ভারতকী প্রধানমন্ত্রী

ভারতকী প্রধান মন্ত্রী, হিস এক্সেলেন্সী শ্রী নরেন্দ্র মোদীগী চেবাউ পীদুনা, কতারগী রাজ্যগী অমির, হিস হাইনেস শৈখ তামিম বিন হামদ অল-থানিনা ২০২৫গী ১৭-১৭দা ভারত্তা থুংলরে। হিস হাইনেস অমিরগা লোইননা মন্ত্রীশিং, ওফিসিয়েলশিং অমসুং বিজনেস লীদরশিং য়াওবা অৱাংবা থাক্কী ওইবা দেলিগেশনগা লোইনরকখি। মসিনা ভারত্তা হিস হাইনেস অমিরগী অনিশুবা খোংচৎনি। 

হিস হাইনেস অমিরবু ইকাইখুম্নরবা ভারতকী রাস্ত্রপতি, শ্রীমতি দ্রোপতি মুর্মু অমসুং প্রধান মন্ত্রী, শ্রী নরেন্দ্র মোদীনা ফেব্রৱারীগী ১৮দা রাস্ত্রপতি ভাৱনগী ফোরকোর্ত্তা ওকখি অমসুং মহাকপু চৎনবীগী ওইবা থৌগল্লোনগা লোইননা ওকখি। ইকাইখুম্নরবা রাস্ত্রপতিনশু হিস হাইনেস অমির অমসুং মহাক্কা লোইনরকখিবা দেলিগেশনশিং অদুবু ইকাইখুম্নবা ওইনা মখোয়বু ওকপগী থৌরম অমা ওইনা চাক্লেন অমশু শিনখি।

প্রধান মন্ত্রী, শ্রী নরেন্দ্র মোদীনা ফেব্রৱারী ১৮দা হাইদ্রবাদ হাউসতা হিস এক্সেলেন্সী অমিরগা বাইলেতরেল তোকশিং পাংথোকখি। লুচিংবা অণিমক্না পুৱারি ওইরবা লাল্লোল-ইতিক্কী মরিশিং, মীশিং মরক্তা লৈরিবা তৎন-থানা য়াদ্রবা অচেৎপা মরিশিং অমসুং লৈবাক অনি অসিগী মরক্তা লৈরিবা অচেৎপা মরি অদুগী মতাংদা শানখি। মখোয়না লৈবাক অনি অসিগী মরক্তা মাইকৈ কয়া অমগী মতাংদা থম্লিবা মরিশিং অদুবু মখাতানা অমুক্কশু হেন্না চাউথোকহনবা অমসুং হেন্না চেৎশিনহন্নিংবগী অপাম্বা ফোংদোকখি। মসিগা মরি লৈননা, মখোয়না নাকল অনিমক্কী মরক্তা ‘েগ্রীমেন্ত ওন দ ইস্তাব্লিসমেন্ত ওফ বাইলেতরেল স্ত্রেতেজিক পার্তনরশিপ’কী খুৎয়েক পীনবগী মতাংদা নুংঙাইবা ফোংদোকখি।

নৌনা থমখিবা স্ত্রেতেজিক পার্তনরশিপ অসিগী মতাংদা, নাকল অনিমক্না হিরম খুদিংমক্তা, পোলিতিকেল, ত্রেদ, ইনভেস্তমেন্ত, সেক্যুরিতী, ইনর্জীম কলচর, এজুকেশন, তেকনোলোজী, ইন্নোভেশন, সস্তেনেবিলিতী অমসুং মী মশেলগী মরক্তা থম্লিবা মরিদা হেন্না রেগুলর ওইবা মওংদা অমসুং নিংথিনা স্ত্রকচর তৌরবা কোওপরেশন পীনদুনা নাকল অনিম্কী মরক্তা লৈরিবা মরি অদুবু হেন্না মখতানা চেৎশিহন্নবগী ফিরেপ অদু লৌখি। মসিগী মতাংদা নাকল অনিমক্না রিভাইস তৌরবা দবল তেক্সেশন এভোইদেন্স এগ্রীমেন্তকী খুৎয়েক পীনবা অমসুং ইন্দিয়া-কতার বাইলেতরেল ইনভেস্তমেন্ত ত্রীতীগী মতাংদা খন্ননবগী মতাংদাশু য়ানখিবা অদুগীদমক্তশু নুংঙাইবা ফোংদোকখি।

