ভারতকী প্রধানমন্ত্রী
ভারতকী প্রধান মন্ত্রী শ্রী নরেন্দ্র মোদী অমসুং মীয়াম লৈঙাক চীনাগী রাষ্ট্রপতি শ্রী শী জিনপিংনা লৈবাক অনিগী অমসুং মালেমগী ওইবা মরু ওইবা হিরমশিংদা ৱাখল্লোন পীথোক–পীশিং তৌনবা অমসুং মালেমগী ওইরক্লিবা ফিভমশিংদা মাগী মাগী লৈবাকশিংগী চাউখৎ–থৌরাংগীদমক্তা মখোয়গী মরু ওইবা পান্দমশিং অমসুং ৱাখল্লোলশিং অদুদা কুপ্না খন্ন–নৈননবগীদমক্তা এপ্রিল ২৭–২৮, ২০১৮দা ৱুহানদা পাংথোকপা মথোয়গী অহানবা ইনফোর্মেল সমিৎতা শরুক য়াখ্রে।
মখোয়না য়ানখি মদুদি ভারত অমসুং চীনাগী অচৌবা শেনমিৎলোন অনি অমসুং মরু ওইরবা পাঙ্গলশিংগী শক্তমদা লালোং য়াৎপা অমসুং ৱারেপ লৌবগী মনীং তম্বগা লোইননা অমত্তা ওইনা শাফোংলক্লিবা লমদম অসিগী অমসুং মালেমগী ওইবা মওংদা শক্তম অমা শেম্লি। মখোয়না অপুনবা ওইনা মসি য়ানখি মদুদি ভারত অমসুং চীনাগী মরক্তা ইং–তপ্পা, তংদু লৈতাবা অমসুং খল মান্নবা মরি অসিনা লৈরিবা মালেমগী তংদু লৈতাদবা মরক অসিদা কান্নরবা পাম্বৈ অমা পুরক্লগনি। মখোয়না ৱাফম অসিদসু য়ানবা ফোংদোক্নখি মদুদি নাকল অনিগী ওইবা মরি অসিগী মতিক চাবা থৌরাং অসিনা লমদম অসিগী চাউখৎ–থৌরাং অমসুং তংদু লৈতাবা পুরক্নবগীদমক মতেং ওইনরগনি অমসুং এশিয়াগী ওইবা চহি চা অদু শেম্ননবা মতিক চাবা ফিভমশিং শেম–শারগনি। মসিগা মরি লৈননা মখোয়না নেস্নেল মোদর্নাইজেসন অমসুং মখোয়গী মীয়াম্বু হেন্না ৱাৎত–পাদবা ওইহন্নবগীদমক হেন্না নকশিন্নবা চাউখৎ–থৌরাংগী ওইবা পার্তনরশিপ অসি মপাঙ্গল কলহন্নবা ৱারেপ লৌখি।
প্রধান মন্ত্রী মোদী অমসুং রাষ্ট্রপতি শীনা লালোংগী ওইবা অমসুং তুং কোইনা চৎনগদবা মীৎয়েংদা ভারত–চীনাগী মরি অসিদা ওইরক্লিবা খোংজেলগী মতাংদা য়েংশিনখি। তুংদা লাক্কদবা মরিগীদমক্তা ওইথোকপা য়াবা পাক–চাউরবা ফম্বাক অমা শেম্ননবগীদমক্তা মখোয়না হান্নদগী শেমগৎলবা থৌওংশিংগী থোংদা লৈরিবা অপুনবা অসিবু হেন্না চাউখৎহন্ননবা মখোয়না হোৎনরিবশিং অদু পাক চাউনা হেনগৎহনবদসু অয়াবা ফোংদোক্ননখি।
লুচীংবা অনিমক্না ভারত–চীনাগী ঙমখৈগা মরি লৈনবা হিরমশিংদা থবক পাইখৎলিবা অখন্নবা মীহুৎশিংনা তৌরিবা থবকশিংগী মতাংদা মখোয়গী য়ানীংবা ফোংদোক্নখি অমসুং মদুনা ৱায়েল চুম্বা, মতিক চাবা অমসুং নাকল অনিগী ওইবা মওংদা য়ানবা পুরক্নবগীদমক্তা মখোয়না হোৎনরিবা অদু খোংজেল য়াংশিন্নবা ফোংদোক্নখি। লুচীংবা অনিমক্না নাকল অনিগী ওইবা মরিদা পাক–চাউনা কাননবা ভারত–চীনাগী ঙমখৈদা ইংথনা লৈননবা হোৎনবদা হেন্না শাফু পীখি। মসি ওইরক্নবগীদমক্তা মখোয়না মখোয়গী লান্মীশিংদা থাজবা অমসুং ৱাখল তামিন্ননবা অমসুং ঙমখৈগা মরি লৈনবা মতাংগী শিল্লাংবদা হান্না ফোংদোক্ননবা অমসুং মদুবু কান্নবা ওইহন্নবগীদমক্তা লালোংগী ওইবা লম্বী তাকখি।
