ভারতকী প্রধানমন্ত্রী

১. ভুতানগী প্রধান মন্ত্রী দা. লোতে শেরিংগী বার্তন্দা ভারতকী প্রধান মন্ত্রী শ্রী নরেন্দ্র মোদীনা ২০১৯গী ওগস্ত ১৭তগী ১৮ ফাওবা ভুতান্দা রাজ্যগী খোংচৎ অমা চৎখি। মসি প্রধান মন্ত্রী শ্রী মোদীনা ২০১৯দা অনিরকশুবা তর্মগীদমক ওফিস পায়রবা মতুং লৈবাক অনিগী মরক্তা অহানবা খোংচৎ ওইখি।

২. পারো এয়রপোর্ত্তা থুংবগা প্রধান মন্ত্রী শ্রী মোদীবু প্রধান মন্ত্রী দা. শেরিং, মন্ত্রীমন্দলগী মীহুৎশিং অমসুং সরকারগী মকোক থোংবা ওফিসিয়েলশিংনা গার্দ ওফ ওনর অমগা লোয়ননা তরাম্না ওকখি।

৩. প্রধান মন্ত্রী শ্রী মোদীনা ভুতানগী নিংথৌ হিজ মেজেস্তী জিগমে খেসর নামগ্যেল ৱাংচুক্কা লোয়ননা উনখি। মখোয়গী মেজেস্তী নিংথৌ অমসুং মহারানীনা খোংচৎ অদু ইকায় খুম্নরদুনা নুংথিলগী চাক্লেন শিন-লাংখি। প্রধান মন্ত্রী মোদীনা মখোয়গী মেজেস্তী নিংথৌ অমসুং মহারানীবু মখোয়গী খুদোংচাবা য়েংলগা অথুবা মতমগী মনুংদা ভারত্তা লাকপীনবা বার্তন তৌখি।

৪. প্রধান মন্ত্রী শ্রী মোদীনা অমসুং প্রধান মন্ত্রী দা. শেরিংনা তোখায়না উনখি লোয়ননা মীহুৎ কাংবুগী থাক্তা ৱারী শানখি। প্রধান মন্ত্রী দা. শেরিংনা প্রধান মন্ত্রী শ্রী মোদীবু ইকায় খুম্নরদুনা রাজ্যগী চাকলেন অমসুং শিন-লাংখি।  

৫. নেস্নেল এসেমব্লী ওফ ভুতানগী ওপোজিসন লুচিংবা, দা. পেমা গ্যানশোনা প্রধান মন্ত্রী শ্রী মোদীগা উন্নদুনা ৱারী শানখি।

৬. প্রধান মন্ত্রী শ্রী মোদীনা প্রধান মন্ত্রী দা. শেরিংবু ২০১৯গী মে ৩০দা পাংথোকখিবা মহাক্কী ৱাশক লৌবগী থৌরমদা শরুক য়াবীবগীদমক থাগৎপা ফোংদোকখি অমসুং থৌরম অদুদা মখোয়না খন্ন-নৈনখিবা অদু নৌহৌনা নীংশিংখি। লুচিংবা অনিমক্না ভুতান অমসুং ভারতকী মরক্তা চাং নাইনা অৱাংবা থাক্তা পাউ ফাওনবা অসি অখন্নবা মরীগা মরুওইবা খুদম অমনি হায়না য়ানখি।

৭. ৱারী শানখিবা অদুগী মনু্দা প্রধান মন্ত্রী অনিমক্না লৈবাক অনিগী লৈনরিবা মরীশিংগা লোয়ননা রিজনেল অমসুং ইন্তর্নেস্নেল দিবেলপমেন্তশিং অদু নৌহৌনা য়েংশিনখি। লুচিংবা অনিমক্না লৈবাক অনিগী লৈনরিবা মরীদা অপেনবা ফোংদোকখি।