থাক কয়া অমদা য়াম্না তোইনা ইন্তরেক্সনশিং পাংথোকপনা মলতিফেসেতেদ ওইবা বাইলেতরেল কোওপরেশনদা ইনোৎ অমা হাপ্পদা য়াম্না চাউনা মতেং পাংখিবা অসিদা নাকল অনিমক্না অপেনবগা লোইননা ফোংদোরকখি। মখোয়না ২০১৫গী মার্চতা ভারত্তা হিস এক্সেলেন্সী অমির মাইপাকপা খোংচৎ অমসুং ২০১৬গী জুন অমসুং ২০২৪গী ফেব্রৱারীদা প্রধান মন্ত্রীগী কতার খোংচৎশিং অদুগী মতাংদা হৌদোক্তুনা নিংশিংখি। নাকল অনিমক্না মিনিস্তরশিং অমসুং সেনিয়র-ওফিসিয়েলশিংগী থাক্তা চাং নাইনা বাইলেতরেল মেকানিজমশিংগী খুত্থাংদা অৱাংবা থাক্কী এক্সচেঞ্জশিং মখাতানা চত্থনবা য়ানবা পুরকখি।

নাকল অনিমক্না ত্রেদ অমসুং কমর্স অসি লৈবাক অনি অসিগী মরক্তা বাইলেতরেল ইকোনোমিক কোওপরেশনগী য়াম্না লিংবা ঙাক্লৌ অমা ওইরিবনি হায়না পনখি অমসুং বাইলেতরেল ত্রেদতা মখতানা শাহৌ পুরক্নবগী অমসুং দাইভর্সিফিকেশনগী পোতন্সিয়েল অদুগী মতাংদা য়াম্না মরু ওইনা পনখি। নাকল অনিমক্না হৌজিক-হৌজিক লৈরিবা ত্রেদ অমসুং কমর্সকী জোইন্ত ৱার্কিং গ্রুপ অদুবু ত্রেদ অমসুং কমর্সকী জোইন্ত কমিসনগী থাক্তা পুখৎলকপা অদুবু য়াম্না তরাম্না ওকখি।জোইন্ত কমিসন অসিনা লৈবাক অনি অসিগী মরক্তা লৈরিবা ইকোনোমিক্কী ওইবা মরিশিং পুম্নমক অদুবু রিভ্যু তৌনবা অমসুং মোনিতর তৌনবা ইনস্তিত্যুস্নেল মেকানিজম অমা ওইগনি অমসুং নাকল অনিমক্তা কমর্স অমসুং ইন্দস্ত্রী মন্ত্রীশিংনা লুচিংগনি।

নাকল অনিমক্না মখোয়গী বিজনেসশিং অমসুং মখোয়গী ইন্দস্ত্রী বোদীশিং অদুগী মরক্তা কোলাবোরেশন হেন্না হেনগৎহনবগী মতাংদা মরু ওইবা থমখি। মসিগা মরি লৈননা মখোয়না ২০২৫গী ফেব্রৱারী ১৩দা জোইন্ত বিজনেস কাউন্সিলগী অহানবা মীফম পাংথোকপা অদুবু য়াম্না তরাম্না ওকখি।

নাকল অনিমক্না লৈবাক অনি অসিগী মরক্তা হেন্না ফগৎলবা অমসুং মখল-মখা কয়াগী ওইবা ত্রেদকী স্ত্রেতেজীশিং থিজিন্নবগী তঙাইফদবা অমসুং গুদস অমসুং সর্বিসশিংদা ত্রেদকা মরি লৈনবা প্রাবোরিতী মার্কেত ইশুশিং অদুবু য়েংশিন্নবগী মতাংদা য়ানখি। মসিগী মতাংদা, নাকল অনিমক্না বাইলেতরেল কমপ্রেহেন্সিব ইকোনোমিক পার্তনরশিপ এগ্রীমেন্ত অমাগী মতাংদা খুৎয়েক পীনবগী ওইথোকপা য়াবা অদুগী মতাংদা থিজিন্নবা য়ানখি। নাকল অনিমক্না ২০৩০ ফাওবদা বাইলেতরেল ত্রেদ শরুক অনি থোক্না হেনগৎহন্নবগী তার্গেত থম্লি।