প্রধান মন্ত্রী মোদী অমসুং রাষ্ট্রপতি শীনা ৱাফম অসিদা শাফু পীখি মদুদি মরু ওইবা লৈবাক অনি ওইনা ভারত অমসুং চীনাগী পাক–চাউবা অসিনা লমদম অসোমদা অমসুং মালেমদা কান্নবা ফংহল্লি। লুচীংবা অনিনা শরুক য়ামিন্নবা কান্নবশিংগী হিরম পুম্নমক্তা হেন্না খন্ন–নৈনদুনা ললোং য়াৎপগী ৱারী–ৱতাই অদুবু হেন্না মপাঙ্গল কলহনবগী তঙাইফদবশিং অদুদসু য়ানবা ফোংদোক্নখি। মখোয়না থাজনখি মদুদি অসিগুম্বা লালোং য়াৎপগী ৱারী–ৱতাই অদুনা নাকল অনিগী ওইবা ৱাখল তামিন্নবদা কান্নবা শাফু অমা পীগনি অমসুং লমদম অসোমগী অমসুং মালেমগী তংদু লৈতাবদা থৌদাং য়াগনি।
লুচীংবা অনিনা ৱাফম অসিদসু য়ানবা ফোংদোক্নখি মদুদি লৈবাক অনিগী পাক–চাউরবা চাউখৎ–থৌরাংগা মরি লৈননা থেংনরকপশিং অমসুং নেস্নেল কেপাসিতীশিংদা মীৎয়েং থম্লদুনা মরু ওইবা লৈবাক অনি অমসুং হেনগৎলক্লিবা শেনমিৎলোনগী মতুং ইন্না ভারত অমসুং চীনাদা ২১ শুবা চহি চাদা মীওইবা খুন্নাইনা মায়োক্নরিবা শিংনবশিংগা থেংননবা অমত্তা ঙাইরবা অমসুং লেংদবা পাম্বৈ অমা পুরক্নবা হোৎনবদা নাকল অনিমক্না খুৎশম্নগদবনি।
প্রধান মন্ত্রী মোদী অমসুং রাষ্ট্রপতি শীনা তেরোরিজমগী অপুনবা খুদোংথিবশিং অদুবু খঙদোকপা অমসুং তেরোরিজমগী মখল খুদিংমক্তা মখোয়গী অচেৎপা য়ানীংদবা অদু শাফু কন্না ফোংদোক্ননবগীদমক অমুক্কা হন্না পন্নখি। মখোয়না তেরোরিজমগা মায়োক্নবদা তেংবাং পীননবা মখোয় মশাবু কৎথোকচখি।
লুচীংবা অনিনা হকথেংননা, মনীং তম্না অমসুং ৱাখল্লোনশিং পীথোক–পীশিন তৌননবগীদমক ইনফোর্মেল ওইবা সমিৎ অসিদা ফংহল্লিবা খুদোংচাবশিং অসিগীদমক্তা থাগৎপা ফোংদোকখি অমসুং অসিগুম্বা অতৈ ৱারী–ৱতাইগী থৌরমশিং পাংথোকপগী মথৌ তাবশিংগী মতাংদা অয়াবা ফোংদোক্নখি। মসিগী তুংলমচৎকী ওইবা ৱারী–ৱতাই অসিনা মখোয়গী অসিগুম্বা মীৎয়েং, মরু ওইবশিং অমসুং পান্দমশিং অদুগী মতাংদা মখোয়গী লালোং য়াৎপগী ওইবা ৱারী–ৱতাইগী থাক অসি মথক্তা থাংগৎখি, মদুনা মখোয়গী মরমদম অমসুং মালেমগী পোলিসীগী ওইবা ওপ্সনশিংদা লম্বী তাক্লি। মসিনা মখোয়না ভারত–চীনাগী মরিগী তুংলমচৎকী ওইবা মাইকৈ অমগীদমক্তা শরুক য়ামিন্নবা হেনগৎহনবদসু মতেং ওইরি, মদুনা মরম ওইদুনা অনিমক্কী চাউখৎ–থৌরাংগী ওইবা অপাম্বদা অমসুং নাকল অনিগী মরক্তা খাংবা কনবগা লোইননা মান্নদবা ৱাখল্লোশিং মওং তানা শিন্দোক–শিঞ্জিন তৌবগী মতাংদা নাকল অনিগী ওইবা ইকাই খুম্নবদা য়ুম্ফম ওইগনি।
