রেদ বেলেন্স ওইনা লৈহন্নবা অমসুং ত্রেদ বাস্কেৎ হেনগৎহন্নবা হোৎনগদবনি হায়নসু য়ানখি।

তেক্নোলোজী, লৌউ-শিংউ, কন্নেক্তিবিতী, মাইনিং, ইনর্জী অমসুং এনভাইর্নমেন্তকুম্বা সেক্তরশিংদা ইকনোমিক কোওপরেসন পাকথোক চাউথোকহনবগী মরুওইবা হেনগৎলক্লিবা অদু লুচিংবা অনিনা খঙখি।

ইকনোমিক অমসুং সোসিএল দিবেলপমেন্তদা দিজিতেলাইজেসনগী মরুওইবা থৌদাং অদু শকখঙলদুনা, লৈবাক অনিগী মরক্তা স্তেবিলিতী অমসুং থাজবা হেনগৎহন্নবা সাইবর সেক্যুরিতী য়াওনা হীরম অসিদা নাকল অনিগী ওইবা মতেং পীনবা হেনগৎনবা নাকল অনিমক্না য়ানখি।

প্রধান মন্ত্রীশিংনা লৈবাক অনি অমসুং মখোয়গী লমদমশিংগী মরক্তা কন্নেক্তিবিতীগী মরুওইবা অদু ফোংদোকখি। মখোয়না লৈবাক অনিগী মরক্তা দাইরেক্ত ফ্লাইৎ কন্নেক্তিবিতী হৌরকপবু তরাম্না ওকখি অমসুং লৈবাক অনিগী অনৌবা দিস্তিনেসনশিংদা দাইরেক্ত ফ্লাইৎ কন্নেক্তিবিতী মখা তানা হেনগৎহনবগী তঙাই ফদবা অদু ফোংদোকখি। নাকল অনিমক্না মেরিতাইম কোওপরেসন মপাঙ্গল কনখৎহনবা অমসুং ইনফ্রাস্ত্রকচর কোরিদোরশিংগী অপাম্বদা পুক্নিং চিংশিনখি।

মালেমগী খ্বাইদগী চাউবা দেমোক্রেসী অনি ওইরিবা EU অমসুং ভারতনা মল্তি-পোলর ৱর্ল্দ অমদা ঙাকশেল, চাউখৎপা অমসুং সস্তেনেবল দিবেলপমেন্ত ফংহন্নবা মান্নবা অপাম্বা লৈ হায়না লুচিংবা অনিমক্না ফোংদোকখি। মখোয়না ভারত-EU স্ত্রেতেজিক পার্তনরশিপ হেন্না চেৎশিলহন্নবা মখোয়গী অচেৎপা ফিরেপ অদু অমুক হন্না ফোংদোকখি। মসিনা নাকল অনিমক্তা কান্নবা ফংহনবতা নত্তনা মালেমগী থাক্তা কান্নবা অমা পীগনি।

প্রধান মন্ত্রী অনিমক্না UN চার্তরবু মপুং ওইনা লৌদুনা শান্তি অমসুং কাংলোনশিংদা য়ুম্ফম ওইবা ইন্তর্নেস্নেল ওর্দরগীদমক মখোয়গী অচেৎপা ফিরেপ অদু ফোংদোকখি অমসুং মালেমগী তোঙান তোঙানবা মফমশিংদা অচৌবা চয়েৎনবা অমসুং তেন্সন লৈরিঙৈ মতমদা সেক্যুরিতীগী লমদা দাইমেন্সন কয়াদা তেংবাং পীনবা য়াম্না মরু ওই হায়না য়ানখি। কাংলোনশিংদা য়ুম্ফম ওইবা ইন্তর্নেস্নেল ওর্দরগী ইকাই খুম্নবা অমসুং মালেমগী শান্তি, তংদু লৈতাবা অমসুং সেক্যুরিতী ঙাক্নবা মল্তিলেতরেল ফোরমশিংদা তেংবাং পীনবা হেনগৎনবা মখোয়না ৱারেপ লৌখি।