কতার অমসুং ভারতকী য়াম্না লিংবা স্ত্রেতেজিক ওইবা মরি অমা লৈ অমসুং ভারতকী ইকোনোমী অসিনা য়াম্না য়াংনা চাউখৎলক্লিবা ইকোনোমীশিংগী মনুংদা অমা ওইবনা, ভারতকূই মাইকৈদগী কতার ইনভেস্তমেন্ত ওথোরিতী  (QIA)না ভারত্তা ওফিস অমা হাংদোক্নবগী ফিরেপ অদুবু য়াম্না তরাম্না ওকখি। নাকল অনিমক্না জোইন্ত তাস্ক ফোর্স ওন ইনভেস্তমেন্তনা ২০২৪গী জুনদা পাংথোকখিবা মখোয়গী অহানবা মীফমদা খুমাং চাউশিনখিবা অদুবু অপেনবা ফোংদোকখি, মসিদা ভারত্তা ইনভেস্ত তৌনবগী এভেন্যুশিংগী মতাংদা খন্নখি।  

কতার মাইকৈদগী ভারতনা ফোরেন দাইরেক্ত ইনভেস্তমেন্ত অমসুং ফোরেন ইনস্তিত্যুস্নেল ইনভেস্তমেন্তকীদমক্তা য়াম্না কন্দ্যুসিব ওইবা এনভাইরনমেন্ত অমা শেম্নবা লৌখৎখিবা খোংথাংশিং অদুবু য়াম্না থাগৎখি অমসুং ইনফ্রাস্ত্রকচর, তেক্নোলোজী, মেন্যুফেকচরিং, ফুদ সেক্যুরিতী, লোজিস্তিক্স, ওসপিতেলিতী অমসুং নাকল অনিমক্তা কান্নগদবা হিরম কয়া অমা য়াওনা তোঙান-তোঙানবা সেক্তরশিংদা ইনভেস্তমেন্ত তৌনবগী খুদোংচাবা কয়া অমা এক্সপ্লোর তৌনিংবগী অপাম্বা ফোংদোরকখি। মসিগা মরি লৈননা কতারগী মাইকৈদগী ভারত্তা য়ু.এস. দোলর বিলিয়ন ১০ ইনভেস্ত তৌনবগী কমিৎমেন্ত অমা লাওথোকখি। ভারতকী মাইকৈদগীশু কতারনা মখোয়গী ইনভেস্তমেন্ত এনভাইরনমেন্ত ফগৎহন্নবা হোৎনরিবশিং অমসুং ফোরেন দাইরেক্ত ইনভেস্তমেন্ত চিংশিন্নবা লৌখৎলিবা অনৌবা খোংথাংশিং অদুবুশু থাগৎখি। ভারতনা মখোয়গী স্ত্রেতেজিক ওইবা মফম, মালেমগী থাক্তা লৈবা ইনফ্রাস্ত্রকচর অমসুং বিজনেস ফ্রেনলী ওইবা পোলিসীশিং অদু শিজিন্নদুনা গুদস অমসুং সর্বিসকীদমক্তা রিজনেল হব অমা ওইনা চাউখৎলক্লিবা অবুশু মশক খঙঙি। নাকল অনিমক্না ইনভেস্তমেন্ত অমসুং ত্রেদ এক্সপান্সনগীদমক্তা অনৌবা খুদোংচাবশিং য়েংনবগীদমক্তা ইনভেস্তমেন্ত ওথোরিতীশিং, ফাইনান্সিয়েল ইনস্তিত্যুশনশিং অমসুং বিজনেসকী মরক্তা কোওপরেশন হেন্না লৈহনবগী মরু ওইবা অদুগী মতাংদা য়াম্না মরু ওইনা পনখি।