৮. নাকল অনিমক্না মখোয়গী সেয়র সেক্যুরিতী ইন্তরেস্তশিং অমুক হন্না য়েংশিনখি অমদি অমনা অমগী সেক্যুরিতী অমসুং নেস্নেল ইন্তরেস্তশিংদা শোকহল্লিবা হিরমশিংদা চেৎনা তেংবাং পীননবা মখোয়গী ৱারেপশিং অদু অমুক হন্না ফোংদোকখি।

৯. প্রধান মন্ত্রী শ্রী মোদীনা ভুতানগী সরকার অমসুং মীয়ামগী অনীংবা অমসুং অপাম্বগী মতুং ইন্না ভুতানগী ইকোনোমিক অমসুং ইনফ্রাস্ত্রকচরগী ওইবা দিবেলপমেন্ত হেঙ্গৎহন্নবা ভারত সরকারগী ৱারেপ অদু অমুক হন্না ফোংদোকখি। ভুতান্না মিদল ইনকম কন্ত্রী অমগী মনুং চল্লকপদা প্রধান মন্ত্রী শ্রী মোদীনা ভুতানগী সরকার অমসুং মীয়াম্বু নুংঙাইবা ফোংদোকখি।

১০. ২০১৮গী নবেম্বরদা ওফিস পায়রবা মতুং ২০১৮গী দিসেম্বরদা মহাক্কী অহানবা মপান লমগী খোংচৎ ওইনা ভারত্তা চৎখিবা অদু প্রধান মন্ত্রী দা. শেরিংনা নৌহৌনা নীংশিংখি। ভুতানগী ১২শুবা চহী মঙাগী থৌরাংদা হৌজিক হৌজিকমক তেংবাং পীনবীরিবা অমদি হৌখিবা চহী তরাগী খুজিংশিংদা ভুতানগী চাউখৎ থৌরাংদা ভারতনা লৌখিবা থৌদাশিং অদুগীদমক মহাক্না ভারত সরকারবু থাগৎপা ফোংদোকখি।

১১. লৈবাক অনিমক্না নাকল অনিমক্কী কান্ননবা লৈবাক অনিগী ওইবা তেংবাং পীনবগী খ্বাইদগী মরুওইবা লমশিংগী মনুংদা হাইদ্রো পাৱর দিবেলপমেন্তকী মরুওইবা অসি অমনি হায়না অকনবা ৱাফম থমখি। প্রধান মন্ত্রী অনিনা হন্দক্তা মপুং ফানা শাবা লোইখিবা মেগা ৱাৎ ৭২০গী মাংদেসু হাইদ্রোইলেক্ত্রিক প্লান্ত শঙ্গাখি। প্রোজেক্ত অসি মতম চানা পায়খৎপা লোইখিবদা মখোয়না অপেনবা ফোংদোকখি অমদি প্রোজেক্ত ওথোরিতী অমসুং মেনেজমেন্তপু মখোয়গী কত্থোকখিবা অদুগীদমক থাগৎপা ফোংদোকখি। প্রোজেক্ত অসি মথৌ তৌবগা লোয়ননা ভুতান্দা পুন্না শেমগৎলিবা মৈ পুথোকপগী চাং অসি মেগা ৱাৎ ২০০০ হেল্লগনি হায়বা নাকল অনিমক্না খঙমিন্নখি। মসি ফংবা ঙমখিবদা লুচিংবা অনিমক্না মখোয়গী ওইবা অপেনবা ফোংদোক্নখি অমদি পুনাৎসাংচু-১, পুনাৎসাংচু-২ অমসুং খোলোংচুগুম্বা হৌজিক পায়খৎলিবা অতোপ্পা প্রোজেক্তশিং মপুং ফানা পায়খৎনবা মখা তানা পুন্না থবক তৌমিন্ননবা ৱারেপ লৌখি। নাকল অনিমক্না সনকোশ রিজার্বর হাইদ্রোইলেক্ত্রিক প্রোজেক্ততা হৌজিক চত্থরিবা খন্ন-নৈনবগী খবক অদুসু য়েংশিনখি। প্রধান মন্ত্রী অনিমক্না পুল্লগা হাইদ্রো পাৱর সেক্তরদা নাকল অনিমক্না কান্নমিন্নরিবা ইন্দো-ভুতান কোওপরেসনগী চহী তরাগী খুজিং মঙাবু নীংশিংনীংঙাই ওইবা ভুতানগী স্তাম্প রিলিজ তৌখি। 

