ভারতকী প্রধানমন্ত্রী

খুরুমজরি!!

ময়াম পুম্নমকপু ভগবান বসবেশ্বরগী মপোক কুমওন্দা য়াইফ-পাউজেল পীজরি।

মালেমগী লাইচৎ কোরোনানা মালেম পুম্বগী মাংদা খুদোংচাদবা মায়োক্নহল্লিবা অসি য়েংদুনা ঐখোয় ভারত মচাশিং অমত্তা ওইদুনা লাইচৎ অসি মায়থিবা পীবা ঙম্নবা ঐখোয় পুম্নমক্কী মফমদা বসবেশ্বরগী থৌজাল পীনবীবা ওইরসনু হায়না থৌনীজরি। অমদি ভারত খক্তা নত্তনা, মীওইবা জাতি অপুনবগী য়াইফনবগীদমক থৌদাং খরা নত্ত্রগা খরা লৌবা ঙম্বা ওইরসনু।

মরূপশিং,

ঐহাক ভগবান বসবেশ্বরগী ৱাহৈশিং, মহাক্কী পাউজেলদগী লেপ্পা লৈতনা তমজবগী খুদোংচাবা অদু ফংজরি। মদুনা মহাক্কী ৱাহৈশিংগী লৈবাক অসিগী লোন ২৩দা অনুবাদ ওইগেরা মদু নত্ত্রগা লন্দনদা মহাক্কী মীতম মায়খুম হাংদোকপগী তাঞ্জা ওইগেরা, মতম খুদিংমক্তা ঐহাক্না অনৌবা ইনর্জী অমা ফাওরি।

মরূপশিং,

ইফমদা তাকপীরে মদুদি ২০১৭তা বসবন্নাগী দিজিতেলাইজেসনগী ৱাফম ঐহাক্না থমখিবা অদুদা অদোম্না অচৌবা থবক তৌরি। মদুদা নত্তনা হন্দক্কী থৌরম অসিসু দিজিতেল ওইনা মালেম পুম্বদা পাংথোক্লি।

লোকদাউনগী নিয়ম ঙাক্না চৎতুনা অমরোমদা মসি অপুনবা ওনলাইনগী খ্বাইদগী ফবা খুদম্নি।

অদোমগী অসিগুম্লবা হোৎনরিবা অসিনা বসবন্নানা তাক্লিবা লম্বী অমদি মহাক্কী ফিদম্নফমদগী মালেম অসিগী মীওই কয়া অমা শম্নবা ঙম্লগনি।

মরূপশিং,

সংসারদা মানবা মীওই লৈরি। ঐখোয়না উরি মদুদি মীওই খরদি অফবা ৱা ঙাংই অদুবু মশামক্তি ঙাক্না চৎতে। মীওই খরদি অচুম্বা করিনো খঙই অদুবু অচুম্বা অদু অচুম্বনি হায়বদা অকিবা ফাওই। অদুবু বসবন্নানা ধর্মগী পাউতাক্কী লম্বী খনবতা নত্তনা মীওইবদা, সমাজদা চুমথোকনীংবা অদু মহাক মশামক্না চুমথোকপা হৌই।      

অফবা রিফোর্মর অমগী মতৌদসু মফমদগী ইন্সপিরেসন ফংবা য়াই। ভগবান বসবেশ্বরগী ৱাহৈ, মহাক্কী ৱাশক, মহাক্কী ধর্মগী পাউতাক গ্যানগী অদুগুম্লবা সোর্সনি মদুনা স্পিরিচুয়েসু ওইরি অমদি ঐখোয়বু প্রেক্তিকেল গাইদকী মতৌগুম লম্বীসু তাকপীরি। মহাক্কী ধর্মগী পাউতাকনা ঐখোয়বুসু হেন্না ফবা মীওই ওইনবা পরা তম্বীরি।

অদুগা মরূশিং, ভগবান বসবেশ্বরনা হায়বীরম্বা অদু, মহাক্না মসিমসু হায়বীরম্মি মদুদি মহাক য়াম্না চাউবা তুংগী উবা ঙম্বা অমসুনি। ঙসিদগী চহি চা কয়াগী মমাং মক্তদা ভগবান বসবেশ্বরনা সোসিয়েল অমসুং জেন্দর ইক্বেলিতীগুম্বা হিরমশিংদা সমাজবু লমজিংবীরম্মি। অশোন-অনাশিংবু চপ মান্নবা অধিকার অমসুং ইকায় খুম্নবা ফংদ্রিবা ফাওবা ঐখোয়গী এদভান্সমেন্ত পুম্বা মপুং ফাদে, ৱাফম অসি মহাক্না মতম অদুদা সমাজদা তম্বীখি।

বসবন্নানা সমাজগী অরোইবা শরুক্তা লেপ্লিবা মীওইগী চিন্তা অহানবা প্রায়োরিতী ওইগদবা অদুগুম্লবা সমাজিক লোকতন্ত্র অমগী মরু হুনখি। বসবন্নানা মীওইবা পুন্সীগী এস্পেক্ত পুম্নমক শোকখি, মদুবু হেন্না ফবা ওইহন্নবগীদমক সোলুসন সজেস্ত তৌখি। বসবন্নানা মতম পুম্নমক্তা শুবা-নোম্ববু ইকায় খুম্নখি। মহাক্না হায়বীরম্মি মদুদি সমাজদা অচৌবা অমদি মচা মীপুম খুদিংমক লৈবাক্কী সেবাদা ৱার্করশিংনি।

মরূপশিং,

২১শুবা চহিচাগী ভারত্তসু ঐহাক্না ঙসি ঐহাক্কী মনাক নকপদা, নহা ওইরিবা মরূপশিংদা, লৈবাক মীয়ামদা আর্থ লৈবা অহোংবগীদমক হেন্না চেৎপা ৱিল-পাৱর, কন্সেপচুয়েল পাৱর অমগী এক্সপরিয়েন্স তৌরি। মদুগী কন্সেপচুয়েল পাৱর অদুমক্কী ইন্সপিরেসন বসবন্নানা পীবীরম্বনি। অসিগুম্বা মখলগী আশা অমসুং থাজবনা লৈবাক অসিবু লুরবদগী লুরবা শিংনবশিংদগী মপান থোরকপদা মতেং য়াম্না পাংই অমদি পাংলি।

মরূপশিং,

আশা অমসুং থাজবগী পাউজেল অসি ঐখোয়না মাংলোমদা পুখৎকদবনি অমদি চেৎশিনহনগদবনি। মসিনা ঐখোয়বু শুবা-নোম্বা অমসুং কানহন্নবা পুক্নিং থৌগৎকনি। মসিমক্না দিকেদ অসিদা ঐখোয়গী লৈবাকপু অনৌবা অৱাংবা থাক্তা পুখৎকনি।

ময়াম পুম্নমক ভগবান বসবন্নাগী ৱাফমবু, মহাক্কী আইদিয়েলশিংবু মালেম পুম্বদা শন্দোকপীয়ু, মালেম্বু অফবা ওইহনবীয়ু, নীংজবা অসিগা লোয়ননা ঐহাক্কী ৱারোল লোইশিনজরি।

হোয়, থবকশিং অসিগী মরক্তা, ময়াম পুম্নমক ইশাগী হকশেলগীসু পুক্নিং চংবীয়ু অমদি গজ অনিগী অরাপ্পগী পালনসু তৌবীয়ু। অমুক হন্না অদোম্বু বসব জয়েন্তিগী য়াইফ-পাউজেল পীজরি!!

থাগৎচরি!!!