পার্তীশিং অদুনা মখোয়গী মশা-মশাঘি লেজিস্লেশনশিং অমসুং মখোয়না পা্রতী ওইরিবা ইন্তর্নেস্নেল কনভেন্সনশিং অদুগী প্রোভিজনশিং অদুগী মতুং ইন্না লৈবাক অনী অদুগী মরক্তা নাকল অনিমক্তা কান্নগদবা ত্রেদ অমসুং ইকোনোমিক কোওপরেশনবু হেন্না চাউথোকহল্লগনি অমসুং হেন্না চেৎশিনহল্লগনি। মখোয়না ত্রেদকী স্তেবল গ্রোথ অমসুং দাইভর্সিফিকেশন ফংনবগীদমক্তা তেংবাং পীনগনি, এক্সচেঞ্জ প্রোদক্তশিং অদুগী ভোল্যুম হেনগৎহল্লগনি অমসুং সিস্তেমেতিক ওইবা অমসুং লিশাং-শিৎনা ওইনা মওংদা ম্যুচুৱল সর্বিসশিং পীগনি। মসিগি মথক্তা মখোয়না লৈবাক অনি অসিগি প্রাইভেত সেক্তরশিংগী মরক্তা জোইন্ত প্রোজেক্তশিং পাইখৎনবগী পুক্নিং চিংশিন্নবা অমসুং থৌগৎনবা পাম্বৈশিং লৌখৎকনি। মসিগী মতাংদা নাকল অনিমক্না ২০২৫কী ফেব্রৱারী ১৮দা লৈবাক অনি অসিগী কমর্স অমসুং ইন্দস্ত্রী মন্ত্রীশিংনা জোইন্ত বিজনেস ফোরম মিফম হৌদোকখিবা অদুবু য়াম্না তরাম্না ওকখি।

শেনমিৎলোন চাউখৎহনবদা বিজনেসনা লৌরিবা মরু ওইবা থৌদাং অদুবু মশক খঙলদুনা নাকল অনিমক্না কমর্সিয়েল পার্তনরশিপ প্রোমোত তৌনবা, বাইলেতরেল ত্রেদ হেনগৎহন্নবা অমসুং মখল-মখা কয়া হেনগৎহন্নবা, অমসুং ইনভেস্তমেন্ত হেগৎহন্নবগীদমক্তা য়াম্না মরু ওইবা স্ত্রেতেজিক প্লেতফোর্ম অমা ওইনা ত্রেদ একজিবিশনশিংগী মরু ওইবা অদুগী মতাংদা য়াম্না মরু ওইনা পনখি। মসিগী পান্দমশিং অসি ফংনবা, নাকল অনিমক্না এন্তরপ্রাইজশিংবু খুদোংচাবশিং মশক খঙদোক্নবা, মার্কেত্তা থেংনরিবা শিংনবশিং, অমসুং ইন্তর্নস্নেল ত্রেদ একজিবিশনশিংদা শরুক য়াবা হেনগৎহন্নবা মখোয়গী মতেং পাংনবা মখোয়গী এক্সপোর্ত প্রোমোশন এজেন্সীশিং অদুগী মরক্তা কোলাবোরেশন হেনগৎহল্লগনি। মসিগী অণৌবা থৌরাং অসিনা লৈবাক অনি অসিগী বিজনেসশিংবু মখোয়গী প্রোদক্তশিং উৎথোকপদা, অনৌবা ভেঞ্চরশিং য়েংবদা অমসুং সসস্তেনেবল কমর্সিয়েল তাইশিং থম্বা ঙমহল্লগনি।

নাকল অনিমক্না কতারদা QNBগী পোইন্ত ওফ সেলসতা ভারতকী য়ুনিফাইদ পেমেন্ত ইন্তরফেস (UPI)বু মথৌ তৌহনবা অদুবু তরাম্না ওকখি। মখোয়না মশা-মশাগী করেন্সীশিংদা বাইলেতরেল ত্রেদকী সেতলমেন্ত তৌনবগী য়ানবা অমা পুরকখি। GIFT সিতীদা QNBগী ওফিস অমা হাংহন্দুনা ভারত্তা QNBগী এক্সপান্স অদুবু তরাম্না ওকখি।

নাকল অনিমক্না ইনর্জী ইনফ্রাস্ত্রকচরদা ত্রেদ অমসুং ম্যুচুৱল ইনভেস্তমেন্ত প্রোমোদ তৌদুনা অমসুং জোইন্ত তাস্ক ফোর্স ওন ইনর্জী য়াওনা নাকল অনিমক্তগী মরি লৈনবা স্তেকহোল্দরশিংগী ওইবা মীফমশিং চাং নাইনা পাংথোক্তুনা বাইলেতরেল ইন্রজী কোওপরেশনবু হেন্না হেনগৎহন্নবা থবক তৌগনি।

