ভারতকী প্রধানমন্ত্রী
ভারতপু ইন্তর্নেস্নেল অর্বিত্রেসনগী মফম ওইনবা হোৎনবা অসি প্রধান মন্ত্রী নরেন্দ্র মোদীনা লুচিংবা এন.দি.এ. সরকারগী মরুওইবা থবকশিংগী মনুংদা অমনি। লৈবাক মনুংগী অমসুং মালেমগী ওইনা অর্বিত্রেসনগী মনীং তম্বা নাইতোম লৈবা লৈঙাক অমা লৈহনবা অসি মসিগী মাইকৈ অসিগী খোঙথাং অমনি।
লাক্লিবা সংসদকী মীফমদা পুথোক্নবা নই দিল্লী ইন্তর্নেস্নেল অর্বিত্রেসন সেন্তর বিল, ২০১৯, প্রধান মন্ত্রী নরেন্দ্র মোদীনা লুচিংবা কেন্দ্রগী মন্ত্রীমন্দলগী মীফম্না ঙসি অয়াবা পীরে।
কান্নবা:
ইন্সতিতু্ৎশিংগী থাক্ত ৱায়েনবা অসিনা সরকার অমসুং মসিগী এজেন্সী অমসুং য়ানদবা লৈরিবা কাংলুপশিংদা কান্নবা কয়া ফংহনগনি।
মসিগী ফল ওইনা ভারত্তা অফবা মগুন লৈবা অখঙ-অহৈশিং মরাং কাইনা ফংলগনি অমসুং মসিনা চাদিং হন্থহনবদসু মতেং পাংগনি।
মসিনা ভারত অসি ইন্সতিতু্ৎশিংগী থাক্তা ৱায়েন্নবা মফম অমা ওইহনবদা মতেং পাংলগনি।
পাংথোক্কদবা থবকশিং:
বিল অসিনা য়ানদবশিং ইন্সতিতু্ৎশিংগী থাক্তা ৱায়েন্নবা মনীং তম্বা লুপা অমা লিংখৎপা ঙমহল্লগনি অমসুং ২০১৯গী মার্চ ২দগী ইন্তর্নেস্নেল সেন্তর ফোর ওলতর্নেতিব দিসপুত রিজোলুসন (আই.সি.এ.দি.আর.)গী মখাদা লৈবশিং নই দিল্লী ইন্তর্নেস্নেল অর্বিত্রেসন সেন্তর (এন.দি.আই.এ.সি.)দা শিন্নরে।
থবক ওইনা পাংথোকপা:
মনীংতম্বা লৈবাক মনুংগী অমসুং মালেমগী ওইবা য়ানদবশিং ৱায়েন্নবা লুপ অমা শেমগৎনবা অমসুং ভারত অসি ইন্তর্নেস্নেল অর্বিত্রেসনগী মফম ওইহন্নবা রাস্ত্রপতিনা, ২০১৯গী মার্চ ২দা বিল অসিনা নই দিল্লী ইন্তর্নেস্নেল অর্বিত্রেসন সেন্তর ওর্দিনান্স, ২০১৯গী মহুৎ শীনখি।
বিল অসিনা অসিনা নই দিল্লী ইন্তর্নেস্নেল অর্বিত্রেসন সেন্তর ওর্দিনান্স, ২০১৯ লৌথোকপদা অয়াবা পীরে অমসুং মসিগী বিল অসিগী প্রোবিজনশিংগী মখাদা পাংথোক্কদবা নত্ত্রগা পায়খৎকদবা থবকশিং অদুগা ওর্দিনান্স অসিনা পাংথোক্কদবা নত্ত্রগা পায়খৎকদবা থবকশিং কনবা ঙম্লে।
নুংগী ৱারোল:
মালেমগী অমসুং লৈবাক মনুংগী ললোন-ইতিক্কী য়ানদবশিং ওলতর্নেতিব দিসপুত রিজোলুসনগী মখাদা য়ানবা পুরক্নবা মনীং তম্বা অমসুং নাইতোম লৈবা ইন্সতিতুৎ অমা লিংখৎপা অসি ভারত সরকারগী অপাম্বনি। মসিগী মতাংদা ২০১৭তা সুপ্রিম কোর্তকী হান্নগী জজ, জস্তিস বি.এন. শ্রীকৃষ্ণনা লুচিংবা অৱাংবা থাক্কী কম্মিতী অমা শেমখি। সরকারগী ফন্দ শিজিন্নদুনা ১৯৯৫দা লিংখৎখিবা হৌজিক লৈরিবা ইন্সতিতুৎ ইন্তর্নেস্নেল সেন্তর ফোর ওলতর্নেতিব দিসপুত রিজোলুসন (আই.সি.এ.দি.আর.) অসি সরকারনা লৌশিন্নবা অৱাংবা থাক্কী কম্মিতী অদুনা রিকমেন্ত তৌখি অমসুং মদু ইন্সতিতুৎ ওফ নেস্নেল ইম্পোরতেন্স ওইনা শেমগৎনবা খঙহনখি।
অৱাংবা থাক্কী কম্মিতীগী ৱাফমশিং অসি তারদুনা, ২০১৭গী দিসেম্বর ১৫দা ফমখিবা মন্ত্রীমন্দলগী মীফম্না নই দিল্লী ইন্তর্নেস্নেল অর্বিত্রেসন সেন্তর (এন.দি.আই.এ.সি.) বিল ২০১৮ অসি সংসদতা পুথোক্নবা অয়াবা পীখি। বিল অসি ২০১৮গী জনুৱারী ৫দা লোক সভাদা পুথোকখি অমসুং ২০১৯গী জনুৱারী ৪দা লোক সভাদা পাস তৌখি। নই দিল্লী ইন্তর্নেস্নেল অর্বিত্রেসন সেন্তর (এন.দি.আই.এ.সি.) বিল ২০১৮ অসি খন্ননবা লৌখৎখিদে অমসুং রাজ্য সভাগী ২৪৮শুবা মীফমদা পাস তৌখি। মতুং তারকপদা, ২০১৯গী ফেবুৱারী ১৩দা পর্লিয়ামেন্ত সাইন দাইন এদজোর্ন তৌখি।