১২. প্রধান মন্ত্রী অনিমক্না ভুতান্দা ভারতনা ইসু তৌবা রুপে কার্দশিং শিজিন্নবগী খুদোংচাবা অদু হৌদোকখি, মদুনা ভুতান্দা লাকপা ভারতকী লমকোয়বশিংবু পৈশা পুদুনা চৎপগী দরকার ওইবা অদু হন্থহন্দুনা চাউনা কান্নহল্লগনি অমদি ভুতানগী ইকোনোমী হেঙ্গৎহল্লগনি। লৈবাক অনিমক্তা রুপে কার্দশিং মপুংফানা মথৌ তৌহন্নবা অমদি ভারত্তা লাকপা ভুতানগী লমকোয়বশিংদা কান্নবা ফংহন্নবা ভুতানগী বেঙ্কশিংনা রুপে কার্দশিং ইশু তৌবগী ওইবা মথংগী ফেজকী প্রোজেক্ততা থবক তৌনবা নাকল অনিমক্না ৱারেপ লৌনখি। রুপে হৌদোকপগা লোয়ননা, লৈবাক অনিগী মরক্তা কেসলেস পেমেন্তশিং প্রমোৎ তৌনবা ভুতান্দা ভারতকী ভারত ইন্তর্ফেস ফোর মনী (ভিম) শিজিন্ননবা স্তদী অমা তৌবদসু য়ানখি।

১৩. প্রধান মন্ত্রী অনিনা থিম্পুদা সাউথ এসিয়ন সেতলাইতকী গ্রাউন্দ অর্থ স্তেসন হৌদোকখি, মদু ইন্দিয়ন স্পেস রিসর্স ওর্গনাইজেসন (ইসরো)গী তেংবাংগা লোয়ননা শেমগৎখিবনি। প্রধান মন্ত্রী দা. শেরিংনা খা এসিয়া লমদমদা লৈরিবা লৈবাকশিংদা খুদোল অমা ওইনা ২০১৭তা সাউথ এসিয়া সেতলাইত (এস.এ.এস.) থাগৎপদা প্রধান মন্ত্রী শ্রী মোদীগী মিৎয়েং অদুবু থাগৎপা ফোংদোকখি। মদুনা ভুতান ব্রোদকাস্তিং সর্বিসকী ফিভম ফগৎহল্লে অমদি কিংদম অসিগী মনুংদা দিজাস্তর মেনেজমেন্ত কেপাসিতীশিংসু হেঙ্গৎহল্লে।

১৪. এস.এ.এস.না ভুতানগী সমাজগী শেল থুমগী চাউখৎ থৌরাংদা পীগদৌরিবা পোজিতিব ওইবা ইম্পেক্ত অদু খঙলদুনা প্রধান মন্ত্রী শ্রী মোদীনা ভুতানগী মীয়ামদা খুদোল অমা ওইনা ভুতানগী দরকার ওইরিবা অদুগী মতুং ইন্না এদিস্নেল ত্রান্সপোন্দর অমদা বেন্দৱাইদ হেঙ্গৎহন্নবা ওফর তৌখি। প্রধান মন্ত্রী দা. শেরিংনা ওফর অদু তরাম্না ওকখি।