লুচিংবা অনি অদুনা চপ মান্ননা ক্রো-বোর্দর তেরোরিজম য়াওনা তেরোরিজমগী শক্লোন অমসুং শক্তম,  খুদিংমক্তা হকচিন্না য়ানিংদবা ফোংদোকখি অমসুং বাইলেতরেল অমসংউ মলতিলেতরেল মেকানিজমশিংগী খুত্থাংদা মসিগী অকি-তুজুংবগী মচাক অমা ওইরিবা অসিগা লানথেংনবদা তেংবাং পীননবগী মাতংদশু য়ানখি। মখোয়না ইনফোর্মেশন অমসুং ইন্তেলিজেন্স শিয়রিং, দেবেলপিং অমসুং এক্সপরিয়েন্সশিং এক্সচেঞ্জ তৌবা, খ্বাইদগী হেন্না ফবা প্রক্তিসশিং অমসুং তেক্নোলোজীশিং, কেপাসিতী বিলদিংদা তেংবাং পীননবা অমসুং লো এনফোর্সমেন্ত, এন্তি মনী লোন্দরিং, দ্রগ-ত্রাফিক্কিং, সাইবরক্রাইম অমসুং অতোপ্পা ত্রান্সনেস্নেল ক্রাইমশিংদা তেংবাং পীননবা য়ানখি। লুচিংবা অনি অদুনা তেরোরিজম, রেদিকেলাইজেসন অমসুং খুনাই অসিদা নুংশি-চাননা ইংনা চিক্না লৈরিবা অসিদা অকাইবা পীনবগীদমক্তা সাইবরস্পেস শিজিন্নবদগী থিংবনাচিংবশিং অসি য়াওনা, সাইবরসেক্যুরিতীগী মতাংদা কোওপরেশন পীনবা অদুবু য়োকখৎনবগী লম্বিশিং অমসুং পাম্বৈশিং অদুগী মতাংদশু খন্নখি। মখোয়না সেক্যুরিতী অমসুং লো এনফোর্সমেন্তকী মতাংদা জোইন্ত কমিতীগী মীফম তোইনা পাংথোকপগী মরু ওইবা অদুগী মতাংদা য়াম্না মরু ওইনা পনখি।

নাকল অনিমক্না বাইলেতরেল তাইশিং অসিগী য়াম্না মরু ওইবা ঙাক্লৌ অমা ওইনা হকশেলগী মতাংদা খুৎশম্নদুনা থবক তৌমিন্নবা হায়বসিগী মতাংদা য়াম্না মরু ওইনা লৌখি অমসুং মসিগী য়াম্না মরু ওইবা সেক্তর অসিদা মখাতানা হেন্না কন্না খুৎশম্নদুনা থবক তৌমিন্ননবগী ফিরেপ লৌখি। নাকল অনিমক্না হকশেলগী মতাংদা জোইন্ত ৱার্কিং গ্রুপকী খুত্থাংদা য়াওনা কোবিদ-১৯ লাইচৎকী মতমদা বাইলেতরেল কোওপরেশন পীনখিবা অদুবু য়াম্না থাগৎখি। ভারতকী মাইকৈদগী কতারদা ভারতকী ফার্মচ্যুতিকেল প্রোদক্তশিং অমসুং মেদিকেল দেভাইসশিং এক্সপোর্ত হেনগৎহন্নবগী অপম্বা ফোংদোকখি। নাকল অনিমক্না নেস্নেল কমপনীশিং অমসুং ফার্মস্যুতিকেল প্রোদক্তশিং রেজিস্ত্রেশন তৌনবগী অপাম্বশু ফোংদোরকখি।

নাকল অনিমক্না নৌনা থোরক্লিবা তেক্নোলোজীশিং, স্তার্তঅপশিং অমসুং আর্তিফিসিয়েল ইন্তেলিজেন্স য়াওনা তেক্নোলোজী অমসুং ইন্নোভেশনদা হেন্না কন্না খুৎশম্নদুনা থবক তৌমিন্নবগী অপাম্বা ফোংদোনরকখি। মখোয়না ই-গোবর্নেন্সবু হেন্না চাউথোকহন্নবগী অমসুং দিজিতেল সেক্তরদা খ্বাইদগী হেন্না ফাবা প্রক্তিসশিং শিয়র তৌনবগী হিরমশিংগী মতাংদা খন্নখি।নাকল অনিমক্না ২০২৪-২৫তা কতারগী দোহাদা পাংথোকপা ৱেব সম্মিতশিংদা ভারতকী স্তার্তঅপশিংনা শরুক য়াবা অদুব য়াম্না তরাম্না ওকখি।