থবক অদুগী মরুওইবা অমসুং ভারত অসি ইন্সতিতু্ৎশিংগী থাক্ত ৱায়েন্নবা মফম অমা ওইহনবগী তঙাইফদবশিং অমসুং ভারত্তা ললোন-ইতিক তৌবা লাইহনবা হেনগৎহন্নবা ওর্দিনান্স অমা “নই দিল্লী ইন্তর্নেস্নেল অর্বিত্রেসন সেন্তর (এন.দি.আই.এ.সি.) ওর্দিনান্স ২০১৯” অসি ২০১৯গী মার্চ ২দা রাস্ত্রপতিনা চৎনহনখি। সংবিধানগী আর্তিকল ১০৭ (৫) অমসুং ১২৩ (২)গী প্রোবিজনশিং য়েংলগা নই দিল্লী ইন্তর্নেস্নেল অর্বিত্রেসন সেন্তর ওর্দিনান্স ২০১৯গী মহুৎ শিন্নবা সংসদতা নই দিল্লী ইন্তর্নেস্নেল অর্বিত্রেসন সেন্তর বিল ২০১৯ পুথোক্নবা ৱাফম হৌদোকখি।
এন.দি.আই.এ.সি. – অর্বিত্রেসনগী মালেমগী মফম অমা ওইনবা তুংগী ফিবম
নই দিল্লী ইন্তর্নেস্নেল অর্বিত্রেসন সেন্তর অসি অর্বিত্রেসনগী থবক খঙলবা, লো নত্ত্রগা মেনেজমেন্ত খঙলবা ভারতকী চীফ জস্তিসকা তান্নরগা কেন্দ্র সরকারনা হাপ্পা সুপ্রিম কোর্তকী জজ অমা নত্ত্রগা হায় কোর্তগী জজ অমা নত্ত্রগা শক্নাইরবা মীওই অমনা চেয়রপর্সন ওইনা লুচিংগনি।
মসিগী মথক্তা, লৈবাক মনুংগী অমসুং মালেমগী অর্বিত্রেসনগী মতিক চাবা লৌশিং লৈরবা ফুল তাইম নত্ত্রগা পার্ত-তাইমগী মেম্বর অনি লৈগনি। মসিগা লোয়ননা কম্মর্স অমসুং ইন্দস্ত্রীগী শকখঙলবা লুপ অমগী মীহুৎ অমা রোতেসন ওইনা পার্ত-তাইম মেম্বর ওইনা হাপকনি। লিগেল এফিয়র্স দিপার্তমেন্ত, লো এন্দ জস্তিস মিনিস্ত্রীগী সেক্রেতরী, এক্সপেন্দিচর দিপার্তমেন্তগী ফাইনান্সিয়েল এদভাইজর, ফাইনান্স মিনিস্ত্রী অমসুং সি.ই.ও.না এন.দি.আই.এ.সি.গী এক্স-ওফিসিও মেম্বরশিং ওইগনি।
এন.দি.আই.এ.সি.গী পান্দমশিং:
অ) মালেমগী অমসুং লৈবাক মনুংগী অর্বিত্রেসন পাংথোক্নবা মসিবু মাংজিল থাবা ইন্সতিতুৎ অমা ওইনা শেমগৎপা
আ) ৱাখল তামিন্নবা, শন্তাইনবা অমসুং য়াশিন্নবা পুরক্নবগীদমক খুদোংচাবশিং অমসুং লৈঙাক্কী মতেং পীবা
ই) লৈবাক্কী অমসুং মালেমগী মেদিয়েতরশিং, কন্সিলিয়েতরশিং অমসুং এক্রিদিতেদ অর্বিত্রেতরশিংগী নত্ত্রগা সর্ভেয়রশিং অমসুং ইনভেস্তিকেতরশিংগী পেনেলশিং শেম্বা
উ) অৱাংবা থাক্তা মালেমগী অমসুং লৈবাক মনুংগী ওইবা ৱায়েনবা অমসুং য়ানদবশিং য়াশিন্নবা পুরকপগী থবক পাংথোকপা
ঊ) অৱাংবা থাক্ত মালেমগী অমসুং লৈবাক মনুংগী ওইবা ৱায়েনবা অমসুং য়ানদবশিং য়াশিন্নবা পুরকপগী থবক পাংথোকপদা শেন অমসুং মতম চংহন্দবা
ঋ) অলতর্নেতিব দিসপুত রিজোলুসন অমসুং মরি লৈনবশিংগী লমদা হেন্না থিজিনবা হেনগৎহন্নবা হোৎনবা অমসুং য়ানদবশিং ৱারোইশিন পুরক্নবগী থবকশিংদা অওনবা পুরক্নবা থবক পায়খৎপা অমসুং
এ) অলতর্নেতিব দিসপুত রিজোলুসন ফগৎহন্নবা লৈবাক মনুংগী নত্ত্রগা মালেমগী অতোপ্পা সোসাইতীশিং, ইন্সতিতুৎশিং অমসুং লুপশিংগা মতেং পীনবা
