ভারতকী প্রধানমন্ত্রী

মরূপশিং,

ভারত ইমাগী অথৌবা মচাশিংনা গলৱান তম্পাক্তা ইমা লৈবাক অসি ঙাক্নবগীদমক থৱাই কত্থোকখ্রে।

লৈবাক অসিগী সেবাদা মখোয়না অথোইবা কত্থোকখিবা অসিগীদমক ঐনা মখোয়বু খুরুমজরি, মখোয়দা তৌবীমল খঙবা উৎপগা লোয়ননা শ্রদ্ধাঞ্জলি কৎচরি।

 অসিগুম্লবা অৱাবগী তানফম অসিদা অথৌবশিং অসিগী ইমুং-মনুংশিংগী অৱাবদা শরুক য়াজরি।

ঙসি লৈবাক পুম্বা অদোমগীদমক্তা লেপ্লি, লৈবাক পুম্বনা অদোমগীদমক খল্লি।

ঐখোয়গী অথৌবশিং অসিগী কত্থোকপা অসি লেম্না মাংলোই।

ওইনীংবা ফিভম অমা হেক্তা ওইসনু, ভারতনা অকনবা মওংদা য়াম্না চেকশিন্না লম ইঞ্চী অমগী ওইরবসু লৈবাক অসিগী মশাগী ওইবা ইকাই খুম্নবা অদু ঙাক্কনি।

ভারত অসি নাৎ-চৎনবীগী ওইনা শান্তি পাম্বা লৈবাক্নি। ঐখোয়গী পুৱারী অসি শান্তিগী ওইবা মওংদা লৈখ্রে।

ভারতকী ফজবা ৱাখল্লোনগী ওইবা মন্ত্রসু অদুম্মক লৈরিঃ লোকাঃ সমস্তাঃ সুখিনোং ভবন্তু। 

য়ুগ খুদিংদা ঐখোয়না শান্তিগী, মীওইবা পুম্বগী য়াইফনবগীদমক্তা খন্দুনা লাক্লি।

মতম পুম্নমক্তা ঐখোয়না ঐখোয়গী য়ুম্লোন্নবশিংগা তেংবাংনদুনা অমসুং মরূপ-মপাং ওইবগী মওংদা পুন্না থবক তৌমিন্নরি। মতম পুম্বদা মখোয়গী চাউখৎনবা অমদি নুংঙাই-য়াইফনবা খল্লি।

করিগুম্বা মতমদা ৱাখল্লোন মান্নদবা লৈরকপদা ৱাখল মান্নদবা অদু মরৈ য়েৎনবদা, খেৎনবশিংদগী থোরকপা য়েৎনবশিংগী মওংদা ওনখিদনবা হোৎনদুনা লাক্লি।

ঐখোয়না কৈদৌনুংদা কনাবুসু শিংনরুদে, অদুবু ঐখোয়না ঐখোয়গী অপুনবা শক্তম অমদি নীং-খা তম্বগীদমক্তদি কৈদৌনুংদা য়াশিন্নবসু তৌদে।

মতম লাকপদা ঐখোয়না ঐখোয়গী লৈবাক্কী অপুনবা শক্তম অমদি নীং-খা তম্বা অসি ঙাকপদা ঐখোয়গী লৈজবা থৌনা পুথোক্তুনা অমসুং তৌবা ঙম্বশিং অদু পুথোক্তুনা উত্তুনা তাকই।

থাদোকপা অমদি মহৈ-মশিং হৈবনা ঐখোয়গী হৌন-লোনচৎকী শরুক ওইবা অসিগা লোয়ননা ইচং থৌবা অমসুং থৌনা লৈবা অসিসু ঐখোয়গী লৈবাক অসিগী হৌন-লোনচৎকী শরুক ওইরিবনি।

ঐখোয়গী জৱানশিংগী কত্থোকপা অসি লেম্না মাংলোই হায়না ঐনা লৈবাক অসিদা থাজবা পীবা পাম্মি।

ঐখোয়গী ওইনা ভারতকী অপুনবা অমসুং নীং-খা তম্বা অসিনা খ্বাইদগী অথোইবনি অমসুং মসি ঙাকপদা ঐখোয়বু কনানসু থিংবা ঙম্লোই।

মসিগী মতাংদা কনানসু ৱাখল চমম্নবা অমসুং চিংনবা খজিক্তং ফাওবা লৈবীগনু।

ভাতরনা শান্তি পাম্মি। অদুবু ভারত অসিবু শিংনবা হৌরক্লবদি চপ চাবা পাউখুম পীগনি। 

ঐখোয়গী লান্মীশিংনা হাৎনবা মতমদা থৱাই থাখ্রিবা অসিগীদমক ঐখোয়না চাউথোকচৈ। ঐনা ময়াম পুম্নমকপু মিনিৎ অনিখক্তং তুমিন্না লৈবিদুনা অথৌবশিং অসিবু শ্রদ্ধাঞ্জলি পীমিন্নসি হায়না হায়জরি।