১৫. লুচিংবা অনিমক্না ভুতানগীদমক অপীকপা সেতলাইত অমা পুন্না দিবেলপ তৌনবা কোলাবোরেৎ তৌবদসু য়ানখি। প্রোজেক্ত অসি থবক ওইনা পাংথোক্নবা অমদি ভুতানগীদমক নেচরেল রিসোর্সশিং অমসুং দিজাস্তর মেনেজমেন্ত, রিমোৎ সেন্সিং অমসুং জিও-স্পাতিয়েল দাতা শিজিন্নবগীদমক জিওপোর্তেল সিস্তেম অমা দিবেলপ তৌবা য়াওনা অতোপ্পা মরী লৈনবা থৌবক থৌরমশিং পায়খৎনবা জোইন্ত ৱার্কিং গ্রুপ অমা শেমগৎনবা মখোয়না পাউতাক পীখি।

১৬. দিজিতেল অমসুং শাফোংলক্লিবা তেক্নোলোজীশিংগা লোয়ননা পুল্লগা স্পেস তেক্নোলোজীনা ওফর তৌরিবা অকিবগী মশক ওইরবা পোতেন্সিয়েলনা লৈবাক অমগী সোসিও-ইকোনোমিক দিবেলপমেন্ত হেঙ্গৎহল্লিবা অদু খঙলদুনা নাকল অনিমক্না লম অসিদা তেংবাং পীনবা হেঙ্গৎহনবগী দরকার ওইবা অদু নাকল অনিমক্না য়ানখি।

১৭. প্রধান মন্ত্রী অনিমক্না ভারতকী নেস্নেল নোলেজ নেৎৱার্ক অমসুং ভুতানগী রিসর্স অমসুং এজুকেসন নেৎৱার্ক্কী মরক্তা ইন্তর-কনেক্সনসু হৌদোকখি। মসিগী লিঙ্ক-অপ অসিনা ইনফোর্মেসন হাইৱে অমা শেমগৎতুনা নাকল অনিমক্কী য়ুনিবর্সিতীশিং অমসুং মহৈরোইশিংগী মরক্তা ইন্তরেক্সন হেঙ্গৎহনবদা পুক্নিং থৌগৎলগনি হায়না নাকল অনিমক্না য়ানবা পুরকখি।

১৮.  খোংচৎ অসিগী মনুংদা মখাগী য়ানা ৱারোল/য়ানা চেরোলশিং একচেঞ্জ তৌনখি:

i) ভুতানগী রোয়েল সরকারগী দিপার্তমেন্ত ওফ ইনফোর্মেসন তেক্নোলোজী অমসুং তেলিকোম অমসুং ইন্দিয়ন স্পেস রিসর্স ওর্গনাইজেসনগী মরক্তা সাউথ এসিয়া সেতলাইত য়ুতিলাইজ তৌনবগীদমক সাতকোম নেৎৱার্ক লিংখৎপদা য়ানা ৱারোল

1. ii) নেস্নেল নোলেজ নেৎৱার্ক (এন.কে.এন.) অমসুং দ্রুক রিসর্স অমসুং এজুকেসন নেৎৱার্ক (দ্রুক আর.ই.এন.)কী মরক্তা য়ানা চেরোল মান্নহনবগীদমক য়ানা ৱারোল।

iii) এয়রক্রাফ এক্সিদেন্ত অমসুং ইন্সিদেন্ত ইনভেস্তিগেসন্দা এয়রক্রাফ এক্সিদেন্ত ইনবেস্তিগেসন ব্যুরো, ভারত অমসুং এয়র এক্সিদেন্ত ইনভেস্তিগেসন য়ুনিৎ, ভুতানগী মরক্তা য়ানা ৱারোল।

iv-vii) রোয়েল য়ুনিবর্সিতী ওফ ভুতান অমসুং কানপুর, দিল্লী অমসুং মুম্বাইদা লৈরিবা আই.আই.তি.শিং অমদি এন.অই.তি. সিলচরগী মরক্তা একাদমিক একচেঞ্জশিং অমসুং এস.তি.ই.এম. কোওপরেসন হেঙ্গৎহনবদা য়ানা ৱারোল মরি (০৪)।

