ভারতকী প্রধানমন্ত্রী
হিজ হোলিনেস পোপ ফ্রান্সিস্না ২০২১গী ওক্তোবর ৩০, থাংজ নুমিৎতা ভতিকান সিতীদা লৈবা এপোস্তোলিক পেলেস্তা প্রধান মন্ত্রী শ্রী নরেন্দ্র মোদীবু লনাইগী ওইবা মীতিন অমদা ওকখ্রে।
ভারতকী প্রধান মন্ত্রী অমসুং পোপকী মরক্তা উনবা অসি দিকেদ অনিগী মতুংদা অহানবনি। ২০০০ জুন্দা, লৈখিদ্রবা প্রধান মন্ত্রী শ্রী অতল বিহারি বাজপায়না ভতিকান্দা অরোইবা ওইনা চৎখি অমসুং মতম অদুগী পোপ হিজ হোলিনেস জোন পোল IIগা উনখি। ভারত অমসুং হোলি সিনা হৌখ্রবা ১৯৪৮গী দিপ্লোমেতিক ওইবা মরী শেমগৎনবা মরুপ মপাংগী ওইবা মরী থম্লি। ভারত অসি এসিয়াদা কেথোলিক মীশিং খ্বায়দগী য়াম্না লৈবা অনিশুবা লৈবাক্নি।
ঙসিগী মীফম অসিদা, লুচিংবা অনিনা কোবিদ-১৯ লায়চৎ অমসুং মসিনা মালেম অসিগী মীয়ামদা ওইরকপা য়াবা ৱাফম কয়া অমা খন্নখি। মখোয়না অইং অশানা মরম ওইদুনা থেংনহল্লিবা অৱাবশিংগী মতাংদসু ৱা খন্নখি। প্রধান মন্ত্রীনা পোপ্তা ভারতনা আসা লৈনা লৌখৎলিবা অইং অশা থেংননবা হোৎনরিবা অমসুং কোবিদ-১৯ ভেক্সিন কোতি অমা হেন্না কাপথোকখিবা পাওদমখি। হিজ হোলিলেস্না ভারতনা মখোয়দা লায়চৎ মনুংদা মতেং পাংবিবগীদমক থাগৎপা ফোংদোকখি।
প্রধান মন্ত্রীনা হিজ হোলিনেস পোপ ফ্রান্সিস্তা য়াম্না অথুবা মতমদা ভারত্তা কোইরক্নবা বার্তোন তৌখি, অমদি য়াম্না হরাওনা য়াবিরকখি।
প্রধান মন্ত্রীনা স্তেতকী সেক্রেতরী, হিজ ইমিনেন্স কার্দিনেল পৈত্রো পারোলিনসু উনখি।
***
At the Vatican City, PM @narendramodi had a meeting with Pope Francis. @Pontifex pic.twitter.com/o9OobfIBkL
— PMO India (@PMOIndia) October 30, 2021
Had a very warm meeting with Pope Francis. I had the opportunity to discuss a wide range of issues with him and also invited him to visit India. @Pontifex pic.twitter.com/QP0If1uJAC
— Narendra Modi (@narendramodi) October 30, 2021