ফুদ সেক্যুরিতীগী মরু ওইবা অমসুং সপ্লাই চেনশিংগী ঙাকশেনবগী মতাংদা নাকল অনিমক্না য়াম্না মরু ওইনা খন্নখি অমসুং লম অসিদা মখাতানা খুৎশম্নদুনা থবক তৌমিন্নবগী অয়াবা ফোংদোকখি। 

নাকল অনিমক্না কলচরেল ইভেন্তশিংদা শরুক য়াদুনা অমসুং লৈবাক অনিমক্তা লৈরিবা কলচরেল ইনস্তিত্যুশনশিংগী মরক্তা ইফেক্তিব পার্তনরশিপপু সপোর্ত তৌদুনা কলচরেল কোওপরেশনবু হেন্না ফগৎহনবগী মরু ওইবাগী মতাংদা য়াম্না মরু ওইনা খন্নখি। মখোয়না ম্যুভুৱল এক্সচেঞ্জ অমসুং স্পোর্তসমেনশিংনা চত্থোক-চৎশিন তৌবা, ৱার্কশোপশিং, সেমিনারশিং অমসুং কনফরেন্স শিনবা,লৈবাক অনিমক্কী মরক্তা স্পোর্তসকী পব্লিকেশনশিং এক্সচেঞ্জ তৌনবনচিংবা কয়া অসি য়াওনা স্পোর্তসকী লমদশু খুৎশম্নদুনা থবক তৌমিন্ননবা ৱারেপ লৌখি। মসিগী মতাংদা নাকল অনিমক্না য়াম্না অনকপা মতম অমদা ইন্দিয়া-কতার য়িয়র ওফ কলচর, ফ্রেনশিপ অমসুং স্পোর্তস সেলেব্রেত তৌনবা ফিরেপশিং অদুবু য়াম্না তরাম্না লৌখি।

নাকল অনিমক্না এজুকেশন হায়বসিশু  খুৎশম্নদুনা থবক তৌমিন্নবগী য়াম্না মরু ওইবা লম অমনি হায়না পনখি, মসিদা মখোয়না লৈবাক অনিমক্কী মরক্তা ইনস্তিত্যস্নেল লিঙ্কেজ অমসুং অৱাংবা থাক্কী মহৈ লোইশংশিংগী মরক্তা এক্সচেঞ্জ তৌনবগী মতাংদা খন্নখি। মখোয়নালৈবাক অনিমক্কী মরক্তা একাদেমিক এক্সচেঞ্জশিং, জোইন্ত রিসর্চ, মহৈরোইশিং অমসুং স্কোলারশিংগী এক্সচেঞ্জ অমসুং য়ুনিভর্সিতীগী মরক্তা খুৎশম্নদুনা থবক তৌমিন্নবা য়াওনা এজুকেস্নেল ইনস্তিত্যুশনশিংগী মরক্তা ইন্তরেক্সনশিং হেনগৎহন্নবগী মতাংদা খন্নখি।

নাকল অনিমক্না ভারত-কতারগী পুৱারি ওইরবা মরি অদুগী য়াম্না মরু ওইবা য়ুম্বি অমা ওইরিবা মীশিংগী মরক্তা তৎন-থানবা য়াদ্রবা চহি চা কয়াগী অচেৎপা মরি অদুবু য়াম্না হকচিন্না লৌখি। কতারি লুচিংবশিংনা ভারতকী কম্যুনিতীনা কতারদা মখোয়না লৈরিবা লৈবাক অদুগী খুমাং-চাউশিন্নবা অমসুং চাউখৎ-থৌরাংগীদমক্তা লৌখিবা থৌদাং অমসুং থৌখিবা থবকশিং অদুগীদমক্তা থগৎপা ফোংদোক্লদুনা কতারদা লৈরিবা ভারতকী নাগ্রিকশিংবু মখোয়গী শান্তি পাম্বা মতৌ আমসুং হোৎনবা কনবগী মতৌ অদুগীদমক্তা য়াম্না ইকাইখূম্নৈ। ভারতকী মাইকৈদগী কতারদা লৈরিবা অসুক চাউখ্রবা অমসুং ভাইব্রেন্ত ওইরবা ভারতকী কম্যুনিতী অসিগী য়াইফ-থৌরাং অমসুং নুংঙাই-য়াইফনা থম্নবগীদমক্তা কতারগী লুচিংবশিংনা হোৎণরিবশিং অদুগীদমক্তা য়াম্না থাগৎপা ফোংদোকখি। কতারগী মাইকৈদগী কতারি নেস্নেলশিংগীদমক্তা ই-ভিজা ফেসিলিতীগী এক্সতেন্সন অদুবু য়াম্না তরাম্না ওকখি।