viii) নেস্নেল লো স্কুল ওফ ইন্দিয়া য়ুনিবর্সিতী, বেঙ্গলোর অমসুং জিগমে সিংয়ে ৱাংচুক স্কুল ওফ লো, থিমফুগী মরক্তা পার্তী অনিগী মরক্তা মরী হেঙ্গৎহনবা অমদি লেগেল এজুকেসন অমসুং রিসর্সকী লমশিংদা একাদমিক অমসুং কলচরেল ইন্তরচেঞ্জ দিবেলপ তৌনবা য়ানা ৱারোল।

1. ix) ভুতান নেস্নেল লেগেল ইন্সতিত্যুৎ অমসুং নেস্নেল জুদিসিয়েল একাদমী, ভোপালগী মরক্তা জুদিসিয়েল এজুকেসন অমসুং ম্যুচেল একচেঞ্জদা য়ানা ৱারোল।
2. x) পি.তি.সি. ইন্দিয়া লিমিতেদ অমসুং দ্রুক গ্রীন পাৱর কোর্পোরেসন লিমিতেদকী মরক্তা মাংদেছু পাৱর লৈবা অমসুং য়োনবগীদমক পাৱর পর্চেজকী য়ানা চেরোল।

১৯. প্রধান মন্ত্রী শ্রী মোদীনা ভুতানগী রোয়েল য়ুনিবর্সিতীদা পাংথোকপা অখন্নবা থৌরম অমদা ভুতানগী নহাশিংদা ৱা ঙাংখি। মহাক্না লৈবাক অনিগী মরক্তা লৈনরিবা বুদ্ধিজমগী মরী অমদি লৈবাক অনিগী মীয়ামগী মরক্তা লৈরিবা মরাশিং অদু ফোংদোকখি। ভারত অমসুং ভুতানগী মরী অসি অনৌবা থাক্তা পুখৎনবা এজুকেসন অমসুং হাই তেক্নোলোজীদা লৈবাক অনিগী নহাশিংনা শরুক য়াবগী মরুওইবা অদু মহাক্না ফোংদোকখি। থৌরম অদুদা প্রধান মন্ত্রী দা. শেরিং অমসুং ভুতানগী নেস্নেল এসেমব্লী অমসুং নেস্নেল কাউন্সিলগী ইকায় খু্ম্নরবা মীহুৎশিংসু শরুক য়াখি।

২০. প্রধান মন্ত্রী দা. শেরিংনা ভুতানগী নাগরিকশিংগী হেল্থকেয়রগী মগুন হেঙ্গৎহন্নবা মশাগী ওইবা অচেৎপা ৱাফম থমখিবা অদুদা প্রধান মন্ত্রী শ্রী মোদীনা মহাক্কী ওইবা থাগৎপা ফোংদোকখি। মসিগী মনুং চন্না ভুতান্দা অনৌবা মল্তি-দিসিপ্লিনরী সুপর স্পেসিয়েলিতী হোস্পিতাল শানবা থৌরাং তৌরিবা অদুদা তেক্নিকেলগী ওইবা তেংবাং পীনবা হন্দক্তা ভারতকী এক্সপার্ত তিম অমা ভুতান্দা লাকখিবা অদু নাকল অনিমক্না খঙমিন্নখি।