দিফেন্স সেক্তরদা তেংবাং পীনবা হেনগৎহনবা অমসুং হেন্না চেৎশিলহন্নবগী তঙাইফদবা অদু নাকল অনিমক্না খঙমিন্নখি। মসিগীদমক, দিফেন্স কোওপরেসনগীদমক জোইন্ত ৱার্কিং গ্রুপ য়াওনা হৌজিক লৈরিবা বাইলেতরেল মেকানিজমশিং মপুং ফানা শিজিন্ননবা মখোয়না য়ানখি।

. লুচিংবা অনিমক্না য়ুক্রেনদা লান চত্থরিবা অমসুং মসিগী শাথীবা অমসুং নুংঙাইতবা হ্যুমেনিতরী কন্সেক্সনশিং য়াওরিবা অসিদা মখোয়গী নুংনাংবা ফোঙদোক্নখি। মখোয়না UN চার্তরগী পান্দমশিং অমসুং কাংলোনশিংগা লোয়ননা, সোভরেন্তী অমসুং তেরিতোরিএল ইন্তিগ্রিতীগী ইকাই খুম্নবা য়াওনা, ইন্তর্নেস্নেল লোগা চুনবা, অচুম্বা অমসুং মতম শাংনা চৎনবা য়াবা শান্তি অমগী তঙাই ফদবা অদু অমুক হন্না ফোংদোকখি। মখোয়না য়ুক্রেনগী লান অসিনা মালেমগী ওইনা, মরুওইনা মালেমগী গ্লোবেল সাউথকী শরুকশিংদা, মালেমগী ওইবা চিঞ্জাক অমসুং ইনর্জীগী সেক্যুরিতীদা শোকহল্লিবা নেগেতিব ইম্পেক্তশিং অদুসু পনখি। মসিগী লান অসিগী মতাংদা মখোয়না ন্যুক্লিয়র খুৎলাই শিজিন্নবা, নৎত্রগা শিজিন্নবগী থিংজিনবা অসি য়াবা ঙমলোই হায়বা অসিদা মান্নবা ৱাল্লোন  থমখি। মখোয়না ইন্তর্নেস্নেল লো ঙাক্না চৎপগী মরুওইবা অদু ফোংদোকখি অমসুং UN চার্তরগা  চুনবা মওংদা, স্তেত খুদিংমক্না লৈবাক অমহেক্তগী তেরিতোরিএল ইন্তিগ্রিতী অমসুং লৈঙাক্লোন নত্ত্রগা রাজনিতীগী নীংতম্গী মায়োক্তা মপাঙ্গল শিজিন্নবা নত্ত্রগা খুদোংথীবা পীবদগী থিংগদবনি হায়না অমুক হন্না ফোংদোকখি।

লুচিংবা অনিনা তেরোরিজমগী মওং অমসুং মতৌ খুদিংমক্তা মখোয়গী অকনবা য়ানীংদবা ফোংদোকখি অমসুং তেরোরিস্তকী থবকশিংদা শেল থাদবা, থৌরাং তৌবা, শৌগৎপা নত্ত্রগা পাংথোকপা মীওইশিংদা লৈবাক অমত্তনা সেফ হেভন পীরোই হায়না অকনবা ৱাফম থমখি। নাকল অনিমক্না UN সেক্যুরিতী কাউন্সিল, UN জেনরেল এসেমব্লীগী মরী লৈনবা রিজোলুসনশিং অমসুং UN গী গ্লোবেল কাউন্তর তেরোরিজম স্ত্রাতেজি চৎনহনবগী তঙাইফদবা অদুদা অকনবা ৱাফম থমখি। মখোয়না কমপ্রিহেন্সিব কন্বেন্সন ওন ইন্তর্নেস্নেল তেরোরিজম (CCIT) অথুবা মতমদা চৎনহন্নবা অমুক হন্না অচেৎপা ৱাফম থমখি।