নাকল অনিমক্না মেনপাৱর মোবিলিতী অমসুং হ্যুমেন রিসোর্সশিংগী লমদা লিশাং-শিৎনা লেরক্লবা অমসুং পুৱারিদগী হৌনা খুৎশম্ননা থবক তৌমিন্নবগী ৱাহন্থোক অমসুং মরু ওইবা অদুগী মতাংদা য়াম্না মরু ওইনা পনখি। নাকল অনিমক্না এক্সপাত্রিয়েতস, মেনপাৱর মোবিলিতী, দিগনিতি, সেফতী অমসুং ৱার্করশিংগী য়াইফ-থৌরাং অমসুং মাইকৈ অনিমক্তা কান্নগদবা হিরমশিংগা মরি লৈনবা ৱাফমশিং অদুবু লোইশিন্নবা লেবর অমসুং এমপ্লোইমেন্তকী মতাংদা জোইন্ত ৱার্কিং গ্রুপকী মিফমশিং য়াম্না তোইনা পাংথোক্নবশু য়ানখি।

নাকল অনিমক্না মিদল ইস্ততা লৈরিবা সেক্যুরিতীগী ফিভম য়াওনা নাকল অনিমক্কী কান্নগদবা রিজনেল অমসুং ইন্তর্নেস্নেল ইশুশিংগী মতাংদা খন্নখি। মালেমগী থাক্তা লৈবা মরৈ শংদানবা য়ানদবশিং অদুবু শান্তি লৈনা ৱারোইশিন পুরক্নবগীদমক্তা দাইলোগ অমসুং দিপ্লোমেসীগী মরু ওইবা অদুগী মতাংদা য়াম্না লুম্নালৌখি। নাকল অনিমক্না UN অমসুং মলতিলেতরেল ফোরাদা নাকল অনিমক্কী মেক্তা লৈরিবা ফজবা কোওর্দিনেশন অদুগীদমক্তশু থাগৎপা ফোংদোক্নখি।

ভারতকী মাইকৈদগী কতারগী মাইকৈদা চাউখৎলক্লিবা ভারত-GCC কোওপরেশনদা মতেং পীবগীদমক্তা অমসুং কতারগী চিয়রমেনশিপ মখাদা ২০২৪গী সেপ্তেম্বর ৯দা রিয়াধতা পাংথোকখিবা ফোরেন মিনিস্তরশিংগী থাক্তা পাংথোকপা ইনোগুরল ইন্দিয়া-GCC জোইন্ত মিনিস্তেরিয়েল মীতিং ফোর স্ত্রেতেজিক দাইলোগপু ফেসিলিতেদ তৌবগীদমক্তা থাগৎপা ফোংদোকখি। নাকল অনিমক্না ইনোগুরল ইন্দিয়া-GCC জোইন্ত মিনিস্তেরিয়ল মীতিং ফোর স্ত্রেতেজিক দাইলোগ অদুগী ফলশিং অদুবু তরাম্না ওকখি। কতারগী মাইকৈদগী হন্দক্তা এদোপ তোখিবা জোইন্ত এক্সন প্লানগী মখাদা ইন্দিয়া-GCC কোওপরেশন হেন্না হেনগৎহন্নবগীদমক্তা অঙম্বা মতেং পাংগনি হায়না ফোংদোরকখি।

