ভারতকী প্রধানমন্ত্রী

প্রধান মন্ত্রী নরেন্দ্র মোদীনা ভারতনাকোভিদ-১৯থেংন্নবামখাতানামরিলৈনবশিংগাৱাতান্নরি।ঙসিভিদিওকনফরেন্সকীখুৎথাংদামোদীনাতোঙান-তোঙানবামেদিয়াকাংবুঅমসুংভারতকীকম্পেনিশিংগীলুচিংবশিংগাৱারিশানখি।

জনুৱারি থাদগী হৌনা প্রধান মন্ত্রী মোদীনা কোভিদ-১৯ থেংন্নবা তোঙান-তোঙানবা মীফম কয়া পাংথোক্তুনা লাকলি । প্রধান মন্ত্রীগী ওফিসকী কেবিনেত সেক্রেতরি অমসুং প্রিন্সিপাল সেক্রেতরিগা প্রধান মন্ত্রীগা নুমিৎ খুদিংগী মীফম পাংথোক্লি ।
মীয়ামদগী লাপথোক্নবা প্রধান মন্ত্রীনা মহাক য়াওশঙ য়াওরোই হায়না লাউথোকখিবনি । ২০২০গী মার্চ ১৯দা প্রধান মন্ত্রীনা লৈবাক্কী মীয়ামদা ৱা ঙাংবদা ২০২০গী মার্চ ২২গী অয়ুক পুং ৭দগী নুমিদাং পুং ৯ ফাওবা মীয়ামগী কারফিয়ু পাংথোক্কনি হায়না লাউথোকখি ।

মহাক্কী ৱারোলদা প্রধান মন্ত্রীনা মীয়াম খাংবা কন্নবা অমসুং পাখৎতুনা পোৎ লৈদনবা হায়খি অমসুং মীয়ামদা পোৎলমশিং ফংহনগনি হায়না থাজবা পীখি ।

লাইচৎ অসিনা শেন-থুমদা শিংনরক্লিবা অসি থেংন্নবা কোভিদ-১৯ ইকোনোমিক রেসপোন্স তাক্স ফোর্স শেম্লে হায়না লাউথোকখি ।

ললোন-ইতিক তৌরিবা অমসুং ইনাকখুনবশিংনা মখোয়গী থবক তৌরিবা মীওইশিংগী তোলোব কক্তনবা অমসুং অসিগুম্বা মতম অসিদা মীওইবগী মীনুংশিংগী ওইবা মরুওইবা থবকশিং পাংথোক্নবা প্রধান মন্ত্রীনা তকশিনখি ।

ভিদিও কনফরেন্সিংগী খুৎথাংদা ২০২০গী মার্চ ১৯দা প্রধান মন্ত্রীনা ফারমা সেক্তরগী লুচিংবশিংগা উনখি অমসুং কোভিদ-১৯ তেস্ত তৌনবা খুৎলায়শিং য়াংনা শানবা খঙহনখি । দরকার ওইবা হিদাকশিং ফংহন্নবা অমসুং নারোনদা য়োনবা অমসুং থমজিনবশিং ঙাকথোক্নবা মহাক্না খঙহনখি ।

ভিদিও কনফরেন্সিংগী খুৎথাংদা ২০২০গী মার্চ ২০ দা প্রধান মন্ত্রীনা রাজ্যশিংগী সি এমশিংগা মীফম পাংথোক্তুনা পুন্না থবক তৌমিন্ননবা খঙহনখি । লাইচৎ অসিগী মতাংদা কেন্দ্র সরকারনা পায়খৎলিবা থবকশিং চীফ মিনিস্তরশিংদা প্রধান মন্ত্রীনা খঙহনখি ।

মীফম অদুদা চীফ মিনিস্তরশিংনা তেস্ত তৌনবা খুদোংচাবা মরাং কাইনা পীনবা অমসুং লায়রবশিং শৌগৎনবা মতেং পাংনবা হায়জখি । নারোন্দা পোৎ পৈশিনবা অমসুং থমজিনবা থিংনবা ললোন-ইতিক্কী লুপশিংগা মীফম পাংথোক্নবা প্রধান মন্ত্রীনা চীফ মিনিস্তরশিংদা খঙহনখি ।

লাইচৎ অসি থেংন্নবগী মতাংদা ২০২০গী মার্চ ১৫দা ভারতনা লুচিংদুনা সার্ক লৈবাকশিংগী লুচিংবশিংগী মীফম অমা পাংথোকখি । মীফম অদুদা কোভিদ-১৯ ইমরজেন্সি ফন্দ অমা লিংখৎনবা অমসুং মদুদা অহানবা ওইনা ভারতনা দোল্লর মিল্লিয়ন ১০ পুথোক্নবা প্রধান মন্ত্রী মোদীনা খঙহনখি ।

ইমরজেন্সি ফন্দ অসি নেপাল, ভুতান অমসুং মালদিবসনা মতেং পাংলকখি ।

তেলিফোনগী খুৎথাংদা পি এম মোদীনা ২০২০গী মার্চ ১২দা য়ু কেগী পি এম বোরিস জোনসন অমসুং ইজরেলগী পি এম নেতানয়াহুগা ৱারি শানখি অমসুং ২০২০গী মার্চ ১৭দা সাউদি অরাবিয়াগী ক্রাউন প্রিন্স মোহমদ বিন সালমানগা ৱারি শানখি ।

কোরোনাভাইরনা শোকহল্লবা চাইনা, ইতালি, ইরান অমসুং অতোপ্পা লৈবাকশিংগী ভারতমচা ২০০০ হেন্না পুরক্নবা প্রধান মন্ত্রী মোদীগী মখাদা ভারতনা থবক পায়খৎখি ।