UNCLOS দা য়াওরিবা সমুদ্রগী ইন্তরনেস্নেল লোগী মতুং ইন্না অমসুং মেরিতাইম সেক্যুরিতী অমসুং ইন্তরনেস্নেল শান্তি অমসুং স্তেবিলিতীগী কান্ননবগীদমক্তা, মেরিতাইম সেক্যুরিতী, তেরিতোরিএল ইন্তিগ্রিতী অমসুং নেভিগেসনগী নীংতম্বা অদু মপুং ফানা ইকাই খুম্নদুনা, ইন্দো-পেসিফিক অসি ফ্রী, ওপন অমসুং কাংলোনশিংদা য়ুম্ফম ওইবা ওইনবগীদমক নাকল অনিমক্না মখোয়গী অচেৎপা ফিরেপ অদু অমুক হন্না ফোংদোকখি।

ক্লাইমেৎ চেঞ্জনা থোকহল্লিবা মরুওইবা শীংনবশিং খঙলদুনা লুচিংবা অনিমক্না ক্লাইমেৎ এক্সন ইনিসিএতিবশিংদা মতেং পীনবগী মরুওইবা অদুদা য়ানখি। ইন্তর্নেস্নেল সোলর এলাইন্স (ISA) অমসুং কোলিসন ফোর দিজাস্তর রেসিলিয়েন্ত ইনফ্রাস্ত্রকচর (CDRI) দা পোলেন্দগী মেম্বরসিপশিং খন্ননবা ভারতনা পোলিশকী মায়কৈবু পুক্নিং থৌগৎখি।

পার্লিয়ামেন্তরী কন্তেক্তশিংগী থৌদাংবু থাগৎলদুনা, লুচিংবশিংনা মখোয়গী লেজিস্লেচরশিংগী মরক্তা এক্সচেঞ্জ অমসুং কোওপরেসন হেনগৎহনবনা নাকল অনিগী মরী অমসুং অমনা অমবু খঙনবা হেনগৎহনগনি হায়না য়ানখি।

প্রধান মন্ত্রীশিংনা মতম শাংনা লৈরক্লবা মীয়ামগী মরক্তা লৈনরিবা অখন্নবা মরী অদু পনখি অমসুং মসিবু হেন্না মপাঙ্গল কনখৎহন্নবা য়ানখি। কলচর, এজুকেসন, সাইন্স, রিসর্চ অমসুং হেল্থকী লমশিংদা মতেং পীনবা হেনগৎনবা মখোয়না য়ানখি। একাদেমিক ইন্সতিত্যুসনশিংগী মরক্তা তুংলমচৎকীদমক পান্দম থম্লিবা পার্তনরশিপশিং লিংখৎনবগীদমক অহেনবা খোঙথাংশিং পায়খৎনবা অমসুং পুক্নিং থৌগৎনবা হোৎনরিবশিংবু মখোয়না তরাম্না ওকখি।

লুচিংবা অনিনা তুরিজমনা শেন্মিৎলোন অমসুং ললোন-ইতিক্কী খুদোংচাবশিং শাহৌ পীবা অমসুং লৈবাক অনিগী মীয়ামগী মরক্তা অন্দরস্তেন্দিং হেনগৎহনবদা লৌরিবা থৌদাং অদু শকখঙখি।

স্ত্রেতেজিক পার্তনরশিপ অসি ইমপ্লিমেন্ত তৌনবগীদমক, নাকল অনিমক্না 2024-2028গী চহি মঙাগী ওইবা জোইন্ত এক্সন প্লান অমদা য়ানখি।

প্রধান মন্ত্রী মোদীনা মহাক অমসুং মহাক্কী মীহুৎ কাংবুবু তরাম্না ওকপগীদমক প্রধান মন্ত্রী তুস্ক অমসুং পোলেন্দগী মীয়ামদা থাগৎপা ফোংদোকখি। মহাক্না প্রধান মন্ত্রী তুস্কপু ভারত্তা লাক্নবা বর্তন তৌখি।

*********