UNগী রিফোর্মশিংগী মতুং ইন্না, লুচিংবা অনিমক্না মালেমনা ধেংনরিবা সিংনবশিং অদুবু লাকশিনবদা মরু ওইবা পাম্বৈ অমা ওইনা কন্তেমপোররি রিবেলিতীশিংগী UN রেফ্লেক্তিব অমগী মতাংদা য়ুমফম ওইবা রিফোর্ম তোরবা অমসুং ইফেক্তিব ওইবা মলতিলেতরেল সিস্তেমগি মরু ওইবা অদুগী মতাংদা য়াম্না মরুওইনা পনখি। নাকল অনিমক্না সেক্যুরিতী কাউন্সিল য়াওনা UN রিফোর্মশিং তৌবগী তঙাইফদবশিংগী মতাংদা য়াম্না মরু ওইনা পনখি। নাকল অনিমক্না য়ুনাইতেদ নেসন্সকী ফ্রেমৱার্ক, মখোয়গী অখন্নবা এজেন্সীশিং, অমসুং প্রোগ্রামশিংগী মনুং চন্না খুৎশম্ননা লেং মান্ননা মালেমগী শিংনবশিং অদুবু থেংননবা, লোইন-লোইননা UN সস্তেনেবল দেবেলপমেন্ত গোলশিং (SDGশিং) অদুবু মাইপাক্না ফংবা ঙম্ননবা তেক্নিকেল কোওপরেশন পীনবগী মরু ওইবা অদুগী মতাংদা য়াম্না মরু ওইনা পনখি। নকল অনিমক্না মলতিলেতরেল ফোরমশিংদা নাকল অনিমক্কী কন্দিদেচরদা সপোর্ত তৌমিন্নবা য়াওবা বুনাইতেদ নেসন্সতা য়াম্না নক্ননা কুৎশম্ননা থবক তৌমিন্নবা অমসুং তেংবাং পিনবা হাবসিগী মতাংদা য়ানখি।

কোংচৎ আদুদা মখাগী দোক্যুমেন্তশিং অসি খুৎবেক পীনখি/এক্সচেঞ্জ তৌখি, মসিনা মলতিফেসেতেদ বাইলেতরেল রেলসনশিপপু হেন্না চেৎশিনহল্লগনি লোইন-লোইননা অনৌবা হিরমশিংদা খুৎশম্নদুনা থবক তৌমিন্নবগী অনৌবা এভেন্যু কয়া অমশু হাংদোক্লগনি:

• বাইলেতরেল স্ত্রেতেজিক পার্তনরসিপ থম্নবগী মতাংদা এগ্রীমেন্ত
• দবল তেক্সেসশন লৈহন্দনবা অমসুং ইনকমদা থম্বা তেক্সশিং অমসুং মসিগী প্রোতোকোলগা মরি লৈননাফিস্কেল ইভেজনগী পরইভেন্সনগীদমক্তা এগ্রীমেন্ত রিভাইজ তৌবা
• ফাইনান্সিয়েল অমসুং ইকোনোমিক কোলাবোরেশনগী মতাংদা ভারতকী ফাইনান্স মন্ত্রালয় অমসুং কতারগী ফাইনান্স মন্ত্রালয়গী মরক্তা MoU
• য়ুথ অমসুং স্পোর্তসকী লমদা কোওপরেশন পীনবগী মতাংদা MoU
• দোক্যুমেন্তশিং অমসুং আর্কাইবশিংগী লমদা কোওপরেশন পীননবগীদমক্তা MoU
• ইনভেস্ত ইন্দিয়া অমসুং ইনভেস্ত কতারগী মরক্তা MoU
• কনফেদরেশন ওফ ইন্দিয়ন ইন্দস্ত্রী অমসুং কতারি বিজনেস এসোসিয়েশনগী মরক্তা MoU

হিস এক্সেলেন্সী অমিরনা মহাক অমসুং মহাক্কী দেলেগেশন্দা হরাও-তয়াম্না ওকপীখিবগীদমক্তা প্রধান মন্ত্রী, শ্রী নরেনদ্র মোদীবুথা ফোংদোকখি। খোংচৎ অসিনা ভারত অমসুং কতারগী মরক্তা নুংশিনবগী অচেৎপা মরি অমসুং খুৎশম্নদুনা থবক তোমিন্নবগী ৱখল্লোন অদুবু অমুক্কশু হেন্না চেৎশিনহনখ্রে। নৌহৌননা অমুক শেম্লক্লিবা পার্তনরশিপ অসিনা লেপতনা চাউখৎলকখিগনি হায়না লুচিংবশিং অদুনা থাজবা ফোংদোক্লি, লোইননা মসিনা লৈবাক অনিমক্কী মিশিংদা কান্নহল্লগনি অমসুং রিজনেল অমসুং গ্লোবল স্তেবিলিতী পুরক্লগনি হায়নশু থাজবা ফোংদোকখি।

***