ভারতকী প্রধানমন্ত্রী

প্রধানমন্ত্রী শ্রী নরেন্দ্র মোদীনা লুচীংবা কেন্দ্রগী মন্ত্রীমন্দলনা ভারত অমসুং ফিলিপিন্সকী মরক্তা তেংবাং পীনবা অমসুং কস্তম্সকী মতাংদা নাকল অনিগী ওইবা তেংবাং পীনবগী মতাংদা তৌনবা য়ানা ৱারোলদা অয়াবা পীনবা অমসুং খুয়েক পীনবগীদমক অয়াবা পীখ্রে।

য়ানা ৱারোল অসিনা কস্তমগী অরানবা থৌওংশিং থিংবা অমসুং থিজিন হুমজিনবগী থবক্কীদমক মরি লৈনবা ই-পাউশিং ফংবদা মতেং ওইরগনি। য়ানা ৱারোল অসিনা ললোন ইতিক তৌবদা খুদোংচাবা অমসুং লৈবাকশিংগী মরক্তা পোৎলমশিংগী মতিক চাবা ক্লিয়ারেন্স ফংহল্লগনি হায়নসু পানরি।

য়ানা ৱারোল অসি তঙাইফদবা লৈবাক অনিগী ওইবা লিগেলগী মচাকশিং মপুং ফারবা মতুংদা মথৌ পাংথোকপা হৌগনি।

য়ুম্ফমঃ

য়ানা ৱারোল অসিনা লৈবাক অনিগী কস্তম ওথোরিতীশিংগী মরক্তা ই-পাউ অমসুং ইন্তিলিজেন্স পীথোক-পীশিন তৌননবা লিগেল ফ্রেমৱাক অমা ফংহল্লগনি। মসিনা কস্তম্স লো, ঙাকথোকপা অমসুং কস্তমগী অরানবা থৌওংশিং অমসুং কাংলোন চুম্বা ললোন ইতিক্কী থৌওংদা মতেং পাংলগনি। পুখৎলক্লিবা য়ানা ৱোরোল অসিগী মরোলশিং অদু কস্তম্স এদমিনিস্ত্রেসন অনিনা য়ানদুনা অরোইবা মশক লেপখিবনি। দ্রাফ্ত তৌরবা য়ানা ৱারোল অসি ভারতকী কস্তমগী মথৌ তাবশিং অদুদা মরু ওইনা কস্তমগী ভেল্যুগী মতাংদা ই-পাউ অমসুং লৈবাক অনিগী মরক্তা ললোন-ইতিক তৌনগদৌরিবা পোৎলমশিংগী সর্তিফিকেৎশিং পীথোক-পীশিন তৌনবদা মিয়েং থম্লি।