২১. লৈবাক অনিগী ওইবা ত্রেদ অমসুং ইনবেস্তমেন্ত মখা তানা পাকথোক চাউথোকপদা নাকল অনিমক্না য়ানবা পুরকখি। লৈবাক অনিগী ত্রেদ অমসুং ইকোনোমিক লিঙ্কেজ হেঙ্গৎহন্নবা প্রধান মন্ত্রী শেরিংগী ২০১৮দা চৎখিবা ভারত খোংচৎ মনুংদা ভারত সরকারনা ওফর তৌখিবা লুপা বিলিয়ন ৪গী ত্রেদ সপোর্ত ফেসিলিতী অদুগীদমক ভুতানগী রোয়েল সরকারনা মসিগী ওইবা তৌবীমল খঙবা উৎখি অমসুং লুপা মিলিয়ন ৮০০গী অহানবা শেনফম থাদোরকপগীদমক ভারত সরকারবু থাগৎপা ফোংদোকখি। সার্ক করেন্সী স্বাপ ফ্রেমৱার্ক্কী মখাদা করেন্সী স্বাপ লিমিৎ হেঙ্গৎহন্নবা ভুতান্না হায়জরক্লিবা অদু পোজিতিব ওইনা খন্নগনি হায়না প্রধান মন্ত্রী শ্রী মোদীনা প্রধান মন্ত্রী দা. শেরিংদা থাজবা পীখি। মসিগী মনুং চনবা খোংথাং অমা ওইনা প্রধান মন্ত্রী শ্রী মোদীনা স্তেন্দবাই স্বাপ এরেঞ্জমেন্তকী মখাদা করেন্সী স্বাপকী ওইনা য়ু.এস. দোলর মিলিয়ন ১০০গী অহেনবা শেনফম অমা ওফর তৌখ্রে।

২২. ভুতানগী রোয়েল সরকারনা হায়জরকপগী মতুং ইন্না ভুতান্দা পীরিবা সবসিদাইজ এল.পি.জি.গী চাং থা অমদা হৌজিক পীরিবা মেত্রিক তন ৭০০ অসি মেত্রিক তন ১০০০দা হেঙ্গৎলগনি হায়না প্রধান মন্ত্রী শ্রী মোদীনা লাওথোকখি।

২৩. প্রধান মন্ত্রী শ্রী মোদীনা পুৱারীগা শাগোন্নরবা থিম্পুদা লৈরিবা সেমতোখা জোংদা প্রর্থনা তৌখি, মদুদা ভারতনা ভুতানগীদমক লোন পীখিবা, ভুতানিজ রাজ্যবু লিংখৎপীরম্বা ঝাবদ্রুং ঙাৱাং নামগ্যাল মীতম অমা লৈরি। ঐখোয়গী অচেৎপা চৎন-লোনচৎ অমসুং সভ্যতাগী মরী অদু য়েংলদুনা প্রধান মন্ত্রীনা লোনগী মতম অদু অতোপ্পা চহী মঙা অমগা শাংদোক্নবা লাউথোকখি। নলন্দা য়ুনিবর্সিতীদা তম্লিবা ভুতানগী মহৈরোইশিংগী স্কোলরশিপ ২ দগী ৫দা হেঙ্গৎহন্নবসু মহাক্না লাউথোকখি।

২৪. নাকল অনিমক্না ত্রেদিস্নেলগী লমশিংদা মখা তানা তেংবাং পীনবা হেঙ্গৎহনবগা লোয়ননা ভারত অমসুং ভুতানগী নহাশিংগী মরক্তা নৌনা শাফোংলক্লিবা লমশিংদা অখন্নবা খোংথাং অমগা লোয়ননা তেংবাং পীনবা হেঙ্গৎহন্নবা মখোয় মখোয়গী ওইবা অচেৎপা ৱাফমশিং থমখি।

২৫. প্রধান মন্ত্রী শ্রী মোদীগী খোংচৎ মনুংদা নুংশি-চান্ননা অমসুং মরূপ ওইবগী মতৌদা ৱারী শানখিবা অদুনা ভুতান অমসুং ভারতকী মরক্তা থাজবা, তেংবাং পীনবা অমসুং নাকল অনিগী ওইবা ইকায় খুম্নবা অদু মমি তারি।